លោក យឹម សុវណ្ណ អ្នកនាំពាក្យ ចលនាប្រជាធិបតេយ្យសង្គ្រោះជាតិ
ថ្នាក់ដឹកនាំរបស់ ចលនាប្រជាធិបតេយ្យសង្គ្រោះជាតិ ជារៀងរាល់ថ្ងៃកំពុងតែមានភាពមមាញឹកក្នុងការចុះទៅតាមមូលដ្ឋាន
ដើម្បីជួបជាមួយនិងប្រជាពលរដ្ឋដែលជាអ្នកគាំទ្រ ក៏ដូចជាថ្នាក់ដឹកនាំរបស់គណបក្សទាំងពីរផងដែរ
ដើម្បីធ្វើការផ្សព្វផ្សាយពីគោលជំហ៊ររបស់ ចលនាប្រជាធិបតេយ្យសង្គ្រោះជាតិ
ក៏ដូចជាគណបក្ស សង្គ្រោះជាតិ និងការរួមបញ្ចូលគ្នាជាសម្លេងតែមួយរវាងគណបក្ស សម
រង្ស៊ី និងគណបក្ស សិទ្ធិមនុស្ស ។
បន្ទាប់ពីប្រជាពលរដ្ឋ មានការជ្រួលជ្រាបពីគោលបំណងរបស់គណបក្ស សិទ្ធិមនុស្ស
និងគណបក្ស សម រង្ស៊ី ក្នុងការរួមបញ្ចួលគ្នាជាសម្លេងតែមួយ
ហើយបានបង្កើតគណបក្សថ្មីឈ្មោះគណបក្ស សង្គ្រោះជាតិ
ដោយមានការទទួលស្គាល់ពីក្រសួងមហាផ្ទៃ កាលពីថ្ងៃទី៣០ ខែសីហា ឆ្នាំ២០១២ គឺធ្វើឲ្យសន្ទុះនៃការគាំទ្ររបស់ប្រជាពលរដ្ឋមកលើគណបក្ស
សង្គ្រោះជាតិ កាន់តែច្រើនៗ ដែលយើងមិននឹកស្មានដល់ ។
ការបង្កើតគណបក្ស សង្គ្រោះជាតិ
គឺមានគោលបំណងដើម្បីចូលរួមប្រគួតប្រជែងជាមួយនិងគណបក្សប្រជាជនកាន់អំណាចសព្វថ្ងៃនៅឆ្នាំ២០១៣
និងដើម្បីបញ្ចប់អំណាចផ្តាច់ការនៅកម្ពុជា ។ ជាមួយគ្នានោះ មានតែគណបក្ស សង្គ្រោះជាតិ
តែមួយប៉ុណ្ណោះ ដែលជាក្តីសង្ឃឹមរបស់ប្រជាពលរដ្ឋខ្មែរ និងប្រទេសជាតិរបស់យើង
ហើយរបត់នយោបាយនៅក្នុងប្រទេសកម្ពុជាពេលនេះគឺ
តម្រូវឲ្យអ្នកប្រជាធិបតេយ្យត្រូវតែរួមកម្លាំងគ្នា
ប្រសិនបើអ្នកប្រជាធិបតេយ្យមិនរួមគ្នាជាសម្លេង តែមួយនោះទេ
គឺយូរណាស់ទំរាំតែឈ្នះលើគណបក្សកាន់អំណាចសព្វថ្ងៃ ព្រោះដោយសារតែ
ប្រជាពលរដ្ឋលោកមានការរេរា ក្នុងការជ្រើសរើសគណបក្សប្រឆាំងទាំងពីរដូចអ្វីដែលយើងបានឃើញនាពេលកន្លងមកនេះ ។
ហើយការរួមបញ្ចូលគ្នាជាសម្លេងតែមួយរវាងគណបក្ស សម រង្ស៊ី និង គណបក្ស សិទ្ធិមនុស្សនេះ
ក៏ជាឆន្ទះរបស់ប្រជាពលរដ្ឋខ្មែររបស់យើងដែលទន្ទឹងរងចាំជាយូរណាស់មកហើយផងដែរ ។
មានប្រសាសន៏ទៅកាន់ប្រជាពលរដ្ឋដែលជាអ្នកគាំទ្រគណបក្ស
សង្គ្រោះជាតិ នៅមូលដ្ឋានក៏ដូច
ជាសមាជិករបស់គណបក្ស សម រង្ស៊ី និងគណបក្ស
