ខេត្ដតាកែវ ៖ ឈើអារចំនួន៥៤២ដុំ និង៦៧សន្លឹក ស្មើ៩៦,០៩៦ម៉ែត្រគូប ក្នុងនោះមានឈើក្រៅលំដាប់ថ្នាក់ (ម្រេញ)ចំនួន៥០៤ដុំ និង៦៧សន្លឹក ស្មើ៨៧,៥៩៩ម៉ែត្រគូប និងឈើធ្នង់ ប្រភេទប្រណីតចំនួន៣៨ដុំស្មើនឹង ៨,៤៩៩ម៉ែត្រគូប, ជ័រចុងចំនួន១.៧៩១ គីឡូក្រាម, ម៉ាស៊ីនបូមទឹកម៉ាក ISUZU ១គ្រឿង និងជនល្មើសចំនួន៤ នាក់ដែលជាជនជាតិវៀតណាម បាន ប្រព្រឹត្ដបទល្មើសដឹកជញ្ជូនផលអនុផល ព្រៃឈើគ្មានលិខិតអនុញ្ញាតពីរដ្ឋបាល ព្រៃឈើ និងនាំចេញផលអនុផលព្រៃឈើ ដែលគ្មានអាជ្ញាប័ណ្ណ ហើយត្រូវសមត្ថ កងរាជអាវុធហត្ថលើផ្ទៃប្រទេស សហការជាមួយកងរាជអាវុធហត្ថខេត្ដ និងរដ្ឋបាលព្រៃឈើធ្វើការបង្ក្រាបជាក់ ស្ដែងនោះ ត្រូវបានគេដឹងថា ម្ចាស់ឈើ ឈ្មោះយាយអ៊ិត ឡៃ កំពុងរត់ការក្នុងលិខិត ភូតភរថ្នាក់លើ ដើម្បីសុំអន្ដរាគមន៍ទៅ សាលាដំបូងខេត្ដតាកែវដើម្បីឱ្យមានការ ដោះលែងជនត្រូវចោទ និងឈើទាំងនោះ មកវិញ ។
គួររំលឹកថា កម្លាំងកងរាជអាវុធហត្ថ លើផ្ទៃប្រទេស ក្រោយពីទទួលបានព័ត៌ មានពីភ្នាក់ងារសម្ងាត់ថា មានទូកប៉ុក ចាយ១គ្រឿងលេខ A.G10864 (ទូក វៀតណាម)ជារបស់ឈ្មួញវៀតណាម ដឹកឈើប្រណីតចេញពីកំពង់ទូកក្រោម ឋិតក្នុងភូមិស្នោរ សង្កាត់រកាក្នុង ក្រុង ដូនកែវ ខេត្ដតាកែវ ឆ្ពោះទៅប្រទេស វៀតណាមនោះ នៅវេលាម៉ោង៥និង១៥ នាទីល្ងាចថ្ងៃទី២៧ ខែសីហា ឆ្នាំ២០១២ កម្លាំងកងរាជអាវុធហត្ថលើផ្ទៃប្រទេស សហការជាមួយរដ្ឋបាលព្រៃឈើ និងកងរាជ អាវុធហត្ថខេត្ដ ហើយមានការឯកភាព ពីលោក ទិន សុចិត្រា ព្រះរាជអាជ្ញារងអម សាលាដំបូងខេត្ដតាកែវផងនោះ កម្លាំង សមត្ថកិច្ចក៏បានចុះបង្ក្រាបទូកដឹកឈើ នេះនៅចំណុចភូមិព្រែកតាផ ឃុំគោកធ្លក ស្រុកអង្គរបុរី ខេត្ដតាកែវ(ជាប់ព្រំដែន កម្ពុជា-វៀតណាម) ។
