ក្រុមអ្នកវិភាគបានលើកឡើងថា
អំពើពុករលួយនៅក្នុងប្រទេសកម្ពុជាពីមួយថ្ងៃទៅមួយថ្ងៃ គឺមានការរីកលូតលាស់ធំធាត់ឡើងឥតឈប់ឈរ
ដែលធ្វើឲ្យប៉ះពាល់ដល់កំណើនសេដ្ឋកិច្ចជាតិយ៉ាង ធ្ងន់ធ្ងរ
ហើយអំពើពុករលួយនេះភាគច្រើនគឺបានកើតមានឡើងទៅលើមន្រ្តីធំៗក្នុងជួររដ្ឋាភិបាល
មន្រ្តីអាជ្ញាធរមូលដ្ឋានរបស់គណបក្សកាន់អំណាច និងមួយចំនួនទៀតគឺបានកើតមាន
ឡើងពីសំណាក់មន្រ្តីសមត្ថកិច្ចខិលខូចទុច្ចរឹតមួយចំនួន ។
ជាក់ស្តែងនៅខេត្តសៀមរាម មន្រ្តីក្រុមប្រឹក្សាខេត្តសៀមរាបមកពីគណបក្ស សម រង្ស៊ី
បានជំរុញ ទៅអង្គភាពអំពើពុករលួយ ឲ្យធ្វើការពិនិត្យមើលករណីមន្រ្តីអាជ្ញាធរមូលដ្ឋាននៅក្នុងស្រុកប្រាសាទបាគង
ដែលបានទទួលរងនូវការចោទប្រកាន់ពីប្រជាពលរដ្ឋថាបានកំពុងតែឃុំឃិតគ្នាលក់ ដីព្រៃលិចទឹករបស់រដ្ឋទៅឲ្យឈ្មួញ
។
ការស្នើឡើងរបស់មន្រ្តីក្រុមប្រឹក្សាខេត្តសៀមរាបរបស់គណបក្ស សម រង្ស៊ី បែនេះ
គឺនៅបន្ទាប់ពីមានសេចក្តីរាយការណ៏ពីប្រជាពលរដ្ឋនៅក្នុងឃុំកណ្តែក
ស្រុកប្រាសាទបាគងបានឲ្យដឹងថាលោក ខាំ លឿ មេឃុំកណ្តែកមកពីគណបក្សប្រជាជន
បានឃុំឃិតគ្នាជាមួយមន្រ្តីជនផលពីរនាក់ដែលមានឈ្មោះ ស្រី សុភ័ក្រ្ត និងឈ្មោះឈ្មោះ
អ៊ុយ វណ្ណនី ហៅធឿង បានរួមគ្នាប្រព្រឹត្តអំពើពុក
រលួយស៊ីសំឡូកក្នុងទឹកប្រាក់ជាច្រើនពាន់ដុល្លា ក៏ដូចជាការទទួលបានដីស្រែប្រាំង
ជាថ្នូរទៅនិងការបិទបាំងឲ្យមេឃុំរបស់គណបក្សប្រជាជនលោក ខាំ លឿ យក គ្រឿងចក្រទៅឈូសឆាយលើកជាទំនប់ធ្វើស្រែប្រាំង
លក់ដីខុសច្បាប់ឲ្យប្រជាពលរដ្ឋចំនួន៤ភូមិ ក្នុងមួយឡូត៏ទំហំ៨ម៉ែត្រ គុណនឹង៥០០ម៉ែត្រ
ក្នុងតម្លៃបីពាន់ដុល្លា ។
ក្រុមប្រឹក្សាខេត្តរបស់គណបក្សសម រង្ស៊ី លោក សុខ គឹមសេង បានឲ្យដឹងថា
នៅក្រោយពីលោក បានទទួលព័ត៌មានខាងលើករូបលោករួមជាមួយនិងក្រុមមន្រ្តីអង្គការសង្គមស៊ីវិល
បានចុះទៅពិ និត្យដល់ទីកន្លែង និងជាបានឃើញថាពិតជាមានការឃុំឃិតគ្នាលក់ដីសាធារណៈរបស់រដ្ឋដូចជា
ការលើកឡើងរបស់ប្រជាពលរដ្ឋខាងលើនោះមែន ។
ពាក់ព័ន្ធទៅនិងករណីលក់ដីព្រៃលិចទឹក ប្រជាពលរដ្ឋដែលនិយាយក្នុងលក្ខណសុំមិនបញ្ចេញ
ឈ្មោះបានប្រាប់ឲ្យដឹងថា ដីទាំងបួនភូមិខាងលើមានភូមិគោលធ្លក ទំហំ៤០០ម៉ែត្រ
គុណនឹង៥០០ម៉ែត្រ ភូមិត្រពាំងទឹមមានក្បាលដី៧០០រយម៉ែត្រ បណ្តោយ៥០០ម៉ែត្រ
ភូមិល្អក់មានក្បាលដី២២០ម៉ែត្រ គុណនឹង៥០០ម៉ែត្រ នឹងភូមិម៉ប ក្បាលដីទំហំ៥០០ម៉ែត្រ
បណ្តោយ៥០០ម៉ែត្រ ។