សិទ្ធិមនុស្ស លោក យឹម សុវណ្ណ អ្នកនាំពាក្យរបស់ ចលនាប្រជាធិបតេយ្យសង្គ្រោះជាតិ
បានមានប្រសាសន៏ថា « ឥឡូវនេះប្រជាពលរដ្ឋលោកច្បាស់ និងប្រាកដហើយ
ដែលពួកគាត់មកចូលរួមជាមួយនិងគណបក្ស សង្គ្រោះជាតិ ហើយនៅឆ្នាំ២០១៣ គណបក្ស
សង្គ្រោះជាតិ និងទទួលបានជ័យជំនះយ៉ាងត្រចះត្រចង់ ហើយជោគជ័យនេះ
គឺជាជោគជ័យរបស់ប្រជាពលរដ្ឋខ្មែរទាំងអស់គ្នាដែលរងគ្រោះ » ។
លោក យឹម សុវណ្ណ បានមានប្រសាសន៏បន្តថា «
ដូចយើងឃើញស្រាប់ហើយ លោកសូមលើក យកបញ្ហាកម្មករ-កម្មការីនី
ដោយសារតែកូនចៅរបស់ប្រជាពលរដ្ឋភាគច្រើនគឺបានទៅធ្វើជាកម្ម ករ-កម្មការិនីនៅតាមរោងចក្រ
ហើយកម្មករជិតសែសិបម៉ឺននាក់ធ្វើការនៅក្នុងប្រទេសកម្ពុជារបស់យើង
និងមានរាប់សែននាក់ទៀតពុំមានការងារធ្វើបានចេញទៅធ្វើការនៅក្រៅប្រទេស ហើយមានការលំបាកវេទនានៅបរទេសគ្រប់សព្វបែបយ៉ាង
ដោយមានការរំលោភសិទ្ធិរបស់ពួកគេ ការជិះជាន់ធ្វើបាប ហើយមានពលករខ្លះត្រូវបានស្លាប់បាត់បង់អាយុជីវិតនៅលើទឹកដីរបស់គេថែមទៀតផង
។ ចំណែកកម្មករ កម្មការីនី នៅក្នុងស្រុកខ្មែរវិញ ប្រាក់ខែសុំគេឡើងតែប្រាំដុល្លា បាតុកម្មមានតែរហូតដល់២ខែ
ហើយត្រូវប៉ូលីសវាយធ្វើបាប មិនដឹងជារបួសប៉ុន្មានរយ ពាន់នាក់ ក៏នៅតែមិនត្រូវបានគេតំឡើងប្រាក់ខែឲ្យទៀត
។ ក៏ប៉ុន្តែលោកសូមជំរាបថានៅពេលដែលគណបក្ស
សង្គ្រោះជាតិ ឈ្នះឆ្នោតនៅឆ្នាំ២០១៣ខាងមុខនេះ គណបក្ស សង្គ្រោះជាតិ និងមិនចាំបាប់ឲ្យកម្មករ-កម្មការីនីរបស់យើងធ្វើបាតុកម្មនោះទេ
យើងនិងធ្វើការដំឡើងប្រាក់ខែជូនពួកគាត់ឲ្យបានយ៉ាងតិចចំនួន១៤០ដុល្លាក្នុងមួយខែ
ព្រោះយើងមានមូលដ្ឋានគ្រប់គ្រាន់សម្រាប់តំឡើងប្រាក់ខែជូនពួកគាត់ » ។
អ្នកនាំពាក្យ ចលនាប្រជាធិបតេយ្យសង្គ្រោះជាតិ
បានមានប្រសាសន៏បន្តថា « ចំណែកឯប្រជា កសិករក៏យ៉ាងដូចនោះផងដែរ នៅស្រុកខ្មែររបស់យើងប្រជាពលរដ្ឋ
ទៅធានាគារតំរង់ជួរគ្នាចាំខ្ចីប្រាក់ពីធនាគារ តែប្រជាកសិករនៅប្រទេសគេវិញ គឺគេតំរង់ជួរគ្នាយកលុយទៅដាក់នៅធនាគារ
ហើយប្រជាពលរដ្ឋទៅខ្ចីប្រាក់នៅធនាគារនោះគឺការប្រាក់ខ្ពស់កប់ពពកពី២០ទៅ៣០ភាគរយក្នុងមួយឆ្នាំ
