លោក គល់ បញ្ញា ប្រធានគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ហៅកាត់ថា ខុមហ្រ្វែល នៅព្រឹកថ្ងៃទី១៨ កញ្ញា នេះ បានថ្លែងក្នុងកិច្ចប្រជុំចង្អៀតជាមួយតំណាងគណបក្សនយោបាយឯសណ្ឋាគារអ៊ីមភឺរៀលថា ការចុះឈ្មោះបោះឆ្នោតនៅឆ្នាំ២០១២នេះ មានភាពមិនប្រក្រតី ដូចគ្នាទៅនឹងឆ្នាំ២០១១ដែរ។
លោក គល់ បញ្ញា នាយកប្រតិបត្តិអង្គការខុមហ្រ្វែល
លោក គល់ បញ្ញា បន្តថា ការចុះឈ្មោះបោះឆ្នោតឆ្នាំ២០១២នេះមានការកែលម្អតិចតួចប៉ុណ្ណោះ។ បញ្ហាភាគច្រើនដែលត្រូវបានរកឃើញនោះគឺ ស្មៀនឃុំ-សង្កាត់មួយចំនួនបានបង្កភាពស្មុគស្មាញដល់ការចុះឈ្មោះបោះឆ្នោត ដូចជាពួកគេមកធ្វើការយឺតយ៉ាវនៅពេលចុះឈ្មោះ និងពិបាករកឯកសារមកចុះឈ្មោះ និងមានអ្នកខ្លះមិនបានមកបង្ហាញមុខនៅពេលចុះឈ្មោះ តែបែរជាមានឈ្មោះនៅក្នុងបញ្ជីបោះឆ្នោត ដោយសារតែស្មៀនគ្រាន់តែមើលឯកសារ ហើយចុះឈ្មោះឲ្យតែម្តង។
ជាមួយគ្នានេះ លោក គល់ បញ្ញា ក៏បានសម្តែងការគាំទ្រផងដែរ ចំពោះសំណើរបស់គណបក្សប្រឆាំងឲ្យមានការរុះរើសមាសភាពគណៈកម្មាធិការជាតិរៀបចំការបោះឆ្នោត (គ.ជ.ប)។
បើតាមលោក គល់ បញ្ញា ក្បាលម៉ាស៊ីនរបស់ គ.ជ.ប គឺគួតែត្រូវជ្រើសរើស ដោយមានការចូលរួមពីគ្រប់គណបក្សនយោបាយដែលមានកៅអីនៅក្នុងរដ្ឋសភាជាតិ៕
No comments:
Post a Comment
yes