សូមបញ្ជាក់ជូនផងដែរថា នៅក្នុងការលក់ដីនេះមេឃុំកណ្តែកមកពីគណបក្សប្រជាជនឈ្មោះ
ខាំ លឿ បានប្រមូលប្រាក់ពីប្រជាពលរដ្ឋដែលបានទិញដីទាំងនោះជិតអស់ហើយផងដែរ ហើយបាន
យកលុយមួយចំនូនដែលបានមកពីការលក់ដីព្រៃរបស់រដ្ឋនេះ ទៅសូកមន្រ្តីពុករលួយមួយចំនួន
ដើម្បីឲ្យមន្រ្តីទាំងនោះជួយបិទបាំងនូវទង្វើពុករលួយរបស់ខ្លួន ។
ចំណែកឯក្រុមអ្នកតាមដានស្ថានផការណ៏នៅក្នុងប្រទេសកម្ពុជាបានលើកឡើងថា ការសន្យារបស់មន្រ្តីក្នុងជួរគណបក្សប្រជាជន
នៅមុនការបោះឆ្នោតជ្រើសរើសក្រុមប្រឹក្សាឃុំ-សង្កាត់ ថ្ងៃទី០៣ ខែមិថុនា ឆ្នាំ២០១២
កន្លងទៅនេះ គឺជាការសន្យាភូតកុហក់ ដោយសារតែនៅ ក្រោយការបោះឆ្នោតជ្រើសរើសក្រុមប្រឹក្សាឃុំ-សង្កាត់
មិនទាន់បានប៉ុន្មានផង អំពើពុករលួយ ដែលប្រព្រឹត្តដោយមន្រ្តីអាជ្ញាធរមូលដ្ឋានមកពីគណបក្សប្រជាជន
គឺបាននឹងសុំរ៉ុកយ៉ាងគគ្រើន ដោយគ្មានញញើតដៃឡើយ ។
ដូចជាករណីមេឃុំរបស់គណបក្សប្រជាជនបានលក់ដីព្រៃលិចទឹកដែលជាជម្រកត្រីពងកូន
យកទៅចែកចាយបក្ខពួករបស់ខ្លួនធ្វើមានធ្វើបាន មិនគិតពីផលប្រ យោជន៏របស់ប្រជាពលរដ្ឋនៅក្នុងមូលដ្ឋាននោះឡើយ
ហើយអំពើពុករលួយនេះជាដើមចមដែលធ្វើឲ្យសង្គមក្រីក្រទៅៗ ។
ដូចនេះលោក ស ខេង រដ្ឋមន្រ្តីក្រសួងមហាផ្ទៃ និងលោក ឱម យិនទៀង
ប្រធានអង្គភាពប្រឆាំង អំពើពុករលួយ
ត្រូវតែចាត់វិធានការចំពោះករណីអំពើពុករលួយដែលប្រព្រឹត្តដោយមន្រ្តីឃុំរបស់
គណបក្សប្រជាជនឈ្មោះ ខាំ លឿន មេឃុំកណ្តែក
ដែលបានយកដីព្រៃលិចទឹកទៅលក់ឲ្យឈ្មូញធ្វើមានធ្វើបាន រួមជាមួយនិងមន្រ្តីពុករលួយដែលពាក់ព័ន្ធមួយចំនួននៅក្នុងខេត្តនេះផងដែរ
។ ព្រោះប្រសិនបើនៅតែរបៀបនេះដីព្រៃរបស់រដ្ឋមិនដឹងជាប៉ុន្មានទៀតទេ
ដែលត្រូវបានពួកមន្រ្តី ពុករលួយទាំងនោះយកទៅលក់ទៀតនោះ ។
គណបក្ស សម រង្ស៊ី គឺមានគោលនយោបាយច្បាស់លាស់ក្នុងការកំចាត់អំពើពុករលួយ ហើយមេ
ឃុំដែលមកពីគណបក្ស សម រង្ស៊ី ដែលបានជាប់ឆ្នោតបំរើប្រជាពលរដ្ឋនាពេលកន្លងមក
ក៏ដូចជាពេលបច្ចុប្បន្ន អាចចាត់ទុកបានជាមេឃុំគំរូក្នុងការលំបំបាត់អំពើពុករលួយ ។
សូមជំរាបជូនផងដែរថា មេឃុំ-ចៅសង្កាត់ ដែលមកពីគណបក្ស សម រង្ស៊ី
គឺការពារប្រជារាស្រ្តតូចតាចអ្នកក្រីក្រ និងអ្នកទន់ខ្សោយ
ដោយមិនប្រព្រឹត្តិអំពើពុករលួយ គឺរក្សានូវភាពទៀងត្រង់ ហើយផ្តល់យុត្តិធម៌ជូនជនរងគ្រោះ
។ មេឃុំ-ចៅសង្កាត់ មកពីគណបក្ស សម រង្ស៊ី
នឹងចូលរួមដោះស្រាយរាល់បញ្ហានៅតាមភូមិនីមួយៗនៅក្នុងឃុំ-សង្កាត់
