អតីតតារាចម្រៀងរបស់ រ៉ុក នាង សួស វីហ្សា
ភ្នំពេញៈ បន្ទាប់ពីបោះជំហានចេញពីរ៉ុកដែលជាផលិតកម្មមិនលួចចម្លងស្នាដៃបរទេស និងប្រឹងលើកតម្កើងស្នាដៃកូនខ្មែរ ក្រោមពាក្យលេចឮថាមានការអាក់អន់ចិត្តនឹងផលិតកម្មមិនផ្តល់បទថ្មីឲ្យនោះ នៅពេលនេះតារាចម្រៀងសាច់សខ្ចីម៉ដ្ឋរលោង ដើមទ្រូងឡើងធំមូលក្បំ នាង សួស វីហ្សា កំពុងប្រឹងប្រែងកែខៃសម្រស់ឲ្យកាន់តែទាក់ទាញថែមទៀតនៅពេលដែលនាងកំពុងបោះជំហានចូលផលិតកម្មរស្មីហង្សមាសជាផ្លូវការនោះ។
នៅពេលនេះ ព័ត៌មានដែល ភ្នំពេញ ប៉ុស្តិ៍ ទទួល បានបង្ហាញយ៉ាងច្បាស់១០០ភាគរយថា តារាចម្រៀងស្រស់សោភាលេចធ្លោមួយរូបកាលពីនៅជ្រកក្រោមដំបូលផលិតកម្មរ៉ុកនាង សួស វីហ្សា នឹងលែងអាល័យផលិតកម្មចាស់ដែលធ្លាប់លើកមុខមាត់ឲ្យនាងល្បីមួយអន្លើ នោះទៀតហើយ ខណៈដែលពេលនេះ នាងកំពុងរីកមុខរីកមាត់នឹងការចុះកុងត្រាការងារជាតារាចម្រៀងថ្មីរបស់រស្មីហង្សមាសដែលជាផលិតកម្មធំក្នុងស្រុក។
នៅពេលនេះអាចនិយាយបានថា នាង សួស វីហ្សា កំពុងតែសម្រេចមហិច្ឆតា របស់ខ្លួនបានមួយក្តាប់ធំហើយ ក្រោយពេលមានភាពរីកចម្រើនកាន់តែខ្លាំងនាពេលនេះ។
តារាចម្រៀងដែលមានប្រភពពីនាដការបាំបុរាណនៅសាកលវិទ្យាល័យភូមិន្ទវិចិត្រសិល្បៈនាង សួស វីហ្សា បានឆ្លងកាត់ការតស៊ូមិនតិចទេ ទម្រាំតែនាងមានឈ្មោះគ្រាន់បើនៅថ្ងៃនេះ។ នាងបានឲ្យដឹងថា នាងធ្លាប់ប្រឡងជាប់ចំណាត់ថ្នាក់លេខ១ នៅក្នុងកម្មវិធីតន្ត្រីសម័យបុរាណរបស់ស្ថានីយទូរ-ទស្សន៍បាយ័ន កាលពីឆ្នាំ២០០៨ ហើយក្រោយមកនាងក៏បាត់រងាកាយផ្តើមសប្បាយចិត្តនៅពេលដែលនាងបានឱកាសចូលច្រៀងនៅផលិតកម្មរ៉ុកក្នុងឆ្នាំ២០០៩ នៅក្រោយពេលនាងប្រឡងជាប់ជាតារាចម្រៀងរបស់ក្រុមរ៉ុកហ្គើល «Rock Girls»។ ជ្រកក្រោមដំបូលផលិតកម្មរ៉ុក អស់រយៈពេល៣ឆ្នាំ នៅពេលនេះ ក៏ដល់ពេលដែលនាងត្រូវដើរចេញស្វែងរកទ្រនំថ្មីដែរ។
តារាចម្រៀងវ័យ២១ឆ្នាំមានមូលដ្ឋាននៅរាជធានីភ្នំពេញរូបនេះធ្លាប់បាននិយាយថា៖«តាំងពីច្រៀងនៅផលិតកម្មរ៉ុក ខ្ញុំមានបទចម្រៀងជាង៥០បទហើយ ហើយនៅពេលនេះ ខ្ញុំបានឈប់ពីផលិតកម្មរ៉ុកហើយ ក្រោយពេលដែលខ្ញុំចប់កុងត្រា»។ តែនាងបានបញ្ជាក់ថា៖«ការបញ្ចប់អាជីពនៅរ៉ុកនេះ មិនមែនមកពីខ្ញុំមានបញ្ហាការអាក់អន់ចិត្តអីនោះទេ រឿងកុងត្រាជាបញ្ហាសំខាន់»។. .ក្រោយចេញពីផលិតកម្មរ៉ុក តារារូបនេះនឹងដើរសំដៅចូលផលិតកម្មរស្មីហង្សមាសតែម្តង ខណៈដែលផលិត-កម្មនោះកំពុងបើកទ្វារចំហយ៉ាងធំដើម្បីប្រមូលយកតារាដែលមានសំនៀងល្អ និងមានសម្រស់ស្រស់
