អំពើពុករលួយក្រោមការគ្រប់គ្រងរបស់គណបក្សប្រជាជនកាន់អំណាចសព្វថ្ងៃបាននិងកំពុងតែ
ចាក់ឬសចូលយ៉ាងជ្រៅនៅគ្រប់ក្រសួង ស្ថាប័ន និងមន្ទីរ
តាំងពីថ្នាក់លើរហូតដល់ថ្នាក់ក្រោម
ជាមួយគ្នានោះក៏គ្មានអ្នកណាចេញមុខចាត់វិធានការនោះឡើយ បើទោះបីជាអង្គភាពប្រឆាំងអំពើ
ពុករលួយត្រូវបានបង្កើតឡើងអស់រយៈពេលដ៏យូរមកហើយនោះ ។
ជាថ្មីម្តងទៀតបើតាមសេចក្តីរាយការណ៏ពីខេត្តកំពង់ធំមកបានឲ្យដឹងថា មន្រ្តីឃុំមកពីគណបក្ស
ប្រជាជនកម្ពុជាស្ទើរទូទាំងឃុំ បាននឹងកំពុងតែនាំគ្នាប្រព្រឹត្តអំពើពុករលួយដែលមានលក្ខណៈជា
ប្រព័ន្ធក្នុងការធ្វើសំបុត្រកំណើត និងលិខិតបញ្ជាក់កំណើតជូនប្រជាពលរដ្ឋដែលមានតម្លៃខ្ពស់កប់ពពក
ដោយគ្មានថ្នាក់លើណាចាត់ការពួកគេ ដើម្បីផ្តល់ភាពយុត្តិធម៌ជូនប្រជាពលរដ្ឋដែលជាអ្នករងគ្រោះនោះឡើយ
។
សូមជំរាបជូនផងដែរថា បន្ទាប់ពីមានរឿងរ៉ាវនេះបានកើតឡើងនៅក្នុងឃុំនានាស្ទើរទូទាំងខេត្តកំ
ពង់ធំ ដោយប្រជាពលរដ្ឋមិនអាចអត់ទ្រាំតទៅទៀតនោះ ពួកគាត់បានស្វែងរកអន្តរាគមន៏ដើម្បី
ផ្តល់យុត្តិធម៌ជូនពួកគេដែលជាប្រជាពលរដ្ឋក្រីក្រទន់ខ្សោយ ។ ប្រជាពលរដ្ឋរស់នៅឃុំទ្រៀល
ស្រុកបារាយរណ៏ ខេត្តកំពង់ធំ បានផ្តល់ព័ត៌មានមកថា ក្នុងការដែលពួកគាត់ទៅធ្វើសំបុត្របញ្ជាក់កំណើតឲ្យកូន
គឺស្មៀនឃុំទ្រៀល ឈ្មោះ នួន វីរ បានទាលុយពីគាត់ក្នុងម្នាក់ចំនួនមួយម៉ឺនរៀល ដែលតម្លៃនេះគឺថ្លៃខ្លាំងណាស់សម្រាប់ពួកគាត់ជាប្រជាពលរដ្ឋក្រីក្រ
។ ពួកគាត់បានបន្តថា ការប្រព្រឹត្តបែបនេះរបស់ស្មៀនឃុំទ្រៀល គឺមិនបានធ្វើការបំរើរាស្រ្ត
និងជួយរាស្រ្តនោះឡើយ តែផ្ទុយទៅវិញពួកគេបាននិងកុំពុងតែជាន់កររាស្រ្តនិងគៀបយកលុយទាំងភ្នែកស្រស់តែម្តង
។
ប្រភពខាងលើបានប្រាប់ឲ្យដឹងបន្តទៀតផងដែរថា រឿងនេះលោកមេឃុំទ្រៀលឈ្មោះ គាំ តាក់
ក៏ គាត់បានដឹងផងដែរ តែដូចជាត្រូវដង
ត្រូវផ្លែនិងគ្នាអញ្ចឹងគឺលោកមេឃុំមិនបានធ្វើការហាមឃាត់ ឬព្រមានស្រៀនឃុំឈ្មោះ នួន