ការបង្ក្រាបនេះ សមត្ថកិច្ចក៏បានឃាត់ខ្លួនជនសង្ស័យ ចំនួន៤នាក់ ១-ឈ្មោះ ត្រឹម វ៉ាងហ៊ួ ភេទ ប្រុស អាយុ៤៧ឆ្នាំ មុខរបរកម្មករលើទូក មានទីលំនៅភូមិស្នោរ សង្កាត់រកាក្នុង ក្រុងដូនកែវ ខេត្ដតាកែវ, ២-ឈ្មោះ តា ចាញ់ណាម ភេទប្រុស អាយុ២១ឆ្នាំ ជា អ្នកបើកទូក, ៣-ឈ្មោះ ជិន យ៉ាងយូ ភេទ ប្រុស អាយុ៣០ឆ្នាំ ជាអ្នកបើកទូក, ៤- វៀន ថានតាំង ភេទប្រុស អាយុ៤៣ឆ្នាំ ជាកម្មករ ដែលអ្នកទាំង៣នាក់នេះមាន ទីលំនៅភូមិសាចៅហ្វុង ឃុំវៀនតាំងចូវ ស្រុកអាងយ៉ាង ខេត្ដអាងយ៉ាង ប្រទេស វៀតណាម និងរឹបអូសបានរួមមាន ១- ទូកប៉ុកចាយ១គ្រឿង ចំណុះ៨០តោន, ២-ម៉ាស៊ីនទូក១គ្រឿងម៉ាក Yokohama ៣-ម៉ាស៊ីនបូមទឹក១គ្រឿងម៉ាក ISUZU ៤-ជ័រទឹកចំនួន១.៧៩១គីឡូក្រាម, ៥- ឈើម្រេញចំនួន៨៧,៥៩៧ម៉ែត្រគូប និង ប្រភេទឈើធ្នង់ចំនួន៨,៤៩៩ម៉ែត្រគូប ស្មើនឹង៩៦,០៩៦ម៉ែត្រគូប ដែលសម្ភារ រួមទាំងជនសង្ស័យត្រូវបានសមត្ថកិច្ច កងរាជអាវុធហត្ថប្រគល់ទៅខាងរដ្ឋបាល ព្រៃឈើខេត្ដតាកែវ និងកសាងសំណុំ រឿងតាមនីតិវិធីទៅសាលាដំបូងខេត្ដ ។
ពាក់ព័ន្ធទៅនឹងការបង្ក្រាបការដឹក ជញ្ជូនផលអនុផលព្រៃឈើគ្មានអាជ្ញា ប័ណ្ណនាំចេញ និងគ្មានលិខិតអនុញ្ញាតពី រដ្ឋបាលព្រៃឈើ ខាងជំនាញរដ្ឋបាលព្រៃ ឈើខេត្ដតាកែវបានបញ្ជាក់ឱ្យដឹងថា ជន សង្ស័យដែលបានប្រព្រឹត្ដល្មើសនឹងមាត្រា ៧៣នៃច្បាប់ស្ដីពីព្រៃឈើក្នុងកថាខណ្ឌ១ ដែលចែងថា “អាជ្ញាប័ណ្ណនាំចេញផល អនុផលព្រៃឈើ ត្រូវផ្ដល់ដោយក្រសួង ពាណិជ្ជកម្ម និងមានចុះទិដ្ឋាការដោយ ប្រធានរដ្ឋបាលព្រៃឈើជាមុន ” ដែល នេះជាអំពើល្មើសនៃច្បាប់ស្ដីពីព្រៃឈើ ដែលប្រកាសឱ្យប្រើតាមព្រះរាជក្រម លេខនស/១កម/០៨០២/០១៦ ចុះថ្ងៃ ទី៣១ខែសីហាឆ្នាំ២០០២ ។
