ក្រុងចូហាន់ណេសប៊ើក: ប៉ូលិសអាហ្វ្រិកខាងត្បូង បានបាញ់ឧស្ម័នបង្ហូរទឹកភ្នែក និងគ្រាប់កាំភ្លើងកៅស៊ូដើម្បីបំបែកក្រុមកម្មកររ៉ែធ្វើកូដកម្មនៅឯអណ្តូងរ៉ែមាសមួយ ក្បែរក្រុងចូហាន់នេសប៊ើកកាលពីថ្ងៃអង្គារ ជាការផ្ទុះឡើងថ្មីបំផុតនៅក្នុងរលកនៃការបះបោរការងារដែល កំពុងរាលដាលពីការរុករករ៉ែប្លាទីនទៅកាន់ផ្នែកជាច្រើនទៀតនៃវិស័យនេះ។
ការបះបោរនេះ បានកើតឡើងមិនដល់៣សប្ដាហ៍ បន្ទាប់ពីប៉ូលិសបានបាញ់សម្លាប់កម្មករ រ៉ែធ្វើកូដកម្មចំនួន៣៤នាក់ នៅអណ្តូងរ៉ែ ម៉ារីកាណារបស់ក្រុមហ៊ុនឡុនមីន ជាឧបទ្ទវហេតុសន្ដិសុខដ៏បង្ហូរឈាមបំផុត។
អាហ្វ្រិកខាងត្បូងគឺជាទីតាំងធនធានប្លាទីន៨០ភាគរយ ហើយតម្លៃរបស់លោហធាតុមានតម្លៃដែលគេប្រើជាគ្រឿងអលង្ការ និងគ្រឿងបម្លាស់រថយន្តនេះ បានឡើងជាង១០ភាគរយតាំងពីអំពើហិង្សាបានកើតឡើង។
ឧបទ្ទវហេតុកាលពីថ្ងៃចន្ទ ម្ចាស់ក្រុមហ៊ុនរ៉ែ Gold One International Ltd បាននិយាយថា កម្មករប្រហែល៦០នាក់នៅអណ្តូងរ៉ែModder East បានបន្តធ្វើកូដកម្មដ៏សាហាវ ដោយរារាំងកម្មករពាក់កណ្ដាលរបស់ខ្លួន មិនឲ្យរាយការណ៍ចំពោះការផ្លាស់វេនរបស់ពួកគេទេ។
No comments:
Post a Comment
yes