រាជធានីភ្នំពេញ៖ សមាគមអ្នកប្រជាធិបតេយ្យរបស់លោក ម៉ម សណង់ដូ បានប្រមូលស្នាមមេដៃប្រមាណជា៦ម៉ឺនស្នាមមេដៃហើយ ដើម្បីស្នើសុំតុលាការអនុញ្ញាតឲ្យលោក ម៉ម សូណង់ដូ ស្ថិតនៅក្រៅឃុំ ក្នុងខណៈដែលលោក ជា មុនី ប្រធានសហជីពសេរីកម្មករកម្ពុជា ប្រកាសប្រមូលស្នាមមេដៃពីកម្មកររោងចក្រ។
លោក គង់ គន្ធា ជំនួយការរដ្ឋបាលរបស់សមាគមអ្នកប្រជាធិបតេយ្យ បានមានប្រសាសន៍ថា សមាគមប្រជាធិបតេយ្យបានធ្វើយុទ្ធនាការប្រមូលស្នាមមេដៃទៅតាមតំបន់ធ្វើការរបស់ខ្លួនដោយបានប្រមូលស្នាមមេដៃពីប្រជាពលរដ្ឋបានជាង៦ម៉ឺនមេដៃហើយ។
លោក គង់ គន្ធា បញ្ជាក់ថា៖«រហូតមកដល់បច្ចុប្បន្ននេះ យើងទទួលបានប្រមាណជាជាង៦ម៉ឺននាក់ហើយ ហើយយើងក៏បានទទួលបានជាបន្តបន្ទាប់ទៀតដែរ»។
ចំណែកឯលោក ជា មន្នី ប្រធានសហជីពសេរីកម្មករកម្ពុជា ក្នុងកិច្ចប្រជុំរបស់សហជីពសេរីកម្មករកម្ពុជា កាលពីថ្ងៃទី២៩ ខែកក្កដា កន្លងទៅ
ក៏កំពុងគម្រោងប្រមូលស្នាមមេដៃ ពីកម្មកររោងចក្រ ចំនួន៣៥ រោងចក្រដែលមានទីតាំងនៅរាជធានីភ្នំពេញ កណ្តាល និងកំពង់ចាម។
ការប្រមូលស្នាមមេដៃនេះគឺដើម្បីទាមទារអោយតុលាការអនុញ្ញាតអោយលោក ម៉ម សូណង់ដូ ដែលកំពុងតែស្ថិតនៅក្នុងពន្ធនាគារព្រៃសរនោះ ស្ថិតនៅក្រៅឃុំ។
គួររំលឹកដែរថា លោក ម៉ម សូណង់ដូ ត្រូវបានចាប់ខ្លួនកាលពីព្រឹកថ្ងៃទី១៥ខែកក្កដានេះ ស្ថិតនៅគេហដ្ឋានរបស់លោក ក្រោមបទចោទប្រកាន់ចំនួន ៤ចំនុច គឺ ទីមួយផ្តួចផ្តើមគំនិតប្រឆាំងរដ្ឋាភិបាល ទីពីរធ្វើកុបកម្មខុសច្បាប់ ទីបីញុះញង់អោយមានការកាន់អាវុធខុសច្បាប់ និង ទីបួនប្រឆាំងជាមួយអាជ្ញាធរស្របច្បាប់៕
No comments:
Post a Comment
yes