លោកស្រី កែ
សុវណ្ណរតន៏ អគ្គលេខាធិការគណបក្ស សម រង្ស៊ី កាលពីពេលថ្មីៗនេះ បានចុះជួបជាមួយថ្នាក់ដឹកនាំ
ក៏ដូចជាសកម្មជនរបស់គណបក្ស សម រង្ស៊ី នៅខេត្តពោធិ៏សាត់ និងខេត្តបន្ទាយមានជ័យ ក្នុងគោលបំណងដើម្បីពង្រឹងការងារ និងធ្វើការផ្សព្វផ្សាយពីយុទ្ធសាស្ត្រថ្មីៗ
របស់គណបក្ស សម
រង្ស៊ី ដែលក្នុងនោះគឺផ្តោតសំខាន់ទៅលើការរួបរួមបញ្ចូលគ្នាជាកម្លាំងតែមួយរវាងគណបក្ស សម រង្ស៊ី
និងគណបក្សសិទ្ធិមនុស្ស ដើម្បីបង្កើនសម្លេងសម្រាប់ការចូលរួម
ប្រគួតប្រជែងការបោះឆ្នោតថ្នាក់ជាតិអាណត្តិទី៥ នៅថ្ងៃទី២៨ ខែកក្កដា
ឆ្នាំ២០១៣ ខាងមុខ ។
មានប្រសាសន៏ទៅកាន់ថ្នាក់ដឹកនាំ ក៏ដូចជាសកម្មជនរបស់គណបក្ស សម រង្ស៊ី ទាំងខេត្ត
ពោធិ៏ សាត់ និងខេត្តបន្ទាយមានជ័យ លោកស្រីអគ្គលេខាធិការថ្លែងថា ពេលវេលា
និងកាលៈទេសៈនេះបានតម្រួវឲ្យគណបក្ស សម រង្ស៊ី និងគណបក្ស សិទ្ធិមនុស្ស
ធ្វើការរួមបញ្ចូលគ្នាជាសម្លេងតែមួយ
ដើម្បីយើងធ្វើការបញ្ចប់អំណាចផ្តាច់ការនៅក្នុងប្រទេសកម្ពុជា ហើយអ្វីដែលគណបក្ស
សម រង្ស៊ី និងគណបក្ស សិទ្ធិមនុស្ស ធ្វើនៅពេលនេះក៏ដើម្បីឲ្យស្របទៅតាមឆន្ទៈរបស់ប្រជា
ពលរដ្ឋដែលលោកចង់បានផងដែរ ។
លោកស្រីអគ្គលេខាធិការ កែ សុវណ្ណរតន៏ បានមានប្រសាសន៏ទៀតថា ដោយយោងទៅលើស្មា រតី
នៃសេចក្តីថ្លែងការណ៏រួមនៅទីក្រុងម៉ានីល ប្រទេសហ្វីលីពីនរវាងគណបក្ស សម រង្ស៊ី និង
គណបក្ស សិទ្ធិមនុស្ស កាលពីថ្ងៃទី១៧ ខែកក្កដា ឆ្នាំ២០១២ បានសម្រេចបង្កើត ចលនាមួយ
ដែលមានឈ្មោះថា ចលនាប្រជាធិបតេយ្យសង្គ្រោះជាតិ បន្ទាប់មកយើងនិងឈានទៅបង្កើត
គណបក្សថ្មីមួយទៀតដែលមានឈ្មោះថា គណបក្ស សង្គ្រោះជាតិ ដែលមានលោក សម រង្ស៊ី ជាប្រធាន
និងលោក កឹម សុខា ជាអនុប្រធាន ។ លោកស្រីបន្តថា ដូចនេះដើម្បីយើងទទួលបានជោគជ័យលើគណបក្សកាន់អំណាចបច្ចុប្បន្ន
គឺយើងទាំងអស់គ្នា រួមជាមួយនិងសមាជិក សមាជិការទាំងអស់ តាំងពីថ្នាក់លើរហូតដល់ថ្នាក់ក្រោម
ត្រូវតែធ្វើការរួមគ្នាចាប់ពីពេលនេះតទៅ ហើយ ត្រូវចងកម្លាំងគ្នាជាធ្លុងមួយ ។
លោកស្រីថ្លែងបញ្ជាក់ទៀតថា កម្លាំងទាំងអស់រួមគ្នានៅមូលដ្ឋានដើម្បីធ្វើសេចក្តីសម្រេចមួយគឺ