វីរ នោះឡើយ ដែលពួកគាត់ជាប្រជាពលរដ្ឋបានដាក់ការសង្ស័យ ថាលោកមេឃុំទ្រៀលឈ្មោះ គាំ
តាត់ បាននិងកំពុងតែចូលដៃជាមួយស្មៀនឃុំ ធ្វើបាបរាស្រ្ត
ហើយប្រព្រឹត្តអំពើពុករលួយបែបនេះហើយមើលទៅដើម្បីលាភសក្ការៈផ្ទាល់ខ្លួនរបស់ពួកគេ ដែលពួកគាត់ស្នើរសុំឲ្យមន្រ្តីថ្នាក់លើជួយ
ស៊ើបអង្កេត និងចាត់វិធានការចំពោះមេឃុំ និងស្មៀនឃុំទ្រៀល ទាំងពីរនាក់នេះផង
បើមិនដូច្នេះទេ ទៅថ្ងៃខាងមុខអ្នកទាំងពីរ ដែលជាថ្នាក់ដឹកនាំមូលដ្ឋានរបស់ពួកគាត់
មិនដឹងជាជំរិតទាប្រាក់ពីពួកគាត់លើថ្លៃសេវ៉ាអ្វីផ្សេងទៀត ដែលមានតម្លៃខ្ពស់បែបនេះយ៉ាងណានោះទេ
។
សូមជំរាបជូនផងដែរថា ករណីខាងលើនេះប្រជាពលរដ្ឋដែលហ៊ានចេញមុខតវ៉ា ប្រឆាំងទៅនិងការប្រព្រឹត្តអំពើពុករលួយរបស់មេឃុំ
និងស្មៀនឃុំ ក៏បានកើតមាននៅឃុំបឹងល្វា ស្រុកសន្ទុក និង ឃុំស្រឡៅ ស្រុកបារាយរណ៏
ផងដែរ កាលណោះបើតាមសេចក្តីរាយការណ៏ពីប្រជាពលរដ្ឋមកបានឲ្យដឹងថា នៅពេលដែលពួកគាត់នាំគ្នាទៅធ្វើសំបុត្រកំណើតឲ្យកូន
និងធ្វើលិខិតបញ្ជាក់ កំណើត ដើម្បីឲ្យកូនយកទៅធ្វើការរោងចក្រ និងសម្រាប់ប្រើប្រាស់ការងារផ្សេងៗ
ស្រាប់តែស្មៀន
ឃុំ មកពីគណបក្សប្រជាជន បានតម្រូវឲ្យពួកគាត់ដែលជាប្រជាពលរដ្ឋបង់ប្រាក់ក្នុងម្នាក់ចំនួនមួយម៉ឺនរៀល
ទៅពីរម៉ឺនរៀល និងមានអ្នកខ្លះត្រូវបានស្មៀនឃុំ ទារលើសពីនេះក៏មានផងដែរ ។
ប្រភពពីប្រជាពលរដ្ឋបានឲ្យដឹងបន្តទៀតថា សព្វថ្ងៃនេះពួកគាត់អស់ជំនឿលើមន្រ្តីឃុំ
និងស្មៀន ឃុំ មកពីគណបក្សប្រជាជនទាំងអស់នោះហើយ ព្រោះពួកគេទាំងអស់នោះធ្វើការមិនបំរើរាស្រ្ត
ដូចជាការសន្យារបស់ពួកគេនៅមុនពេលបោះឆ្នោតក្រុមប្រឹក្សាឃុំ-សង្កាត់ឡើយ បែជាមកជំរិតទារប្រាក់ពីប្រជាពលរដ្ឋក្រីក្របែបនេះទៅវិញ
ដែលការចូលកាន់ដំណែងរបស់ពួកគេមិនបានប៉ុន្មានផងនោះ ។
រីឯមន្រ្តីក្រុមប្រឹក្សាខេត្តកំពង់ធំ ជាប់ឆ្នោតមកពីគណបក្ស សម រង្ស៊ី លោក ស៊ុន
