ចលនាប្រជាធិបតេយ្យសង្គ្រោះជាតិ ក្រោមការដឹកនាំរបស់លោក សម រង្ស៊ី ជាប្រធាន
និងលោក កឹម សុខា ជាអនុប្រធានកំពុងតែមានការចាប់អារម្ភពីសំណាក់ប្រជាពលរដ្ឋ និងឥស្សរជននយោបាយ
ពីគ្រប់គណបក្ស ដោយពួកគាត់បានសម្តែងការគាំទ្រយ៉ាងខ្លាំង
ខណៈដែលគណបក្សប្រជាធិបតេយ្យទាំងពីរ បានរួមដៃគ្នាសង្គ្រោះប្រជាពលរដ្ឋ
និងប្រទេសជាតិ ពីកណ្តាប់ដៃអ្នកកាន់អំណាចសព្វថ្ងៃ ដែលដឹកនាំប្រទេសតាមរបៀបផ្តាប់ការ
។
លោក សម រង្ស៊ី ប្រធានគណបក្ស សម រង្ស៊ី និងជាប្រធាន
ចលនាប្រជាធិបតេយ្យសង្គ្រោះជាតិ ក៏ដូចជាប្រធានគណបក្ស សង្គ្រោះជាតិ នៅពេលខាងមុខបានមានប្រសាសន៏ឲ្យដឹងថា
ចលនាប្រជាធិបតេយ្យសង្គ្រោះជាតិ បាននឹងកំពុងតែបំពេញការងារសំខាន់ៗរបស់ខ្លួន
ដើម្បីស្វែងរកការគាំទ្រពីប្រជាពលរដ្ឋខ្មែរ គ្រប់មជ្ឈដ្ឋាន និងការស្វែងរកការអន្តរាគមន៏
ពីអន្តរជាតិដើម្បីឲ្យមានការបោះឆ្នោតមួយដោយត្រឹមត្រូវ សេរី យុត្តិធម៌
និងគោរពតាមគោលការណ៏ប្រជាធិបតេយ្យ ។ លោក សម រង្ស៊ី បន្តថា
ការបោះឆ្នោតនៅប្រទេសកម្ពុជាអាចធ្វើទៅបានត្រឹមត្រូវ លុះត្រាតែមានការរៀបចំ គណៈកម្មាធិការជាតិរៀបចំការបោះឆ្នោតឡើងវិញ
ឲ្យមានភាពឯករាជ្យ ត្រឹមត្រូវ អព្យាក្រឹត្ត ដើម្បីធានាឲ្យប្រជាពលរដ្ឋខ្មែរគ្រប់រូបមានសិទ្ធដូចគ្នា
ស្មើរគ្នា និងមានលទ្ធភាព ក្នុងការចូលរួមបោះឆ្នោត ។ លោកបន្តថា ជាមួយគ្នានោះ
ចលនាប្រជាធិបតេយ្យសង្គ្រោះជាតិ ក៏កំពុងតែស្វែងរកការជួយអន្តរាគមន៏ពីអន្តរជាតិផងដែរ
ក្នុងការផ្តល់សិទ្ធិដល់រូបលោកបានវិលចូលធ្វើនយោបាយនៅក្នុងប្រទេស ដើម្បីឲ្យលោកចូលរួមការប្រគួតប្រជែងជាមួយនិងគណបក្សកាន់អំណាចសព្វថ្ងៃ
។
លោក សម រង្ស៊ី បានមានប្រសាសន៏បន្តទៀតថា នៅពេលបោះឆ្នោតជាតិខាងមុខនេះគឺមានតែ២គណបក្សប៉ុណ្ណោះដែលជាប៉ូលដ៏សំខាន់សម្រាប់ធ្វើការប្រគួតប្រជែងគ្នា
គឺប៉ូលអ្នកប្រជាធិបតេយ្យ ដែលមានគណបក្ស សង្គ្រោះជាតិ និងប៉ូលអ្នកកាន់អំណាចសព្វដែលដឹកនាំប្រទេសតាម
របៀបផ្តាច់ការ គឺ គណបក្សប្រជាជនរបស់លោក ហ៊ុន សែន ។