ផ្នែករដ្ឋបាលព្រៃឈើតាកែវបាន បញ្ជាក់ទៀតថា មាត្រា៧៣នៃច្បាប់ស្ដីពី ព្រៃឈើក្នុងកថាខណ្ឌ២ ត្រូវផ្ដន្ទាទោស បទល្មើសថ្នាក់ទី២ ដែលត្រូវជាប់ពន្ធនាគារ ពី១ឆ្នាំទៅ៥ឆ្នាំ និងត្រូវផ្ដន្ទាទោសពិន័យ ជាប្រាក់ចំនួន១០លានទៅ១០០លានរៀល ហើយវត្ថុតាងទាំងអស់ត្រូវរឹបអូសមក ជាសម្បត្ដិរដ្ឋ ចំពោះជនណាដែលបាន ប្រព្រឹត្ដបទល្មើសណាមួយនាំចេញអនុ ផលព្រៃឈើគ្មានអាជ្ញាប័ណ្ណនោះ ។
បន្ទាប់ពីផ្នែករដ្ឋបាលព្រៃឈើតាកែវ បានបញ្ជូនសំណុំរឿងសម្ភារជាវត្ថុតាង ទៅសាលាដំបូងខេត្ដនោះ នៅថ្ងៃទី៣០ ខែសីហាឆ្នាំ២០១២ នាយផ្នែករដ្ឋបាល ព្រៃឈើតាកែវ ក៏បានធ្វើលិខិតមួយច្បាប់ បន្ថែមទៀតដាក់ជូនចៅក្រមស៊ើបសួរ សាលាដំបូងខេត្ដតាកែវសុំធ្វើការចោទ ប្រកាន់បន្ថែម មាត្រា៩៦ កថាខណ្ឌ១ ចំណុច២ នៃច្បាប់ស្ដីពីព្រៃឈើលើករណី សំណុំរឿងបទល្មើសព្រៃឈើ ដែលឃាត់ ចាប់នៅថ្ងៃទី២៧ខែសីហាឆ្នាំ២០១២ នៅប៉ុស្ដិ៍ចាត់ព្រែកតាផ ឃុំគោកធ្លក ស្រុកមង្គលបុរី ខេត្ដតាកែវ ដែលសមត្ថ កិច្ចកងរាជអាវុធហត្ថលើផ្ទៃប្រទេស សហការជាមួយអាជ្ញាធរមូលដ្ឋានកង រាជអាវុធហត្ថ និងមានការឯកភាពពី ព្រះរាជអាជ្ញារង ទិន សុចិត្រា នោះ ។
បើតាមការអះអាងពីសមត្ថកិច្ចកង រាជអាវុធហត្ថ តាមរយៈភ្នាក់ងារសម្ងាត់ ការដឹកជញ្ជូនឈើតាមទូកនេះ គឺឆ្ពោះ ទៅកាន់ប្រទេសវៀតណាម ក្នុងនោះសូម្បី តែទូកក៏មានស្លាកលេខសម្គាល់ ដោយ អាជ្ញាធរវៀតណាម ដែលមានលេខ A.G10864 ទៀតផង ដូច្នេះថ្មីៗនេះ បែរ ជាលេចឮព័ត៌មានថា យាយអ៊ិត ឡៃ ជា ឈ្មួញឈើដ៏ធំបានចេញមុខធ្វើលិខិតស្នើសុំអន្ដរាគមន៍ទៅថ្នាក់ដឹកនាំជាលក្ខណៈ ភូតភរ ដើម្បីសុំអន្ដរាគមន៍ទៅសាលា ដំបូងខេត្ដតាកែវឱ្យមានការដោះលែង ជនត្រូវចោទ និងយកឈើល្មើសច្បាប់ ទាំងនោះមកវិញ តាមរយៈលោកអភិបាល ខេត្ដតាកែវនៅពីក្រោយខ្នង ហើយអ្វីដែល យាយ អ៊ិត ឡៃ ដឹកឈើខុសច្បាប់ ហ៊ាន ចេញមុខធ្វើលិខិតសុំការអន្ដរាគមន៍ទៅ ថ្នាក់លើនេះ ប្រភពខ្លះបានធ្លោយឱ្យដឹង ថា ធ្វើឡើងដោយសារអភិបាលខេត្ដជា អ្នកចង្អុលបង្ហាញ ឬនៅពីក្រោយខ្នង ។