ឈឺឆ្អាល ការពារ ផលប្រយោជន៏ប្រជាពលរដ្ឋខ្មែរយើងនៅតាមមូលដ្ឋានឃុំ-សង្កាត់ ដើម្បីទទួលទំនុកចិត្តនិងការគាំទ្របន្ថែមទៀតពីសំណាក់
ប្រជាពលរដ្ឋ ហើយជំហ៊ានជាបន្តរ គឺរួមគ្នានៅថ្នាក់ជាតិ
ដើម្បីការពារផលប្រយោជន៏ជាតិធំៗ ក៏ដូចជាការរកអន្តរាគមន៏ឲ្យមានការបោះឆ្នោតមួយដោយសេរី
យុត្តិធម៌ និងត្រឹមត្រូវ ជាមួយគ្នានោះក៏ត្រូវតែជម្រុញឲ្យប្រជាពលរដ្ឋដែលជាអ្នកបោះឆ្នោត
ឲ្យទៅពិនិត្យមើលបញ្ជីឈ្មោះ និងឲ្យអញ្ជើញទៅចុះឈ្មោះបោះឆ្នោតឲ្យបានគ្រប់ៗចាប់ពីថ្ងៃទី០១
ខែកញ្ញា ដល់ថ្ងៃទី១២ តុលា ឆ្នាំ២០១២ ។
លោកស្រីក៏បានមានប្រសាសន៏ទៀតផងដែរថា
ទាំងអស់នេះនៅក្នុងសេចក្តីថ្លែងការរួមគ្នារបស់ ចលនាប្រជាធិបតេយ្យសង្គ្រោះជាតិ
ក៏បានបញ្ជាក់ផងដែរ ។ ដែលយើងទាំងអស់គ្នាគឺបានគិតគូរអំពីការផ្លាស់ប្តូរ
និងការរៀបចំប្រព័ន្ធបោះឆ្នោតឲ្យសេរី និង យុត្តិធម៌នៅកម្ពុជា ។ លោកស្រីអគ្គលេខាធិការរបស់គណបក្ស
សម រង្ស៊ី បានថ្លែងដោយសង្កត់ធ្ងន់ថា ប្រទេសកម្ពុជាត្រូវតែមានអ្នកដឹកនាំសេរី
អ្នកដឹកនាំយុត្តិធម៌ ដើម្បីការពារផលប្រយោជន៏របស់ជាតិយើង ហើយនេះជាឆន្ទៈដែលប្រជាពលរដ្ឋចង់ឲ្យមានការផ្លាស់ប្តូ
និងឲ្យមានការបោះឆ្នោតដោយសេរី យុត្តិធម៌ត្រឹមត្រូវជាយូរណាស់មកហើយ ។
លោកស្រី កែ សុវណ្ណរតន៏ បានថ្លែងបន្តថា
យើងដឹងថាយើងពិបាកដែលបញ្ហានេះយើងធ្លាប់បានជួបចាប់តាំងពីគណបក្ស សមរង្ស៊ី
និងគ្រប់អ្នកស្នេហាជាតិ អ្នកប្រជាធិបតេយ្យ និងអ្នកដែលការ
ពារផលប្រយោជន៏របស់ជាតិទាំងអស់បានធ្វើ
ព្រោះគណបក្សដែលគេកុំពុតែដឹកនាំប្រទេសគឺគេភ័យខ្លាច
ហើយគេរារាំងគ្រប់សកម្មភាពទាំងអស់របស់អ្នកស្នេហាជាតិ
ដែលធ្វើអ្វីៗដើម្បីការពារផលប្រយោជន៏របស់ប្រទេសជាតិនោះ ។ លោកស្រីថា
យើងនឹងទទួលបានជោគជ័យ នៅពេលដែលយើងខិតខំកសាងទំនុកចិត្ត យើងមានជំនឿជឿជាក់ជាធ្លុងមួយ
យើងមានសាមគ្គីភាព យើងមានការឯកភាព យើងមានការយោគយល់អធ្យាស្រ័យ នោះនិងធ្វើឲ្យការខិតខំ
ការលះបង់របស់យើង និងទទួលបានជោគជ័យឈានទៅដឹកនាំប្រទេសនៅឆ្នាំ២០១៣
ដូចអ្វីដែលយើងខិតខំប្រឹងប្រែងរួមបញ្ចូលគ្នានាពេលនេះ ។