លោក សម រង្ស៊ី ថ្លែងទៀតថា
មូលហេតុទាំងអស់នេះហើយដែលតម្រូវឲ្យអ្នកប្រជាធិបតេយ្យ
ទាំងអស់ត្រូវតែរួមកម្លាំងគ្នាជាសម្លេងតែមួយ ដើម្បីបើកទំព័រប្រវត្តិសាស្រ្តថ្មីជូនប្រទេសកម្ពុជានិងប្រជាពលរដ្ឋរបស់យើង
ដែលរស់នៅរងទុក្ខអស់រយៈពេលជាច្រើនឆ្នាំមកហើយនោះ ។ ហើយ
ចលនាប្រជាធិបតេយ្យសង្គ្រោះជាតិ គឺជាចលនាមួយដើម្បីប្រមូលផ្តុំកម្លាំងអ្នកប្រជាធិបតេយ្យ
និង អ្នកសេ្នហាជាតិទាំងអស់នៅលើឆាកនយោបាយប្រទេសកម្ពុជា
ដើម្បីនាំមកនូវការផ្លាស់ប្តូរ
ដូចអ្វីដែលប្រជាពលរដ្ឋខ្មែរលោកចង់បាន និងរងចាំការផ្លាស់ប្តូរតាមរបៀបប្រជាធិបតេយ្យជា
យូរមកហើយនោះ ។
លោក សម រង្ស៊ី ថ្លែងទៀតថា គណបក្ស សង្គ្រោះជាតិ លោកមានជំនឿថា
និងនាំមកនូវសន្ទុះថ្មីមួយដ៏សំខាន់ជាទីបំផុត ដើម្បីឈានទៅរកការប្រែប្រួល
ហើយការប្រែប្រួលនេះគឺជាជោគជ័យនៃកម្លាំងអ្នកស្នេហាជាតិ
កម្លាំងអ្នកប្រជាធិបតេយ្យ ដើម្បីស្រោចស្រង់ នឹងសង្គ្រោះប្រទេសជាតិ
មាតុភូមិរបស់យើងឲ្យទាន់ពេលវេលា ឲ្យរួចផុតពីការលិចលង់ រួចផុតពីគ្រោះមហន្តរាយ
រួចផុតពីការស្លាប់ ដោយយើងឃើញថា ជាតិយើងបានស្លាប់បន្តិចម្តងៗ
ប្រទេសរបស់យើងបាត់បង់ទឹកដី ប្រជារាស្រ្តខ្មែរបាត់បង់ដីធ្លី
បាត់បង់ធនធានធម្មជាតិ បាត់បង់ការងារ ឬក៏រកការងារធ្វើត្រឹមត្រូវមិនបាន ។
លោក សម រង្ស៊ី មានប្រសាសន៏ទៀតថា មានយុវជនខ្មែរជាច្រើនដែលពុំមានការងារធ្វើ
និងរកការងារត្រឹមត្រូវធ្វើមិនបាន ខ្លះត្រូវបង្ខំចិត្តទៅស៊ីឈ្នួលគេនៅបរទេស
ឲ្យគេមើលងាយ ឲ្យគេធ្វើបាប ឲ្យគេគេងប្រវ័ញ្ញកម្លាំងពលកម្ម
ឃើញថាប្រជារាស្រ្តខ្មែរវេទនា ឈឺចាប់អស់សង្ឃឹម ជាតិខ្មែរនិងរលត់រលាយដោយបរទេសឈ្លានពាន
គេបង្ខិតព្រំដែន លេបត្របាក់ទឹកដីរបស់យើងបញ្ចូលអន្តោប្រវេសន៏ខុសច្បាប់
ហើយជនជាតិរបស់គេកាន់តែមានចំនួនច្រើនឡើងៗ រស់នៅលើទឹកដីប្រទេសកម្ពុជា
ដែលពួកគេទាំងនោះបានចូលមកលួចប្លន់ដីធ្លីយើង លួចប្លន់ទ្រព្យសម្បត្តិជាតិយើង
មកដណ្តើមការងារពីប្រជារាស្រ្តខ្មែរ និងមកកេងប្រវ័ញ្ញឈើសឈាមពីប្រជារាស្រ្តខ្មែរ
