ខេត្ដរតនគីរី ៖ ទីតាំងលក់ម៉ូតូគេចពន្ធប្រមាណ១០កន្លែងកំពុងដាក់តាំងលក់ម៉ូតូគ្រប់ប្រភេទ ដោយគ្មានអាជ្ញាធរពាក់ព័ន្ធណាចុះត្រួតពិនិត្យ និងបង្ក្រាបឡើយ ខណៈដែលម៉ូតូទាំងនោះភាគច្រើន គឺនាំចូលមកពីប្រទេសវៀតណាម ។
ខេត្ដរតនគីរីដែលជាខេត្ដទេសចរណ៍ មួយនៅភាគឦសាននៃប្រទេសកម្ពុជា ។ នៅផ្សារទីរួមខេត្ដនេះមានទីតាំងលក់ ម៉ូតូជាច្រើនកន្លែងដែលដាក់តាំងម៉ូតូគ្មានពន្ធលក់តម្រៀបគ្នា ។ ក្រុមអាជីវករទាំងនោះបានឱ្យដឹងថា ម៉ូតូភាគច្រើន ដែលខ្លួនដាក់តាំងលក់នេះគឺនាំចូលមកពី ប្រទេសវៀតណាម ដោយក្រុមឈ្មួញ បាននាំចូលតាមច្រកព្រំដែនអន្ដរជាតិ អូរយ៉ាដាវនិងតាមច្រករបៀងមួយ ចំនួនទៀត ។
ក្រុមអាជីវករទាំងនោះអះអាងថា ម៉ូតូគ្មានពន្ធដែលខ្លួនដាក់តាំងលក់ គឺមានតម្លៃថោក អាចឱ្យប្រជាពលរដ្ឋដែលមានជីវភាពល្មមៗទិញយកទៅជិះបាន ដោយតម្លៃមិនលើស១ពាន់ដុល្លារនោះទេ ។ ម៉ូតូគ្មានពន្ធទាំងនេះ គឺលក់ដាច់ជាងប្រភេទ ដែលបង់ពន្ធត្រឹមត្រូវនាំចូលមកពីប្រទេសថៃ ។
ការដាក់តាំងលក់ម៉ូតូគ្មានពន្ធតាម អំពើចិត្ដរបស់ក្រុមឈ្មួញក្នុងខេត្ដរតន គីរីខាងលើនេះ ត្រូវបានប្រជាពលរដ្ឋរិះ គន់ ដោយចោទប្រកាន់ថា ការដាក់លក់ ម៉ូតូគ្មាននាំចូលពីបរទេស ពិសេសពីប្រទេសវៀតណាម គឺបានធ្វើឱ្យបាត់បង់ចំណូលរដ្ឋមួយចំណែកធំ និងម្យ៉ាងការប្រើប្រាស់ម៉ូតូគ្មានពន្ធបែបនេះ គឺបង្កឱ្យមានអសន្ដិសុខកើតឡើងដោយសារតែ ពួកចោរអាចទៅលួច ឬប្លន់ម៉ូតូទាំងនោះ ទៅលក់នៅទីណាក៏បាន ដោយមិនចាំបាច់មានលិខិតស្នាមអ្វីទាំងអស់ ។
ប្រជាពលរដ្ឋរស់នៅក្នុងខេត្ដរតនគីរីបានងឿងឆ្ងល់ថា នៅពេលពួកគេជិះម៉ូតូ គ្មានពន្ធទាំងនោះមកទីប្រជុំឬមកទីរួម ខេត្ដម្ដងៗ ត្រូវសមត្ថកិច្ចចាប់ផាកពិន័យ មិនដែលខានម្ដងណាឡើយ។ ប៉ុន្ដែទីតាំងដាក់លក់ម៉ូតូអត់ពន្ធជាច្រើនកន្លែងក្នុង ផ្សារទីរួមខេត្ដដែលមានម៉ូតូរាប់រយ គ្រឿង បែរជាសមត្ថកិច្ចពាក់ព័ន្ធមិនបង្ក្រាបទៅវិញ។
ជុំវិញការនាំចូលម៉ូតូគ្រប់ប្រភេទ គ្មានពន្ធមកដាក់លក់នៅក្នុងផ្សារបាន លុង ខេត្ដរតនគីរីខាងលើនេះ លោកនូវ តារា ប្រធានការិយាល័យប្រឆាំងបទ ល្មើសសេដ្ឋកិច្ចខេត្ដរតនគីរី បានឱ្យដឹង ថា ករណីនេះគឺមិនពាក់ព័ន្ធនឹងសមត្ថ កិច្ចរបស់លោកទេ ដោយបង្វែរសំណួរ ទៅសួរគយ និងរដ្ឋាករ ហើយករណីបង្ក្រាប លុះត្រាតែខាងគយ និងរដ្ឋាករមកសហ ការជាមួយសមត្ថកិច្ច ទើបចុះបង្ក្រាប ។
កាសែតនគរវត្ដមិនអាចទំនាក់ទំនង ទៅលោក ជួប ចំរើន ប្រធានសាខាគយ និងរដ្ឋាករខេត្ដរតនគីរីបំភ្លឺជុំវិញករណី ខាងលើនេះបានទេ នៅថ្ងៃទី៤ ខែកញ្ញា ឆ្នាំ២០១២ ។
គួរជម្រាបថា ម៉ូតូដែលនាំចូលមកពីប្រទេសវៀតណាម និងប្រទេសជិតខាង មួយចំនួនទៀតមិនមែនមានដាក់តាំង លក់តែនៅក្នុងខេត្ដរតនគីរីមួយនោះទេ គេសង្កេតឃើញម៉ូតូច្រើនប្រភេទដែល គ្មានពន្ធ គឺមានដាក់តាំងលក់នៅតាម បណ្ដាផ្សារមួយចំនួនទៀតក្នុងប្រទេស កម្ពុជា ពិសេសក្នុងរាជធានីភ្នំពេញក៏មានដែរ ៕
No comments:
Post a Comment
yes