ឧត្តរមានជ័យ៖ គំនរឈើគគីរប្រមាណ ៨០ ដុំ ដែលក្រុមឈ្មូញទុច្ចរិតរកស៊ីអារឈើ នៅក្នុងតំបន់អភិរក្ស របស់សហគមន៍ សាមគ្គីសង្គ្រោះព្រៃឈើ កំពុងតែធ្វើសកម្មភាពកាត់អារ និងដឹកជញ្ជួនយកមកលក់អោយ លោកឧកញ៉ា លីម ហេង ដែលជាថៅកែកាស៊ីណូ នៅច្រកអន្តរជាតិជាំសាងាំ។
ហេតុការណ៍នេះ បានកើតឡើងនៅវេលាម៉ោង ១០ ព្រឹកថ្ងៃទី០៣ ខែកញ្ញា ឆ្នាំ២០១២ ស្ថិតនៅត្រង់ចំណុចភូមិអូតាម៉េង ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
មធ្យោបាយដឹកជញ្ជូនបទល្មើសព្រៃឈើ របស់លោកឧកញ៉ា លីម ហេង គឺរថយន្តម៉ាក់កូរ៉េ ពណ៌ខៀវ ឥតស្លាកលេខ បើកបរដោយឈ្មោះ អ៊ុន សុភី អាយុ ៣៤ ឆ្នាំ ភេទប្រុស រស់នៅភូមិស្រងែ ឃុំស្រងែ ស្រុកព្រៃឈរ ខេត្តកំពង់ចាម រូមមានកម្មករបំរើការអោយ លោកឧកញ៉ា លីម ហេង សំរាប់តាមលើកឈើ ៤ នាក់ទៀត ដែលមានឈ្មោះដូចខាងក្រោម ទី១.ឈ្មោះ ឡាយ ឈឿន អាយុ៣១ឆ្នាំ មានទីលំនៅភូមិត្រពាំងគា ឃុំជើងគោ ស្រុក ព្រៃនុប ខេត្តកំពង់ចាម ទី២.ផាន់ និត អាយុ ៣១ ឆ្នាំ ទី៣.ហ៊ីន កុសល់ អាយុ ៣៤ឆ្នាំ រស់នៅភូមិ ឃុំខាងលើ ទី៤.ហ៊ុន ធឿន សូយ៉ា អាយុ ២២ឆ្នាំ រស់នៅភូមិជើងភ្នំ ឃុំត្រពាំងប្រិយ ស្រុកអន្លង់វែង។
ក្រុមកម្មករខាងលើ បានបំភ្លឺថា ពួកគេជាកញ្ចះដាច់ថ្លៃរបស់លោកឧកញ៉ា លីម ហេង។ បន្ទាប់ពី លោក ឃុន សុភា នាយរងខណ្ឌរដ្ឋបាលព្រៃឈើ ចុះធ្វើការបង្ក្រាបក្រុមកម្មករ និងរថយន្តដឹកបទល្មើស ត្រូវបានគេចខ្លួន ដោយទុកឈើចោលអោយក្រុមឈ្មួញទាំងនោះ ទទួលខុសត្រូវខ្លួនឯងនេះជារឿងឃុបឃិតផ្សំគំនិតរវាងក្រុមឈ្មួញទុច្ចរិត និងលោកឧកញ៉ា លីម ហេង ធ្វើការទំនាក់ទំនងរកស៊ីស្ងាត់ៗ ជាមួយគ្នា បន្ទាប់ពីមានបញ្ហាក្បាលនរណាសក់អ្នកនោះហើយ.
ការដឹកជញ្ជួនបទល្មើសព្រៃឈើ របស់លោកឧកញ៉ាអស់រយៈពេលជាង ២ ឆ្នាំមកហើយ ដែលមន្ត្រីជំនាញ និងស្ថាប័នជាប់ពាក់ព័ន្ធ នៅក្នុងខេត្តឧត្តរមានជ័យ ទាំងមូលមិនដែលយកភ្នែកមើលគ្រាន់តែមកប្រាប់ថា ជារបស់លោក ឧកញ៉ាវាជាការស្រាច់ ទោះបីជាមានសកម្មភាពយ៉ាងណាក៏ដោយ តែការដឹកជញ្ជូនបទល្មើស របស់លោកឧកញ៉ានៅតែបន្តការងារយ៉ាងរលូន ពីព្រោះសកម្មភាពដឹកជញ្ជូនកាន់ឆ្នាំមកហើយ៕
No comments:
Post a Comment
yes