ប៉ោយប៉ែត ៖ បើទោះជាកន្លងទៅ លោក ញឹម សុខណាង អនុប្រធានការិយាល័យគយនិងរដ្ឋាករច្រកអន្ដរជាតិប៉ោយប៉ែត រងនូវបណ្ដឹងរបស់ក្រុមហ៊ុនវិនិយោគ និងដឹកទំនិញចំនួន១២ក្រុមហ៊ុនទៅកាន់ ប្រតិភូរាជរដ្ឋាភិបាលទទួលបន្ទុកអគ្គនាយកគយនិងរដ្ឋាករកម្ពុជា លើបញ្ហាអំពើពុករលួយក៏ដោយ ខណៈដែលថ្នាក់ លើយឺតយូរក្នុងការកែទម្រង់ចំពោះភាព មិនប្រក្រតីរបស់បុគ្គលរូបនេះ គឺការ គាបសង្កត់ ការធ្វើឱ្យរាំងស្ទះអំពើពុក រលួយក្រោមតុរបស់លោក ញឹម សុខណាង រឹតតែបន្ដ និងផ្គើនយ៉ាងខ្លាំងទៅលើក្រុមហ៊ុនមួយចំនួន ។ នេះបើតាមការអះអាង ពីក្រុមហ៊ុនដែលបានដាក់ពាក្យបណ្ដឹង ទៅកាន់លោក ប៉ែន ស៊ីម៉ន កាលពីខែ សីហានោះ ។
ក្រុមហ៊ុនចំនួន១២ គឺ ១-ក្រុមហ៊ុន ថោងឡេង អាហរ័ណ-នីហរ័ណ, ២-ក្រុម ហ៊ុនថុងហួត, ៣-ក្រុមហ៊ុនដឹកជញ្ជូន ត្បូងពេជ្រ, ៤-ក្រុមហ៊ុនដឹកជញ្ជូនប៉ាស៊ី ហ្វិក, ៥-ក្រុមហ៊ុនសេង ហុងហេង, ៦- ក្រុមហ៊ុនជីបម៉ួងគ្រុប, ៧-ក្រុមហ៊ុនឡាយ ហាក់, ៨-ក្រុមហ៊ុនសំ សំណាង, ៩-ក្រុម ហ៊ុនប្រាក់ ធារិទ្ធ, ១០-ក្រុមហ៊ុនរឿម វុធ, ១១-ក្រុមហ៊ុនតេងឡាយ និង១២-ក្រុម ហ៊ុនដឹកជញ្ជូនអ៊ា ធី ស៊ី ធ្លាប់បានដាក់ ពាក្យបណ្ដឹងនោះ ក៏បញ្ជាក់អំពីទង្វើរបស់ លោក ញឹម សុខណាង តែងតែបង្កការ រាំងស្ទះដល់ការបង់ពន្ធជូនរដ្ឋ ពិសេស បង្កការរំខានជាច្រើនលើកច្រើនសា ធ្វើ ឱ្យរាំងស្ទះដល់ការប្រកបមុខរបរអាជីវកម្ម របស់បណ្ដាក្រុមហ៊ុន បណ្ដាលឱ្យមានការ ខូចខាត និងបាត់បង់ពេលវេលា ដោយ សារតែបុគ្គល ញឹម សុខណាង គិតតែ ផលប្រយោជន៍សួនតួ មិនគិតពីផល ប្រយោជន៍ជាតិជាធំ ។
តំណាងក្រុមហ៊ុនបានបញ្ជាក់ទៀតថា មិនដឹងជាលោក ញឹម សុខណាង មាន ខ្នងបង្អែកក្រាសកម្រិតណានោះទេ ពីព្រោះ អ្វីដែលជាការមិនពេញចិត្ដពីបណ្ដាក្រុម ហ៊ុនចំពោះទង្វើពុករលួយរបស់គាត់មិន ព្រមកាត់បន្ថយ បែរជាគាត់ហ៊ានប្រើ ពាក្យមិនគប្បីដូចជាពាក្យថា “អញនៅ ប៉ោយប៉ែតជាង១០ឆ្នាំហើយ គ្មានអ្នក ណាធ្វើអញបានទេ ” នេះជាដើម ។