ពាក់ព័ន្ធករណីនេះ លោក ស្រី បេន អភិបាលខេត្ដតាកែវ បានប្រាប់នគរវត្ដ កាលពីរសៀលថ្ងៃទី៧ខែកញ្ញាឆ្នាំ២០១២ ថា រឿងសមត្ថកិច្ចកងរាជអាវុធហត្ថចាប់ ឈើ ខ្ញុំមិនដឹងទេ រឿងនេះសូមទៅសួរ ខាងរដ្ឋបាលព្រៃឈើនិងតុលាការខេត្ដចុះ ។
បើទោះជាឈ្មួញឈើរូបនេះកំពុងស្វះ ស្វែងរកការសុំអន្ដរាគមន៍ពីថ្នាក់លើ ក្នុងរូបភាពណាក៏ដោយ ជនត្រូវចោទ ចំនួន៤នាក់ដែលត្រូវបានចៅក្រមស៊ើប សួរសម្រេចឃុំខ្លួនបណ្ដោះអាសន្ន ដើម្បី បើកការស៊ើបអង្កេត ក្នុងនោះលោក ឡុញ ចាន់ចេតនា ចៅក្រមស៊ើបសួរ សាលាដំបូងខេត្ដតាកែវ បានឱ្យនគរវត្ដ ដឹងតាមទូរស័ព្ទថា លោកមិនទាន់បាន ដឹងនៅឡើយទេថា មានការសុំអន្ដរា គមន៍ណាមួយ ហើយលោកចៅក្រម ស៊ើបសួរបញ្ជាក់ទៀតថា បើទោះមាន ការសុំអន្ដរាគមន៍ ក៏មិនប៉ះពាល់ទៅនឹង នីតិវិធីការស៊ើបអង្កេតរបស់តុលាការ ឡើយ ព្រោះអនុវត្ដតាមនីតិវិធី ។
ម្ចាស់ឈើយាយ អ៊ិត ឡៃ នគរវត្ដមិន អាចទាក់ទងបានទេកាលពីរសៀលថ្ងៃទី៧ ខែកញ្ញាឆ្នាំ២០១២ ខណៈដែលទូរស័ព្ទ ចូលគ្មានអ្នកលើក ។
ប្រភពច្បាស់ការណ៍បានឱ្យដឹងថា កាលពីដើមខែកញ្ញាឆ្នាំ២០១២ យាយ អ៊ិត ឡៃ បានដាក់ពាក្យសុំជួយអន្ដរា គមន៍ទៅថ្នាក់លើជាច្រើនស្ថាប័នដែល លើកឡើងថា ការដឹកជញ្ជូនអនុផលព្រៃ ឈើមានលិខិតអនុញ្ញាតក្នុងការធ្វើអាជីវ កម្ម លក់ ចែកចាយផលអនុផលព្រៃឈើ ជូនប្រជាពលរដ្ឋដែលតម្រូវការទិញឈើ យកទៅធ្វើផ្ទះ ដែលជាការលើកឡើង ភូតភរទៅថ្នាក់លើដើម្បីសុំការអន្ដរា គមន៍ដោះលែងជនត្រូវចោទ និងសម្ភារ ឈើខុសច្បាប់ ប៉ុន្ដែមន្ដ្រីរដ្ឋបាលព្រៃឈើ ខេត្ដតាកែវ ក្នុងលក្ខខណ្ឌមិនបញ្ចេញ ឈ្មោះបានលើកឡើងថា ប្រសិនបើឈើ មានច្បាប់ ហេតុអីក៏គ្មានលិខិតអនុញ្ញាត ពីរដ្ឋបាលព្រៃឈើ ហើយទូកដែលជា មធ្យោបាយដឹកជញ្ជូនឈើល្មើសច្បាប់ នេះក៏ជាទូករបស់វៀតណាមដែលមាន