ពោធិ៍សាត់ ៖ រថយន្តឡង់គ្រីស័រមួយគ្រឿងផ្ទុកដោយឈើគ្រញូងពាក់ស្លាកលេខភ្នំពេញ2C-6342 ត្រូវបានសមត្ថកិច្ចឃាត់ទុកខណៈដែលកំពុងធ្វើដំណើរចុះពីភ្នំនៃស្រុកវាលវែងក្នុងភូមិសាស្ត្រដំណាក់ឈើក្រមឃុំសំរោង ស្រុកក្រវាញ ខេត្តពោធិ៍សាត់។
ការឃាត់ទុកនេះធ្វើឡើងកាលពីវេលាម៉ោង៨និង៤៥នាទីយប់ថ្ងៃទី១៥ ខែកញ្ញា ឆ្នាំ២០១២ ដោយសមត្ថកិច្ចបានឃាត់រថយន្តទុក ប៉ុន្តែមានមន្ត្រីផ្នែកច្បាប់ធ្វើការនៅតុលាការចំនួន២នាក់រួមដំណើរលើរថយន្តនោះទើបសមត្ថកិច្ចដោះលែងទាំងអ្នករួមដំណើរនិងតៃកុងបើកបរឲ្យរួចខ្លួន។
បើតាមលោកមាស សម្បត្តិ មន្ត្រីផ្នែកអធិការដ្ឋានទទួលបន្ទុកខាងត្បូងទន្លេ និងផ្នែករដ្ឋបាលព្រៃឈើបានឲ្យដឹងថាសម្ភារៈមធ្យោបាយរថយន្តមួយគ្រឿង និងឈើគ្រញូងខុសច្បាប់ចំនួន៣៣ដុំទម្ងន់៤៦១គីឡូក្រាមត្រូវបានរក្សាទុកនៅផ្នែករដ្ឋបាលព្រៃឈើដំណាក់ឈើក្រម និង រៀបចំបង្កសំណុំរឿងទៅតុលាការចាត់ការបន្តបន្ទាប់ពីវាស់វែងរួច៕
No comments:
Post a Comment
yes