ភ្នំពេញ: បន្ទាប់ពីជួបប្រជុំចរចា អស់ចំនួនពីរថ្ងៃនៅទីក្រុងម៉ានីល ប្រទេសហ្វីលីពីន ដោយមានការចូលរួមពីលោកសមរង្ស៊ី និងលោកកឹមសុខា ព្រមទាំងថ្នាក់ដឹកនាំគណបក្សសមរង្ស៊ី និងគណបក្សសិទ្ធិមនុស្ស រួចមក គណបក្សប្រឆាំងទាំងពីរ បានព្រមព្រៀងជាគោលការណ៍ ថានឹងបង្កើតគណបក្សថ្មី។
លោកសមរង្ស៊ី និងលោកកឹមសុខា បានប្រកាសក្នុងសន្និសីទកាសែតរួមគ្នា ពីទីក្រុងម៉ានីល ចូលមកកាន់ទីស្នាក់ការកណ្តាលគណបក្សសមរង្ស៊ី នៅរាជធានីភ្នំពេញ ថា គណបក្សថ្មីនោះ នៅមិនទាន់មានឈ្មោះដាក់នៅឡើយទេ ដោយរងចាំសេចក្តីសំរេចពីគណកម្មនាយកនៃគណបក្សទាំងពីរ ដើម្បីរកពេលវេលាប្រជុំសមស្រប នៅពេលណាមួយខាងមុខ។ គណបក្សប្រឆាំងថ្មីនោះ មានលោក សម រង្ស៊ី ជាប្រធាន និងលោក កឹម សុខា ជាអនុប្រធាន។
លោកសមរង្ស៊ី និងលោកកឹមសុខា បានប្រកាសក្នុងសន្និសីទកាសែតរួមគ្នា ពីទីក្រុងម៉ានីល ចូលមកកាន់ទីស្នាក់ការកណ្តាលគណបក្សសមរង្ស៊ី នៅរាជធានីភ្នំពេញ ថា គណបក្សថ្មីនោះ នៅមិនទាន់មានឈ្មោះដាក់នៅឡើយទេ ដោយរងចាំសេចក្តីសំរេចពីគណកម្មនាយកនៃគណបក្សទាំងពីរ ដើម្បីរកពេលវេលាប្រជុំសមស្រប នៅពេលណាមួយខាងមុខ។ គណបក្សប្រឆាំងថ្មីនោះ មានលោក សម រង្ស៊ី ជាប្រធាន និងលោក កឹម សុខា ជាអនុប្រធាន។
ជាមួយនឹងការព្រមព្រៀងខាងលើនោះ លោក សម រង្ស៊ី និងលោក កឹម សុខា ក៏បានចុះហត្ថលេខាលើកិច្ចព្រមព្រៀង បង្កើត "ចលនាប្រជាធិបតេយ្យសង្គ្រោះជាតិ"។
យោងតាមសេចក្ដីថ្លែងការណ៍រួម គណបក្សសមរង្ស៊ី និងសិទ្ធិមនុស្ស ស្ដីពី "ការបង្កើតចលនាសង្គ្រោះជាតិ" គណបក្សទាំងពីរ បានឯកភាពគ្នារៀបចំយន្ដការ ដឹកនាំចលនាប្រជាធិបតេយ្យសង្គ្រោះជាតិ មានសមាភាពដូចខាងក្រោម៖
-ថ្នាក់ដឹកនាំ៖ លោក សម រង្ស៊ី ជាប្រធាន និងលោក កឹម សុខា ជាអនុប្រធាន
-លេខាធិការដ្ឋាន៖ លោកស្រី មូរ សុខហួរ របស់គណបក្សសមរង្ស៊ី ជាប្រធានលេខាធិការដ្ឋាន និងលោក ញ៉ែម បុញ្ញឫទ្ធិ របស់គណបក្សសិទ្ធិមនុស្ស ជាអនុប្រធានលេខាធិការដ្ឋាន
- អ្នកនាំពាក្យ៖ លោក ប៉ុល ហំម របស់គណបក្សសិទ្ធិមនុស្ស និងលោក យឹម សុវណ្ណ គណបក្សសមរង្ស៊ី
ការបង្កើត ចលនាប្រជាធិបតេយ្យសង្គ្រោះជាតិ ត្រូវបានគណបក្សប្រឆាំងទាំងពីរ ប្រកាសថា ធ្វើសេចក្ដីសម្រេចដោយឈរលើគោលការណ៍ ព្រមព្រៀងគ្នា ជាឯកឆន្ទរវាងប្រធាន និងអនុប្រធាន ដើម្បីរួមកម្លាំងស្នេហាជាតិ និងប្រជាធិបតេយ្យ ដោយគ្មានប្រើកម្លាំងហិង្សាស្របតាមរដ្ឋធម្មនុញ្ញ នៃព្រះរាជាណាចក្រកម្ពុជា។
សូមរម្លឹកថា លោកសមរង្ស៊ី និងលោក កឹមសុខា ធ្លាប់បានចាប់ដៃ ចុះហត្ថលេខារួមគ្នា កាលពីថ្ងៃទី១៥មករា ឆ្នាំ២០០៩ ដើម្បីបង្កើត សម្ព័ន្ធភាពអ្នកប្រជាធិបតេយ្យ ដែលជាការរួបរួមរវាងគណបក្សសមរង្ស៊ី និងគណបក្សសិទ្ធិមនុស្ស។ ក៏ប៉ុន្តែសម្ព័ន្ធភាពនោះ បានបែកបាក់ ក្នុងរយៈពេលជាង ១ ឆ្នាំ ក្រោយមក៕
No comments:
Post a Comment
yes