ភ្នំពេញៈ បន្ទាប់ពីការថ្លែងរយៈពេល៥ម៉ោងនិង២០នាទី ពាក់ព័ន្ធនឹងបញ្ហាព្រំដែនជាមួយវៀតណាម កាលពីសប្តាហ៍មុន ពលរដ្ឋកម្ពុជាអាចនឹងមានស៊ីឌី អំពីការថ្លែងរបស់លោកនាយករដ្ឋ មន្ត្រីដ៏វែងនេះ ដែលនឹងផលិតចេញក្នុងពេលឆាប់ៗនេះ។
ថ្លែងទៅកាន់និសិ្សតសាកលវិទ្យាល័យបៀលប្រាយកាលពីម្សិលមិញ លោកនាយករដ្ឋមន្ត្រី ហ៊ុន សែន បានថ្លែងថា លោកគ្រោងចេញស៊ីឌី និងវីស៊ីឌី ទាំងជាភាសាខ្មែរ និងភាសាអង់គ្លេស ដើម្បីជាមូលដ្ឋានសម្រាប់ការវិភាគពាក់ព័ន្ធបញ្ហាព្រំដែនជាមួយនឹងប្រទេសជិតខាង។
លោកបានមានប្រសាសន៍ថា វីដេអូនោះ គឺសម្រាប់អ្នកទាំងឡាយណាមានបំណងចង់ដឹងពីជម្លោះព្រំដែនដ៏ យូររបស់កម្ពុជា ជាមួយប្រទេសជិតខាងនិងសម្រាប់បក្សប្រឆាំងសមរង្ស៊ី ដែលរិះគន់លើការដឹកនាំរបស់លោកជាយូរមកហើយនោះ។
លោក ហ៊ុន សែន ថ្លែងថា៖«បើទោះជាខ្ញុំពន្យល់រឿងនេះដល់បក្សប្រឆាំង ១ម៉ឺនដងឬ១សែនដងក៏ដោយ ក៏គេមិនយល់ដែរ»។ [អ្នក] គិតថា ហ៊ុន សែន នឹងអស់កម្លាំងរហូតដល់ស្លាប់ដោយការថ្លែងរយៈពេល៥ម៉ោង២០នាទី នោះ?ខ្ញុំអាចបន្ត២ម៉ោងឬច្រើនជាងនេះ ជាមួយប្រធានបទច្រើនទៀតក៏បានដែរ ប៉ុន្តែខ្ញុំគិតថាអ្នកស្តាប់ឃ្លានបាយទៅហើយ»។
គណបក្សសមរង្ស៊ី បានទាមទារព័ត៌មានពាក់ព័ន្ធទៅនឹងការដោះដូរភូមិខ្មែរទៅឲ្យ ប្រទេសវៀតណាម ជាថ្នូរនឹងទឹកដីដែលរាប់ទាំងស្រុកកំណើតប្រធានរដ្ឋសភាលោក ហេង សំរិន ផង។
ក្នុងការថ្លែងរបស់លោកកាលពីថ្ងៃព្រហស្បតិ៍សបា្តហ៍មុននេះ លោក ហ៊ុន សែន បានប្រាប់ទៅសមាជិកសភាថា ការដោះដូរគ្នាក្នុងខេត្តកំពត ខេត្តកំពង់ចាម និងខេត្តតាកែវ បានព្រមព្រៀងគ្នារួចហើយរវាងភាគីទាំងពីរ និងបន្តថា ការចរចាដូចគ្នានេះនៅខេត្តព្រៃវែង និងខេត្តស្វាយរៀង កំពុងតែដំណើរការ ដែលការធ្វើនេះផ្អែកលើផែនទីដែលតម្កល់នៅអង្គការសហប្រជាជាតិដោយ សម្តេចឪព្រះនរោត្តម សីហនុ។
ព្រះអង្គម្ចាស់ ស៊ីសុវត្ថិ ធម្មិកោ ទីប្រឹក្សានិងជាលេខារបស់អតីតព្រះមហាក្សត្រ មានបន្ទូលកាលពីសប្តាហ៍មុនថា យ៉ាងហោចការព្រមព្រៀងមួយ ក្នុងចំណោមការព្រមព្រៀងដែលបានលើកឡើងពាក់ព័ន្ធនឹងកោះត្រល់ខុសពីផែនទីដែរ ដែលចង្អុលថា កោះ ត្រល់ «ជាទឹកដីរបស់ខ្មែរ» នេះបើផ្អែកលើផែនទីតម្កល់នោះ។
សមាជិកសភានិងជាអ្នកនាំពាក្យគណបក្សសម រង្ស៊ី លោក យឹម សុវណ្ណ បានប្រសាសន៍ថា ការបោះពុម្ពផ្សាយនៃសុន្ទរកថានោះ មិនជាបញ្ហាទេ។
លោក យឹម សុវណ្ណ ចោទសួរថា៖ «បើ[ហ៊ុន សែន]ពិតជាបានធ្វើការយ៉ាងត្រឹមត្រូវលើបញ្ហាព្រំដែននោះ ហេតុអ្វីបានជាមិនអនុញ្ញាតឲ្យប្រជាជន សង្គមស៊ីវិល និងអ្នកអង្កេតការណ៍ទៅមើលបង្គោលព្រំដែន ដោយគ្មានការ គំរាមកំហែង និងការបំភិតបំភ័យពីអាជ្ញាធរដែនដី?»៕ SP
No comments:
Post a Comment
yes