ក្រសួងព័ត៌មានបានបង្ហាញឲ្យដឹងកាលពីម្សិលមិញថា ខ្លួននឹងធ្វើការហាមប្រាមជាថ្មី មិនឲ្យស្ថានីយ៏វិទ្យុ ជាពិសេសវិទ្យុបរទេសដែលផ្សាយជា ខេមរៈភាសារ ធ្វើការផ្សព្វផ្សាយពីភាពមិនប្រក្រតីនានាដែលកើតមានអំឡុងពេលបោះឆ្នោតជាតិឆ្នាំ២០១៣ខាងមុខ ខណៈដែលបំរាមបែបនេះ ត្រូវបានអនុវត្តន៏រួចម្ដងមកហើយ កាលពីការបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់ នាខែមិថុនានោះ។
ខៀវ កាញ្ញារីទ្ធ រដ្ឋមន្ត្រី ក្រសួងព័ត៌មាន
លោក ខៀវ កញ្ញារីទ្ធ រដ្ឋមន្រ្តីក្រសួងព័ត៌មានបានលើកឡើងនៅក្នុងសន្និសីទសារព័ត៌មានមួយថា ” យើងគ្រោងនឹងសុំឲ្យស្ថានីយ៏ទាំងអស់រក្សាភាពស្ងប់ស្ងាត់រយៈពេលពីរថ្ងៃ ក្នុងអំឡុងពេលបោះឆ្នោតជាតិនៅឆ្នាំក្រោយ ..”។
ប៉ុន្តែយ៉ាងណាក៏ដោយក្រុមមន្ត្រីអង្គការសង្គមស៊ីវិលបានហៅផែនការនេះថា បានធ្វើឲ្យប៉ះពាល់ដល់តម្លាភាពនៃការបោះឆ្នោត និង ដំណើរការអនុវត្តន៏លទ្ធិប្រជាធិបតេយ្យចុះខ្សោយ ៕
No comments:
Post a Comment
yes