ខេត្ដកណ្ដាល ៖ នៅរសៀលថ្ងៃ១១កើត ខែភទ្របទ ឆ្នាំរោង ចត្វាស័ក ព.ស២៥៥៦ ត្រូវនឹងថ្ងៃពុធ ទី២៦ ខែកញ្ញា ឆ្នាំ២០១២ នៅវត្ដព្រះពុទ្ធអណ្ដែត សង្កាត់ព្រែកហូរ ក្រុងតាខ្មៅ ខេត្ដកណ្ដាល មានប្រារឰពិធី បុណ្យសិតព្រះពុទ្ធរូប១ព្រះអង្គ ធ្វើអំពី ស្ពាន់លាយមាសទម្រង់បិណ្ឌបាត និងទ្រង់ ប្រទានពរ កម្ពស់១៤ម៉ែត្រ និងមានទម្ងន់ ២៧តោន ។
ពិធីនេះបានប្រព្រឹត្ដទៅក្រោមអធិបតី ភាពលោកជំទាវ គឹង ចាន់ឌី គន់ គីម លោកឧកញ៉ា ហុក ណារិទ្ធិ និងលោកជំទាវ ឧកញ៉ា សៀង ចាន់ហេង អគ្គនាយិកាក្រុម ហ៊ុនហេងអភិវឌ្ឍន៍ មន្ដ្រីជាន់ខ្ពស់ខេត្ដ កណ្ដាល និងមានការចូលរួមពីពុទ្ធបរិស័ទ ចំណុះជើងវត្ដ និងឧបាសកឧបាសិកាមក ពីទីជិតឆ្ងាយជាច្រើនរូបទៀត ។
តាមកាលបរិច្ឆេទគ្រោងទុក វេលា ម៉ោង៣រសៀលនាថ្ងៃនោះ ក៏មានពិធី ក្រុងពាលី និងនិមន្ដព្រះសង្ឃជយន្ដោ ដើម្បី សុខសួស្ដីជ័យមង្គលផងដែរ ។
តាមការឱ្យដឹងរបស់គណៈកម្មការវត្ដ ព្រះពុទ្ធអណ្ដែតហៅវត្ដព្រែកហូរបាន បញ្ជាក់ថា ព្រះពុទ្ធរូប១ព្រះអង្គនេះធ្វើអំពី ស្ពាន់លាយមាស មានទម្ងន់២៧តោន តាមទម្រង់ព្រះអង្គទ្រង់បិណ្ឌបាត និង ប្រទានពរចំពោះមនុស្សលោក ដែលក្នុង នោះការចំណាយធ្វើព្រះពុទ្ធរូបនេះ គឺស្ពាន់ ក្នុង១គីឡូក្រាមមានតម្លៃ១៥ដុល្លារ ហើយ ស្ពាន់១គីឡូក្រាមលាយមាស១តម្លឹង កសាងឡើងទុកជាទីគោរពបូជារបស់មនុស្ស ទូទៅនៅក្នុងវត្ដព្រះពុទ្ធអណ្ដែតហៅវត្ដ ព្រែកហូរនេះ ។
តាមការឱ្យដឹងរបស់គណៈកម្មការវត្ដ ព្រះពុទ្ធអណ្ដែតហៅវត្ដព្រែកហូរបាន បញ្ជាក់ថា ព្រះពុទ្ធរូប១ព្រះអង្គនេះធ្វើអំពី ស្ពាន់លាយមាស មានទម្ងន់២៧តោន តាមទម្រង់ព្រះអង្គទ្រង់បិណ្ឌបាត និង ប្រទានពរចំពោះមនុស្សលោក ដែលក្នុង នោះការចំណាយធ្វើព្រះពុទ្ធរូបនេះ គឺស្ពាន់ ក្នុង១គីឡូក្រាមមានតម្លៃ១៥ដុល្លារ ហើយ ស្ពាន់១គីឡូក្រាមលាយមាស១តម្លឹង កសាងឡើងទុកជាទីគោរពបូជារបស់មនុស្ស ទូទៅនៅក្នុងវត្ដព្រះពុទ្ធអណ្ដែតហៅវត្ដ ព្រែកហូរនេះ ។
គណៈកម្មការវត្ដព្រះពុទ្ធអណ្ដែតបានឱ្យ ដឹងទៀតថា ការសាងសង់ព្រះពុទ្ធរូបធ្វើ អំពីស្ពាន់លាយមាសនេះ គឺធ្វើឡើងមាន រយៈពេលយូរ ដោយគ្រាន់តែធ្វើពុម្ពចំណាយ ពេលវេលាដល់ទៅ៤ខែឯណោះ ដូច្នេះការ ចាក់ពុម្ពអាចចំណាយពេលជាច្រើនខែទៀត ទើបបានសមិទ្ធផលព្រះពុទ្ធរូបនេះចេញជា រូបនាងឡើង ។ ដូច្នេះ គណៈកម្មការ អ្នក ផ្ដើមបុណ្យ ជាពិសេសព្រះឋានចារី អ៊ុក ថុល ព្រះចៅអធិការវត្ដព្រះពុទ្ធអណ្ដែត សូមអំពាវនាវដល់ពុទ្ធបរិស័ទទីជិតឆ្ងាយ ទាំងឡាយដែលមានសមានចិត្ដក្នុងការ លើកស្ទួយព្រះពុទ្ធសាសនាតាមរយៈសាង សង់ព្រះពុទ្ធរូបទម្រង់ព្រះអង្គទ្រង់បិណ្ឌបាត និងទ្រង់ប្រទានពរនេះ សូមជួយចូលរួម តាមសទ្ធាជ្រះថ្លាទោះជាបច្ច័យតិចក្ដី ច្រើនក្ដី ស្ពាន់ក្ដី ឬមាសក្ដី ដើម្បីឱ្យសមិទ្ធផលនេះ កើតឡើងបានឆាប់ ។ ចំពោះបច្ច័យ ស្ពាន់ ឬមាស ប្រសិនបើពុទ្ធបរិស័ទមានសទ្ធា ជ្រះថ្លាចូល រួមកសាងព្រះពុទ្ធរូប១ព្រះអង្គ នេះមែននោះ សូមអញ្ជើញយកទៅចូល បុណ្យនៅវត្ដព្រះពុទ្ធអណ្ដែតហៅវត្ដព្រែក ហូរគ្រប់ពេលម៉ោង គណៈកម្មការវត្ដ នឹងរង់ចាំទទួលជានិច្ច ។ ជាមួយនេះដែរ គណៈកម្មការវត្ដមានជំនឿថា ពុទ្ធសាសនិក ទាំងអស់នឹងជួយចូលរួមចំណែកកសាង ព្រះពុទ្ធរូបធ្វើអំពីស្ពាន់លាយមាសនេះ តាមតម្រូវការចាំបាច់ដែលស្ពាន់១គីឡូ ក្រាមមានតម្លៃ១៥ដុល្លារ ខណៈដែល ព្រះពុទ្ធរូប១ព្រះអង្គមានទម្ងន់២៧តោន សម្រាប់ជាទីសក្ការទៅថ្ងៃអនាគត ៕
No comments:
Post a Comment
yes