របស់ខ្លួនដោយបំរើប្រជាពលរដ្ឋ
យ៉ាងស្មោះត្រង់មិនគិតពីផលប្រយោជន៏ ផ្ទាល់ខ្លួននោះឡើយ ។មេឃុំ-ចៅសង្កាត់ មកពីគណ
បក្ស សម រង្ស៊ី គឺផ្តល់ជូនប្រជាពលរដ្ឋនូវលិខិតស្នាម អត្រានុកូលដ្ឋាន
លិខិតបញ្ជាក់ លិខិតអនុញ្ញាត និងឯកសាររដ្ឋបាលនានា
តាមសេចក្តីត្រូវការរបស់ប្រជាពលរដ្ឋ ដោយមិនទាមទារ
ប្រាក់កម្រៃផ្ទាល់ខ្លួន ព្រមទាំងប្រឆាំងអំពើពុករលួយយ៉ាងដាច់ខាត
។មេឃុំ-ចៅសង្កាត់មកពី
គណបក្សសម រង្ស៊ី មិនចូលដៃជាមួយជនខិលខូច និងក្រុមហ៊ុនទុច្ចរិត
ដែលលួចប្លន់ដីធ្លីរបស់
ប្រជារាស្រ្តដែលផ្ទុយទៅវិញនិងខិតខំការពារប្រជារាស្រ្តឲ្យអស់ពីកំលាំងចិត្ត
កំលាំងការ ដូចជា
អ្នកតំណាងរាស្រ្តគណបក្ស សម រង្ស៊ី តែងតែចេញមុខការពារប្រជារាស្រ្ត
គ្រប់ខេត្ត-ក្រុង និង
រាជធានី នៅទូទាំងប្រទេស ។មេឃុំ-ចៅសង្កាត់ មកពីគណបក្ស សម រង្ស៊ី
ជួយរៀបចំគាំទ្រ និងការពារសហគមព្រៃឈើ និង សហគមនេសាទ
ដើម្បីថែរក្សាទ្រព្យសម្បត្តិសាធារណៈរួមមាន
ព្រៃឈើ និងបឹងបួ ដែលជាដើម ទុន
ប្រើប្រាស់សំរាប់ផលប្រយោជន៏សាធារណៈ ។មេឃុំ-ចៅ
សង្កាត់មកពីគណបក្ស សម រង្ស៊ី ដឹកនាំការអភិវឌ្ឍន៏ពិតប្រាកដនៅតាមឃុំ-សង្កាត់
របស់ខ្លួន
គឺការអភិវឌ្ឍន៏ដែលបំរើផលប្រយោជន៏ប្រជាពលរដ្ឋជាក់ស្តែង ប្រកបដោយភាពស្អាតស្អំ
និង
យុត្តិធម៌មិនមែនការអភិវឌ្ឍន៏ក្លែងក្លាយ កេងប្រវ័ញ្ញ
លើប្រជាពលរដ្ឋដូចយើងបានឃើញ នៅ
ក្នុងឃុំ-សង្កាត់ ដែលដឹកនាំដោយគណកប្សកាន់អំណាចសព្វថ្ងៃនោះទេ ។ នៅក្នុងឃុំ-សង្កាត់
ណា ដែលមានមេឃុំ-ចៅសង្កាត់ មកពីគណកប្ស សម រង្ស៊ី ប្រជាពលរដ្ឋមកពីគ្រប់ភូមិអាច
ចូល
រួមក្នុងការធ្វើសេចក្តីសម្រេចទាំងអស់
ក្នុងកិច្ចប្រជុំនៃក្រុមប្រឹក្សាឃុំ-សង្កាត់ ដែលបើកចំហរ ជា
និច្ចដើម្បីឲ្យមានតម្លាភាព និងលក្ខណៈប្រជាធិបតេយ្យពេញលេញ
ជាពិសេសការប្រើប្រាស់ មូលនិធិអភិវឌ្ឍន៏ប្រចាំឆ្នាំដែលឃុំ-សង្កាត់ នីមួយៗទទួលបាន
គឺត្រូវយកមកលាតត្រដាងដោយ មានការសួរយោបល់ប្រជាពលរដ្ឋយ៉ាងជាប់លាប់ និងទៀងទាត់ ។
ហើយផ្ទុយទៅវិញប្រសិន
បើក្រុមប្រឹក្សាឃុំ-សង្កាត់ និងមេឃុំ-ចៅសង្កាត់ ដែលមកពីគណបក្ស សម រង្ស៊ី
រូបណាដែលបាន
ប្រព្រឹត្តផ្ទុយទៅនិងគោល ការណ៏របស់គណបក្ស សម រង្ស៊ី ដូចបានរាបរាប់មកខាងលើនេះ
និង
ត្រូវដកចេញពីតំណែងភ្លាមៗ ។ គណបក្ស សម រង្ស៊ី មានគោលការណ៏ និងគោលនយោបាយ
ច្បាស់លាស់ពិតប្រាកដ ដែលជាក្តីសង្ឃឹមរបស់ប្រជាពលរដ្ឋខ្មែរ ៕
No comments:
Post a Comment
yes