សោភានោះ។ តែទោះជាយ៉ាងណាតារាស្រីសាច់សខ្ចីរូបនេះស្ទាក់ស្ទើរក្នុងការបង្ហាញឲ្យច្បាស់១០០ភាគរយ។
សោភានោះ។ តែទោះជាយ៉ាងណាតារាស្រីសាច់សខ្ចីរូបនេះស្ទាក់ស្ទើរក្នុងការបង្ហាញឲ្យច្បាស់១០០ភាគរយ។
រំឭកផងដែរថា បន្ទាប់ពីតារាចម្រៀង នៅ ស៊ីនឿន សូណូ ទេព បូព្រឹក្ស យក់ ឋិតរដ្ឋា ចូលហង្សមាស បន្ទាប់មកគេក៏ដឹងថា លាង សុផាឡែន និង សុខ ស៊ីឡាលិនក៏បានចូលតាមក្រោយដែរ ហើយចុងក្រោយនេះ គឺ សួស វីហ្សា តែគេថានឹងមានអ្នកចូលបន្តទៀត។
នៅក្នុងជំនួបមួយនៅសណ្ឋា-គារណាហ្គាវើល សួស វីហ្សា បាននិយាយភ្លាមថា៖ «ខ្ញុំបានឈប់ពីរ៉ុកហើយបង តែផលិតកម្មថ្មីសុំលាក់សិន»។ តែពេលចោទសួរបន្ទាប់នាងប្រាប់ថា៖«ផលិតកម្មថ្មីគឺ HD TV»។ ភាំងមួយភ្លែត អ្នកយកព័ត៌មានរបស់យើងភ្ញាក់ភ្លាមបន្ទាប់ពីឮ HD TV ហើយក៏សង្កត់ធ្ងន់ថា គឺ រស្មីហង្សមាស? សួស វីហ្សា បានឆ្លើយភ្លាមថា៖«ចា! បងគឺត្រូវហើយ»។ ឆ្លើយត្រឹមប៉ុណ្ណឹងនាងក៏ឈប់និយាយបន្តទៀត។
ទស្សនិកជនដែលទើបទទួលបានដំណឹងនេះបានបង្ហាញនូវក្តីសង្ឃឹមថា ពេល សួស វីហ្សា ចូលរស្មីហង្សមាស នាងនឹងមានអនា-
គតកាន់តែល្អ ព្រោះនាងមានរូបសម្រស់ស្រស់សោភា និងមានសំឡេងយ៉ាងពីរោះ ដែលប្រៀបជាមួយនឹងតារាស្រីដុះស្លែនៅរស្មីហង្សមាសមួយចំនួននាងនឹងអាចស្ថិតនៅកម្រិតមួយខ្ពស់ជាងគេផងក៏ថាបាន។
គតកាន់តែល្អ ព្រោះនាងមានរូបសម្រស់ស្រស់សោភា និងមានសំឡេងយ៉ាងពីរោះ ដែលប្រៀបជាមួយនឹងតារាស្រីដុះស្លែនៅរស្មីហង្សមាសមួយចំនួននាងនឹងអាចស្ថិតនៅកម្រិតមួយខ្ពស់ជាងគេផងក៏ថាបាន។
ប៉ុន្តែនៅពេលទាក់ទងដើម្បីបញ្ជាក់បន្ថែមទៅអ្នកគ្រប់គ្រងនៅរស្មីហង្សមាស ធម្មតាផលិតកម្មមួយនេះ តែងនិយាយបដិសេធដដែលៗថាមិនដឹងពីព័ត៌មាននោះ។
គួរបញ្ជាក់ថា តារាចម្រៀងស្រីដែលមានកំណើតនៅភ្នំពេញវ័យ២១ឆ្នាំ សួស វីហ្សា បានហក់ចូលប្រឡូកនៅក្នុងវិស័យសិល្បៈដំណាលគ្នានឹងតារាចម្រៀង លំ សុក្រិត ដែរ។ សួស វីហ្សា បានកើតនៅក្នុងគ្រួសារធូរធារមួយដែលមានឪពុកជាមន្ត្រីរាជការ និងម្តាយជាអ្នកជំនួញ ហើយនាងជាកូនទី២ ក្នុងចំណោមកូន៣នាក់(ស្រី២នាក់)៕
No comments:
Post a Comment
yes