មេដឹកនាំអង្គភាពប្រឆាំងអំពើពុករលួយរបស់រដ្ឋាភិបាលកម្ពុជាបានថ្លែងទទួលស្គាល់ថា សកម្មភាពប្រឆាំងអំពើពុលរលួយរបស់ខ្លួននាពេលកន្លងមកនេះ ពុំទាន់បានឆ្លើយតមទៅតាមស្ដង់ដាររបស់អនុសញ្ញាអង្គការសហប្រជាជាតិស្ដីពីការប្រយុទ្ធប្រឆាំងអំពើពុករលួយនៅឡើយទេ ។
ឱម យ៉ិនទៀង ប្រធានអង្គភាពប្រឆាំងអំពើពុករលួយ របស់រដ្ឋាភិបាល
លោក ឱម យ៉ិនទៀង បានថ្លែងប្រាប់ក្រុមអ្នករាយការណ៏ព័ត៏មាននៅថ្ងៃព្រហស្បតិ៏នេះថា ការបញ្រ្ជាបប្រជាពលរដ្ឋឲ្យយល់ដឹងពីការប្រយុទ្ធប្រឆាំងអំពើពុករលួយនៅមានភាពខ្វះចន្លោះនៅឡើយ , ” យើងខ្ញុំគិតថា ការងារចូលរួម ការធ្វើឲ្យមហាជន និង ស្ថាប័នផ្សេងៗ ចូលរួមប្រឆាំងអំពើពុករលួយ នៅខ្វះខាតច្រើន ខ្វះជាង៥០ភាគរយ»។
បើតាមការឲ្យដឹងពីអង្គភាពប្រឆាំងអំពើពុករលួយថា រយៈពេល ៨ខែ ក្នុងឆ្នាំ២០១២ នេះ ស្ថាប័នប្រឆំាងអំពើពុករលួយ បានទទួលពាក្យបណ្ដឹងជាង ៨០០ ករណី ពីសាធារណជន នៅទូទាំងប្រទេស ហើយដោះស្រាយបានត្រឹមតែចំនួន ៣០ភាគរយប៉ុណ្ណោះ។
គួរបញ្ជាក់ថា ប្រទេសកម្ពុជា ក្រោមការដឹកនាំរបស់បក្សប្រជាជន កន្លងមកបានរកឃើញថាមានប្រាក់ប្រមាណពី៣៥០ទៅ៥០០លានដុល្លារ បានបាត់ធ្លាក់ទៅក្នុងអំពើពុករលួយក្នុងមួយឆ្នាំៗ ។ចំណែកអង្គភាពប្រឆាំងអំពើពុករលួយឯណេះវិញក៏រងការចោទប្រកាន់ដែរថា ពុំត្រូវបានបង្កើតឡើងដោយឆន្ទះពិតប្រាកដរបស់រដ្ឋាភិបាល ដើម្បីប្រយុទ្ធប្រឆាំងនឹងអំពើពុករលួយឡើយ គឺគ្រាន់តែជាលេសបោកប្រាសសហគមន៏អន្តរជាតិនិងជាឧករណ៏របស់បក្សកាន់អំណាចតែប៉ុណ្ណោះ ៕
No comments:
Post a Comment
yes