ដែលធ្វើឲ្យប្រជាពលរដ្ឋលោកពិបាកក្នុងការរកប្រាក់មកសងធនាគារវិញ តែគណបក្ស
សង្គ្រោះជាតិ ឈ្នះឆ្នោតនៅឆ្នាំ២០១៣ គឺនិងធ្វើការបញ្ចុះអត្រាការប្រាក់ឲ្យមានតម្លៃថោកដើម្បីជួយប្រជាពលរដ្ឋឲ្យមានជីវភាពសមរម្យ
ក្នុងការមកខ្ចីប្រាក់ពីធនាគារដើម្បីយកទៅប្រកបរបរផ្សេងៗនោះ » ។
ជាមួយគ្នានោះផងដែរលោក យឹម សុវណ្ណ
ក៏បានធ្វើការទាមទារឲ្យការបោះឆ្នោតត្រូវតែប្រព្រឹត្ត
ទៅដោយសេរី និងយុត្តិធម៌ផងដែរ លោកថា « មិនមែនជាការបោះឆ្នោតដែលគណបក្សកាន់អំណាចគ្រប់គ្រងទូរទស្សន៏
និងវិទ្យុ ស្ទើតែទាំងអស់នោះទេ ។ លោក យឹម សុវណ្ណ បន្តថាសកម្មភាព និងសារនយោបាយរបស់គណបក្សប្រឆាំងគឺមិនដែលឃើញទូរទស្សន៏
និងវិទ្យុ គេធ្វើការផ្សព្វផ្សាយនោះឡើយ គឺគេធ្វើការផ្សព្វផ្សាយតែពីសកម្មភាពរបស់គណបក្សកាន់អំណាចតែប៉ុណ្ណោះ
ហើយប្រសិនបើគេផ្សាយពីយើង គឺគេផ្សាយអាក្រក់ពីយើង ក្រឡៃព័ត៌មាន និងផ្សព្វផ្សាយព័ត៌មានមិនពិត
គឺគេធ្វើបាបអ្នកប្រជាធិបតេយ្យ ហើយប្រសិនបើមានវិទ្យុណាគេជួលឲ្យគណបក្សប្រឆាំង
គឺគេរំខានគ្មានពេលឈប់ឈរនោះទេ ដោយគេយកឡេះនេះយកឡេះនោះ មកបង្អាក់ការផ្សាយរបស់យើងមិនសូវមានពេលលោះនោះទេ
» ។
ជាមួយគ្នានោះលោក យឹម សុវណ្ណ ក៏បានមានប្រសាសន៏ទាក់ទងទៅនិងការមើលបញ្ជីឈ្មោះ
និងចុះឈ្មោះបោះឆ្នោតផងដែរ លោកថា « ប្រជាពលរដ្ឋខ្លះលោកធ្លាប់តែមានឈ្មោះនៅក្នុងបញ្ជីឈ្មោះបោះឆ្នោតនោះ
ពីរទៅបីអាណត្តិមកហើយ ស្រាប់តែអាណត្តិនេះទៅមើលបាត់ឈ្មោះចេញពីបញ្ជីឈ្មោះអ្នកបោះឆ្នោត
។ ហើយមួយវិញទៀតមានប្រជាពលរដ្ឋខ្លះ ពួកគាត់រវល់និងការងារមិនបានទៅមើលឈ្មោះបោះឆ្នោត
ដូចយើងធ្លាប់បានដឹងស្រាប់ហើយ ស្រាប់តែនៅថ្ងៃបោះឆ្នោត បាត់ឈ្មោះ
មិនមានឈ្មោះសម្រាប់បោះឆ្នោត មានការជ្រួលច្របល់ពេញការិយាល័យបោះឆ្នោត
ដែលនាពេលកន្លងមកតាមការបូកតួលេខអ្នកដែលបាត់ឈ្មោះមិនបានបោះឆ្នោតមាន
រហូតដល់ទៅមួយលានកន្លះ ហើយអ្នកស្រាវជ្រាវក៏បានឲ្យដឹងផងដែរថា
អ្នកដែលបាត់ឈ្មោះជាងមួយលានកន្លះនោះគឺជាងអ្នកដែលបោះឆ្នោតឲ្យគណបក្សប្រឆាំង ។
មូលហេតុគឺបណ្តាលមកពីមេភូមិ-មេឃុំ និងស្មៀនខ្លះ បានឃុំឃិតគ្នា បញ្ជូនឈ្មោះអ្នកទាំងនោះទៅឲ្យគណៈកម្មាធិការជាតិរៀបចំការបោះឆ្នោតឲ្យគេលប់ឈ្មោះចេញពីបញ្ជីឈ្មោះអ្នកបោះឆ្នោត