ដោយគេទទួលបានសម្បទានដីធ្លី សម្បទានព្រៃឈើ សម្បទានរ៉ែ រហូតដល់ទៅ៩៩ឆ្នាំ ។ លោក សម
រង្ស៊ី ក៏បានថ្លែងទៀតថា ខ្មែរស្លាប់អស់ហើយមិនដល់៩៩ឆ្នាំទៀតទេ បើយើងនៅតែអនុញ្ញាត្តិឲ្យរដ្ឋាភិបាលបន្តនយោបាយបំផ្លិចបំផ្លាញជាតិដូចសព្វថ្ងៃនេះ
នោះជាតិយើង និងរលត់រលាយជាពុំខាន ។
យ៉ាងដូចច្នេះហើយកូនខ្មែរទាំងអស់ត្រូវតែរួបរួមគ្នាដើម្បីបំពេញបេសកកម្មជាប្រវត្តិសាស្រ្ត
បេសកកម្មស្រោចស្រង់ជាតិមាតុភូមិ របស់យើងទាំងអស់គ្នា ថែរក្សាទឹកដីយើងឲ្យបានគង់វង្ស
ធានាអនាគតកូនចៅយើងដែលជាខ្មែរជំនាន់ក្រោយឲ្យមានជីវិត ឲ្យមានអនាគត ឲ្យមានសេរីភាព
នឹងឲ្យមានភាពថ្លៃថ្នូរ ។
ក្នុងនាមជាប្រធាន ចលនាប្រជាធិបតេយ្យសង្គ្រោះជាតិ លោក សម រង្ស៊ី ជាថ្មីម្តងទៀតក៏បានធ្វើការអំពាវនាវឲ្យអ្នកនយោបាយផ្សេងទៀតមកពីគណបក្សដទៃ
ក៏ដូចជាប្រជាពលរដ្ឋដែលជាអ្នកស្រលាញ់ជាតិមាតុភូមិ
និងរបបលិទ្ធិប្រជាធិបតេយ្យទាំងអស់ មកចូលរួមជាមួយ ចលនាប្រជាធិបតេយ្យសង្គ្រោះជាតិ
ដែលគោលបំណងរបស់ចលនាមួយនេះគឺដើម្បីបញ្ចប់អំណាចផ្តាច់ការ
បច្ចុប្បន្ននៅកម្ពុជាដែលបំរើបរទេសឈ្លានពាន
ដើម្បីនាំមកនូវការផ្លាស់ប្តូរមុខមាត់ថ្មីជូនប្រជា
ពលរដ្ឋនិងប្រទេសជាតិ ឲ្យជាតិរបស់យើងមានភាពរុងរឿងថ្កុំថ្កើនឡើង ។ ជាមួយគ្នានោះលោក
សម រង្ស៊ី
ក៏បានអំពាវនាវឲ្យប្រជាពលរដ្ឋខ្មែរគ្រប់រូមអញ្ជើញទៅពិនិត្យមើលបញ្ជីឈ្មោះ និងចុះ
ឈ្មោះបោះឆ្នោតឲ្យបានគ្រប់គ្នា ដែលការពិនិត្យបញ្ជីឈ្មោះ
និងការចុះឈ្មោះបោះឆ្នោតនិងប្រ
ព្រឹត្តទៅនៅថ្ងៃទី០១ ខែកញ្ញា រហូតដល់ថ្ងៃទី១២ ខែតុលា ឆ្នាំ២០១៣ ។ លោក សម
រង្ស៊ី បន្តថា
ប្រសិនបើ បងប្អូនមិនបានចុះឈ្មោះនៅពេលនេះទេ បងប្អូននិងមិនអាចបោះឆ្នោតបានឡើង
នៅថ្ងៃទី២៨ ខែ កក្កដា ឆ្នាំ២០១៣ ហើយបងប្អូនណាដែលមានឈ្មោះហើយនោះក៏ត្រូវតែ
អញ្ជើញទៅពិនិត្យនិងមើលឈ្មោះផងដែរ ព្រោះដើម្បីកុំឲ្យខុសឈ្មោះ ថ្ងៃខែឆ្នាំកំណើត
និងទីលំនៅ ជ្រៀសវាងការមានបញ្ហានៅថ្ងៃបោះឆ្នោត ៕
No comments:
Post a Comment
yes