លោកស្រី កែ សុវណ្ណរតន៏ បានថ្លែទៅកាន់សមាជិក និងថ្នាក់ដឹកនាំគណបក្ស សម រង្ស៊ី នៅខេត្ត
បន្ទាយមានជ័យ និងខេត្តពោធិ៏សាត់ បន្តទៀតថា ចលនាប្រជាធិបតេយ្យសង្គ្រោះជាតិ ក៏ដូចជាគណបក្ស
សង្គ្រោះជាតិ ពិតជាអាចយកឈ្នះលើគណបក្សប្រជាជននៅឆ្នាំ២០១៣ខាងមុខនេះ
ហើយគណបក្សប្រជាជននិងមិនអាចធ្វើប្រជាភិថុតិ បំបែកបំបាក់ ចលនាប្រជាធិបតេយ្យសង្គ្រោះជាតិ
ក៏ដូចជាគណបក្ស សង្គ្រោះជាតិ បានឡើយ ព្រោះគណបក្ស សង្គ្រោះជាតិ
គឺមានតួនាទីដ៏សំខាន់ដើម្បីចូលរួមប្រគួតប្រជែងនៅឆ្នាំ២០១៣ ជាមួយគណបក្សប្រជារបស់លោក
ហ៊ុន សែន ដែលមានយួននៅពីក្រោយខ្នង ជាឆ្មបបង្កើតនោះ ព្រោះនៅពេលបោះឆ្នោតជាតិខាងមុខនេះគឺមានប៉ូលតែពីរប៉ុណ្ណោះ
សម្រាប់ធ្វើការប្រគួតប្រជែងគ្នា គឺប៉ូលរបស់អ្នកស្នេហាជាតិ ប្រជាធិបតេយ្យ
និងប៉ូលរបស់អំណាចផ្តាច់ការគណបក្សប្រជាជន ដែលធ្វើបាបរាស្រ្ត
ឲ្យរាស្រ្តរងទុក្ខលំបាកគ្មានពេលល្ហែ ។
ជាចុងក្រោយលោកស្រី អគ្គលេខាធិការ កែ
សុវណ្ណរតន៏ ក៏បានផ្តាំផ្ញើឲ្យថ្នាក់ដឹកនាំគ្រប់ជាន់ថ្នាក់
និងសកម្មជនរបស់គណបក្ស សម រង្ស៊ី ទាំងអស់ ត្រូវតែចងចាំ និងកុំភ្លេច
ក្នុងការសំរបខ្លួនធ្វើការងាររួមគ្នាជាមួយគណបក្សសិទ្ធិមនុស្ស ដើម្បីសំរេចគោលដៅស្រោចស្រង់ជាតិនៅពេលខាងមុខដែលជាការចង់បានរបស់យើងគ្រប់គ្នា
។
លោកស្រី កែ សុវណ្ណរតន៏ បានបន្តថា ដូចនេះអ្វីដែលថ្នាក់ដឹកនាំ និងសកម្មជនរបស់គណបក្ស សម រង្ស៊ី
និងគណបក្ស សិទ្ធិមនុស្ស
ត្រូវធ្វើ គឺការផ្សព្វផ្សាយបន្តអំពីជំហរនយោបាយ និងគោលនយោបាយរបស់គណបក្ស សង្គ្រោះជាតិ
ទៅកាន់ប្រជាពលរដ្ឋដែលជាម្ចាស់ឆ្នោត។ ហើយ
ឆ្លៀតក្នុងឱកាសនោះផងដែរ លោកស្រី កែសុវណ្ណរតន៏ ក៏បានពាំនាំនូវការនឹករលឹក
សួរសុខទុក្ខ ពីលោក សម រង្ស៊ី ចំពោះថ្នាក់ដឹកនាំ
និងសកម្មជនទាំងអស់របស់គណបក្ស សម រង្ស៊ី ។
លោកស្រីថា ជានិច្ចជាកាល
លោក សម រង្ស៊ី
តែមានការនឹករលឹក មកកាន់ថ្នាក់ដឹកនាំ និងសកម្មជនរបស់គណបក្ស
ដែលលោកប្រធាននឹងវិលត្រឡប់មកជួបបងប្អូនទាំងអស់គ្នាវិញ នៅក្នុងពេលដ៏ខ្លីខាងមុខនេះជាក់ជាមិនខាន ៕
No comments:
Post a Comment
yes