និងមានប្រជា ពលរដ្ឋជាងពីរលាននាក់ទៀតដែលពុំមានឯកសារគ្រប់គ្រាន់សម្រាប់ការបោះឆ្នោត។
ដូនេះហើយបានជាកាតព្វកិច្ចរបស់ ចលនាប្រជាធិបតេយ្យសង្គ្រោះជាតិ ក៏ដូចជាគណបក្ស
សង្គ្រោះជាតិ ត្រូវតែធ្វើយ៉ាងណាទាមទារឲ្យអន្តរជាតិ អន្តរាគមន៏ឲ្យមានការកែទំរង់ គ.ជ.ប និងឲ្យមានការផ្លាស់ប្តូរសមាសភាព គ.ជ.ប និងកែសម្រួលនីតិវិធី
និងបទបញ្ជាដើម្បីកុំឲ្យមានភាពស្មុកស្មាញ និងផ្តល់ឱកាសឲ្យប្រជាពលរដ្ឋបានបោះឆ្នោតគ្រប់ៗគ្នា
ទាំងអស់នេះហើយដែលធ្វើឲ្យគណបក្ស សង្គ្រោះ ជាតិរបស់យើងទទួលបានជ័យជំនះ » ។
ជាមួយគ្នានោះអ្នកនាំពាក្យ
ចលនាប្រជាធិបតេយ្យសង្គ្រោះជាតិ លោក យឹម សុវណ្ណ ក៏បានមានប្រសាសន៏ដោយធ្វើការផ្តាំផ្ញើរ
ទៅដល់ថ្នាក់ដឹកនាំរបស់គណបក្ស សម រង្ស៊ី និងគណបក្ស សិទ្ធិមនុស្ស
ក៏ដូចជាប្រជាពលរដ្ឋដែលជាអ្នកគាំទ្រគណបក្ស សង្គ្រោះជាតិ ទាំងអស់ថា «
សូមបងប្អូនធ្វើយ៉ាងណា សាមគ្គីគ្នាដើម្បីជំនះគ្រប់ឧបសគ្គដើម្បីការពារ
ចលនាប្រជាធិបតេយ្យសង្គ្រោះ ជាតិ ក៏ដូចជាគណបក្ស សង្គ្រោះជាតិ របស់យើងដែលមានលោក សម
រង្ស៊ី ជាប្រធាន និងលោក កឹម សុខា ជាអនុប្រធាន ពីព្រោះនេះគឺជាកត្តាដែលចាំបាច់
ដែលជាស្ថានការណ៏នយោបាយប្រទេសជាតិតម្រូវផង ក៏ជាឆន្ទះរបស់ប្រជាពលរដ្ឋ និងទឹកចិត្ត
បេះដូងរបស់យើងទាំងអស់គ្នា ដែលតម្រូវឲ្យយើងត្រូវតែរួបរួមគ្នា
ហើយប្រសិនបើបងប្អូនដើរផ្ទុយពីចរន្ត ឆន្ទះរបស់រាស្រ្តគឺយើង និងទទួលបរាជ័យ ។
ដូចនេះយើងត្រូវតែសាមគ្គីគ្នា និងពង្រឹងសាមគ្គីភាព ដោយពង្រីកកម្លាំងនិងពុះព្រាគ្រប់ឧបសគ្គដើម្បីឲ្យគណបក្ស
សង្គ្រោះជាតិ ធ្វើការងារមានប្រសិទ្ធភាព និងនិរន្តរភាពរហូតដល់យើងទទួលបានជោគជ័យ
ជូនប្រទេសជាតិ និងជូនប្រជាពលរដ្ឋរបស់យើងនៅឆ្នាំ២០១៣ ខាងមុខ » ។
ដូចនេះសូមបងប្អូនប្រជាពលរដ្ឋទាំងអស់គ្នា ចូលរួមជាមួយនិងគណបក្ស
សង្គ្រោះជាតិ ឲ្យបានច្រើនឡើងៗបន្ថែមទៀត ដើម្បីក្តីសង្ឃឹមថ្មីរបស់យើង
ជាមួយនិងគណបក្ស សង្គ្រោះជាតិ ដែលជាគណបក្សរបស់យើងទាំងអស់គ្នា ៕
No comments:
Post a Comment
yes