ក្រុងហ្សាការតាៈ រដ្ឋមន្រ្តីការបរទេសអាមេរិក លោកស្រីហ៊ីឡារី គ្លីនតុន បាននិយាយកាលពីថ្ងៃចន្ទថា ចិន និងក្រុមប្រទេសជិតខាងរបស់ខ្លួននៅអាស៊ីគ្នេយ៍ ត្រូវតែឈានទៅព្រៀងក្រមសីលធម៌មួយ ក្នុងប៉ុន្មានខែខាងមុខ ដើម្បីជួយដោះស្រាយជម្លោះនានានៅសមុទ្រចិនខាងត្បូង និងគួរតែទប់កុំឲ្យមានការគំរាមកំហែង និងការបង្ខិតបង្ខំ ដែលបានធ្វើឲ្យភាពតានតឹងកើនឡើង។
លោកស្រី ហ៊ីឡារី ដែលបំពេញទស្សនកិច្ចឥណ្ឌូនេស៊ី មុនដំណើរទស្សនកិច្ចមួយទៅចិននៅក្នុងសប្តាហ៍នេះ បានថ្លែងថា លោកស្រី នឹងប្រាប់ក្រុងប៉េកាំង និងក្រុមរដ្ឋទាមទារផ្សេងទៀតថា វាសំខាន់ណាស់ដែលធ្វើឲ្យកិច្ចការទូតដែលរអាក់រអួលត្រឡប់មករកផ្លូវត្រូវវិញ ហើយឈានទៅមុខឆ្ពោះទៅរកកិច្ចព្រមព្រៀងមួយ។
លោកស្រី បានបញ្ជាក់ថា៖«អា មេរិក មិនប្រកាន់ជំហរលើការទាមទារទឹកដីដែលកំពុងប្រជែងគ្នាទេ ប៉ុន្តែយើងជឿថា រដ្ឋទាំងអស់នៅក្នុងតំបន់នេះ គួរតែធ្វើការសហការ គ្នាដើម្បីដោះស្រាយជម្លោះដោយគ្មានការបង្ខំ បំភិតបំភ័យ ការគំរាមកំហែង និងពិតជាមិនមានការប្រើកម្លាំងនោះទេ»។
No comments:
Post a Comment
yes