ពាក់ព័ន្ធនឹងការចោទប្រកាន់នេះ តាមទូរស័ព្ទ លោក ញឹម សុខណាង មិន បានធ្វើអត្ថាធិប្បាយនោះទេ ដោយលោក អះអាងថាកំពុងជាប់រវល់ ប៉ុន្ដែអ្នកដែល ប្ដឹងនោះគ្រាន់តែការខឹងបុគ្គល ។
ដោយឡែក លោក ឈួន ហៃ ប្រធាន ស្នាក់ការគយនិងរដ្ឋាករច្រកអន្ដរជាតិ ប៉ោយប៉ែតឡើងថ្មី ក៏ដូចជាលោក ផូ ផល្លា ប្រធានសាខាគយនិងរដ្ឋាករខេត្ដបន្ទាយ មានជ័យ នគរវត្ដមិនអាចទាក់ទងបានទេ កាលពីព្រឹកថ្ងៃទី៥ខែកញ្ញាឆ្នាំ២០១២ ដោយទូរស័ព្ទចូលគ្មានអ្នកលើក ។ ប៉ុន្ដែ អ្នករត់ការទំនិញវិនិយោគក៏បានលើក ឡើងផងដែរថា អំពើពុករលួយនៅក្នុង អង្គភាពនេះកើតមានជាប្រចាំ យ៉ាង ហោចណាស់ក៏គាត់ត្រូវបង់ប្រាក់លើស ពី១.០០០ទៅ១.៥០០បាត ពាក់ព័ន្ធទៅ នឹងឯកសារចុះប្រតិវេទន៍គយ ពិសេស លោក ញឹម សុខណាង គាត់ហាក់ដូចជា មិនបានបោះបង់ចំពោះទង្វើពុករលួយ ការទាញយកផលប្រយោជន៍សម្រាប់ បុគ្គលខ្លួនឯង និងបង្កឱ្យមានរាំងស្ទះដល់ បណ្ដាក្រុមហ៊ុន ក្នុងការប្រកបអាជីវកម្ម ដែលគាត់ដាក់ភាពសង្ស័យថា ទង្វើរបស់ លោក ញឹម សុខណាង អាចមានខ្នងបង្អែក ឬផ្ដល់ផលប្រយោជន៍ខ្ពស់ក្នុងកម្រិតណា មួយសម្រាប់ប្រធានស្នាក់ការនិងប្រធាន សាខា ទើបបុគ្គលរូបនេះគាត់មិនបាន ព្រួយបារម្ភការប្ដឹងពីបណ្ដាក្រុមហ៊ុន ក៏ដូច ជាបន្ដពុករលួយដដែលនោះ ។
គួររំលឹកថា ស្ថាប័នគយនៅច្រកអន្ដរ ជាតិប៉ោយប៉ែតរងនូវការរិះគន់យ៉ាងខ្លាំង ពីមជ្ឈដ្ឋានមហាជន ពិសេសសកម្មភាព របស់មន្ដ្រីគយឈរយកលុយគ្មានសណ្ដាប់ ធ្នាប់នៅជិតគល់ស្ពានមិត្ដភាពកម្ពុជា-ថៃ បង្ខំឱ្យឈ្មួញដឹកទំនិញបង់ប្រាក់ ក៏ដូច ជាកម្មករអូសទំនិញតាមរទេះ ដែលមិន ទាន់ធ្វើការលុបបំបាត់ បើទោះជាករណីខ្លះ ការទាមទារលុយពីឈ្មួញ និងកម្មករបាន ក្លាយទៅជាអំពើហិង្សាកើតមានជាញឹកញាប់ក៏ដោយ ៕
No comments:
Post a Comment
yes