ធុន បានមានប្រសាសន៏ពាក់ព័ន្ធទៅនិងការប្រព្រឹត្តអំពើពុករលួយរបស់មន្រ្តីឃុំមកពីគណបក្សប្រជាជនទាំងអស់នោះថា
នេះគឺជាការប្រព្រឹត្តអំពើពុករលួយមួយយ៉ាងខ្លាំង ដែលមន្រ្តីទាំងអស់នោះបានធ្វើខុសទៅនិងច្បាប់ទាំងស្រុងក្នុងនាមខ្លួនជាអាជ្ញាធរឃុំ
។ លោកបន្តថា មន្រ្តីឃុំរបស់គណបក្សប្រជាជនទាំងនោះមិនត្រូវយកតួនាទីក្នុងការធ្វើលិខិតស្នាមផ្សេងៗដែលជាការងាររបស់ជំទប់មកពី
គណបក្ស សម រង្ស៊ី ទៅធ្វើហើយប្រព្រឹត្តអំពើពុករលួយធ្វើបាបរាស្រ្តបែបនេះនោះទេ ត្រូវតែប្រ
គល់តួនាទីមកជំទប់ឃុំរបស់គណបក្ស សម រង្ស៊ី វិញ ដើម្បីឲ្យពួកគាត់ធ្វើការបំរើប្រជាពលរដ្ឋក្នុង
តួនាទីរបស់ពួកគាត់ ដែលជាប់ឆ្នោតក្រោមការគាំទ្រ និងពេញចិត្តពីសំណាក់ប្រជាពលរដ្ឋរស់នៅក្នុងឃុំទាំងនោះ
។
សូមជំរាបជូនផងដែរថា
ការប្រព្រឹត្តអំពើពុករលួយរបស់មន្រ្តីឃុំមកពីគណបក្សប្រជាជនលើការធ្វើសំបុត្រកំណើត
និងលិខិតបញ្ជាក់កំណើត គឺបានកើតមាននៅស្ទើរទូទាំងឃុំ ក្នុងខេត្តកំពង់ធំ
ក៏ដូចជានៅទូទាំងប្រទេសផងដែរ ។ ជាមួយគ្នានោះការចុះធ្វើអត្តសញ្ញាណប័ណ្ណ ជូនប្រជាពលរដ្ឋ
ពួកគេទាំងនោះក៏បានឆ្លាតឱកាសប្រព្រឹត្តអំពើពុករលួយផងដែរ ដោយមិនខ្វល់ពីការរិះគន់របស់ប្រជាពលរដ្ឋមកលើពួកគេនោះឡើយ
។
ដូចនេះចំពោះការប្រព្រឹត្តអំពើពុករលួយរបស់មន្រ្តីឃុំមកពីគណក្សប្រជាជន លោក ឈុន
ឈន ដែលជាអភិបាលខេត្តកំពង់ធំ លោក ឱម យិនទៀង ប្រធានអង្គភាពប្រឆាំងអំពើពុករលួយ ជាពិសេសលោករដ្ឋមន្រ្តីក្រសួងមហាផៃ្ទ
ស ខេង ត្រូវតែចាត់វិធានការចំពោះការប្រព្រឹត្តអំពើរពុករលួយរបស់មន្រ្តីឃុំមកពីគណបក្សប្រជាជនទាំងនោះឲ្យបានឆាប់
ជៀសវាងកុំឲ្យប្រជាពលរដ្ឋទទួលរងនូវភាពអយុត្តិធម៌
និងរងគ្រោះពីការប្រព្រឹត្តអំពើពុករលួយរបស់មន្រ្តីពុករលួយខិលខូចទាំងអស់នោះទៀត
ដែលគេបានរៀបចំឡើងមានលក្ខណៈជាប្រព័ន្ធយ៉ាងដូចនេះនោះ ៕
No comments:
Post a Comment
yes