ស្លាកលេខជាវត្ថុតាងស្រាប់ ដូច្នេះការ អន្ដរាគមន៍បែបនេះគ្រាន់តែជាការស្វែង រកផលប្រយោជន៍ណាមួយពីមន្ដ្រីដែល ពាក់ព័ន្ធក្នុងការទទួលផលប្រយោជន៍ពី ឈ្មួញ អ៊ិត ឡៃ រួចហើយក៏ជំរុញឱ្យមាន ការសុំអន្ដរាគមន៍ ដើម្បីជាការហែក ប្រយោជន៍ចែកគ្នាតែប៉ុណ្ណោះ ។ ម្យ៉ាង វិញទៀតការអន្ដរាគមន៍ជាលក្ខណៈភូតភរ នេះក៏មិនអាចប៉ះពាល់ទៅនឹងការស៊ើប អង្កេតរបស់តុលាការ ខណៈដែលតុលា ការមានឆន្ទានុសិទ្ធិឯករាជ្យ មិនឋិតក្រោម អំណាចណាមួយនោះ ៕
ប្រភពច្បាស់ការណ៍បានឱ្យដឹងថា កាលពីដើមខែកញ្ញាឆ្នាំ២០១២ យាយ អ៊ិត ឡៃ បានដាក់ពាក្យសុំជួយអន្ដរា គមន៍ទៅថ្នាក់លើជាច្រើនស្ថាប័នដែល លើកឡើងថា ការដឹកជញ្ជូនអនុផលព្រៃ ឈើមានលិខិតអនុញ្ញាតក្នុងការធ្វើអាជីវ កម្ម លក់ ចែកចាយផលអនុផលព្រៃឈើ ជូនប្រជាពលរដ្ឋដែលតម្រូវការទិញឈើ យកទៅធ្វើផ្ទះ ដែលជាការលើកឡើង ភូតភរទៅថ្នាក់លើដើម្បីសុំការអន្ដរា គមន៍ដោះលែងជនត្រូវចោទ និងសម្ភារ ឈើខុសច្បាប់ ប៉ុន្ដែមន្ដ្រីរដ្ឋបាលព្រៃឈើ ខេត្ដតាកែវ ក្នុងលក្ខខណ្ឌមិនបញ្ចេញ ឈ្មោះបានលើកឡើងថា ប្រសិនបើឈើ មានច្បាប់ ហេតុអីក៏គ្មានលិខិតអនុញ្ញាត ពីរដ្ឋបាលព្រៃឈើ ហើយទូកដែលជា មធ្យោបាយដឹកជញ្ជូនឈើល្មើសច្បាប់ នេះក៏ជាទូករបស់វៀតណាមដែលមាន ស្លាកលេខជាវត្ថុតាងស្រាប់ ដូច្នេះការ អន្ដរាគមន៍បែបនេះគ្រាន់តែជាការស្វែង រកផលប្រយោជន៍ណាមួយពីមន្ដ្រីដែល ពាក់ព័ន្ធក្នុងការទទួលផលប្រយោជន៍ពី ឈ្មួញ អ៊ិត ឡៃ រួចហើយក៏ជំរុញឱ្យមាន ការសុំអន្ដរាគមន៍ ដើម្បីជាការហែក ប្រយោជន៍ចែកគ្នាតែប៉ុណ្ណោះ ។ ម្យ៉ាង វិញទៀតការអន្ដរាគមន៍ជាលក្ខណៈភូតភរ នេះក៏មិនអាចប៉ះពាល់ទៅនឹងការស៊ើប អង្កេតរបស់តុលាការ ខណៈដែលតុលា ការមានឆន្ទានុសិទ្ធិឯករាជ្យ មិនឋិតក្រោម អំណាចណាមួយនោះ ៕
No comments:
Post a Comment
yes