រាជធានីភ្នំពេញ ៖ មនុស្សម្នាក់បានស្លាប់ភ្លាមៗនៅនឹងកន្លែង និងជាង២០នាក់ទៀតរងរបួសធ្ងន់ និងស្រាល ក្នុងនោះមានទាំងស្ត្រីមានផ្ទៃពោះ៣ទៅ៤នាក់ផងដែរ ដោយសារឧប្បត្តិហេតុគ្រោះថ្នាក់ចរាចរណ៍រវាងរថយន្តដឹកដីធុនយក្សយីឌុប បើកបុករថយន្តដឹកកម្មករដែលកំពុងឈប់ស្ងៀមដាក់កម្មករពីក្រោយផ្ទប់ជាមួយរថយន្តកុងតឺន័រកំពុងឈប់ស្ងៀមដែរ ។គ្រោះថ្នាក់ចរាចរណ៍ដ៏គួរឱ្យរន្ធត់នោះបានកើតឡើងកាលពីវេលាម៉ោង៥និង៤០នាទីព្រឹកថ្ងៃទី២៨ កក្កដា ២០១២ នៅលើកំណាត់ផ្លូវជាតិលេខ៣ ត្រង់ចំណុចមុខផ្សារក្រាំងពង្រ ស្ថិតក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ ។ រថយន្តដឹកដីដែលបង្កគ្រោះថ្នាក់នោះម៉ាកហ៊ីណូ ពណ៌ខៀវ ចំណែករថយន្តដឹកកម្មករម៉ាកហ៊ីយ៉ាន់ដាយ ចំណុះ១តោន ពណ៌ស បើកដោយឈ្មោះស្រស់ ខុម ភេទប្រុស អាយុ៥២ឆ្នាំ មានទីលំនៅភូមិស្លែងគង់ ឃុំដើមឫស ស្រុកកណ្តាលស្ទឹង ខេត្តកណ្តាល ដោយឡែករថយន្តកុងតឺន័រដែលឈប់ចតស្ងៀមនោះពណ៌ត្រេអីុ ។តាមប្រភពព័ត៌មានបានឱ្យដឹងថា នៅមុនពេលកើតហេតុរថយន្តហ៊ីយ៉ាន់ដាយបានដឹកកម្មករជាង២០នាក់ ចេញពីឃុំដើមឫស ស្រុកកណ្តាលស្ទឹង ខេត្តកណ្តាល ទៅធ្វើការរោងចក្រ ក្នុងទិសដៅពីត្បូងទៅជើង ។
លុះមកដល់ត្រង់ចំណុចកើតហេតុរថយន្តនេះបានឈប់ពីក្រោយរថយន្តកុងតឺន័រមួយគ្រឿងដែលកំពុងឈប់ស្ងៀម ដើម្បីដាក់កម្មករ ខណៈពេលដែលកម្មករកំពុងនាំគ្នាឡើងជិះ ស្រាប់តែរថយន្តដឹកដីនោះបើកបរក្នុងល្បឿ់នយ៉ាងលឿនមកដល់ហើយបានបុករថយន្តដឹកកម្មករនោះពីក្រោយពេញទំហឹងរុញទៅផ្ទប់ជាមួយរថយន្តកុងតឺន័រ បណ្តាលឱ្យកម្មករម្នាក់ឈ្មោះពាវ ឆាយ ភេទប្រុស អាយុ៣២ឆ្នាំ ត្រូវរថយន្តដឹកដីនេះកិនបែកក្បាលចេញខួរស្លាប់នៅនឹងកន្លែង ឯជាង២០នាក់ផ្សេងទៀតរងរបួសធ្ងន់ និងស្រាល ។
No comments:
Post a Comment
yes