ស៊ុន ឆ័យ៖ ឆ្នាំ២០១៣ គណបក្ស សង្គ្រោះជាតិ មានបទពិសោធន៏គ្រប់គ្រាន់សម្រាប់ ដោះស្រាយបញ្ហាជាតិធំៗ និងគ្មានការធ្លោះធ្លោយដូចឆ្នាំ១៩៩៣នោះឡើយ

លោក ស៊ុន ឆ័យ ប្រធានក្រុមអ្នកតំណាងរាស្រ្តគណបក្ស សម រង្ស៊ី

ប្រជាពលរដ្ឋខ្មែរគ្រប់ស្រទាប់វណ្ណៈ និងគ្រប់និន្នាការគណបក្ស​នយោបាយបាននាំគ្នាផ្ញើរក្តីសង្ឃឹម ថ្មីមកលើគណបក្ស សង្គ្រោះជាតិ ដោយសារតែពួកគាត់ទាំងអស់គ្នាយល់ឃើញថា មានតែគណ​បក្ស សង្គ្រោះជាតិ តែមួយប៉ុណ្ណោះដែលជាក្តីសង្ឃឹមចុងក្រោយបង្អស់របស់ពួកគាត់ ដើម្បីរើខ្លួន ចេញពីអំណាចដែលគ្រប់គ្រង និងដឹកនាំប្រទេសគិតតែពីផលប្រយោជន៏របស់ខ្លួន ក្រុមគ្រួសារ  និងបក្ខពួកនិយម ដោយមិនគិតពីផលប្រយោជន៏របស់ប្រជាពលរដ្ឋ និងប្រទេសជាតិ ជាធំនោះ ។

ជារៀងរាល់ថ្ងៃទាំងនៅក្នុងទីក្រុងភ្នំពេញ ក៏ដូចជានៅតាមបណ្តាភូមិ-ឃុំ-ស្រុក-ខេត្ត-ខណ្ឌ គឺ​ប្រ​ជា​ពលរដ្ឋបាននាំគ្នាមកសុំចូលរួមជាមាជិករបស់គណបក្ស សង្គ្រោះជាតិ ដែលមានលោក សម រង្ស៊ី ជាប្រធាន និងលោក កឹម សុខា ជាអនុប្រធាន និងមានអ្នកនយោបាយជើងចាស់ជាច្រើនរូប​ទៀត​ដែលនៅក្នុងជួររបស់គណបក្ស សង្គ្រោះជាតិ ។

លោក សុន ឆ័យ តំណាងរាស្រ្តរបស់គណបក្ស សម រង្ស៊ី និងទៅថ្ងៃខាងមុខដ៏ឆាប់ក៏ជាសមាជិក របស់គណបក្ស សង្គ្រោះជាតិ ផងដែរនោះ នៅក្នុងពិធីចុះជួបចំណេះសំណាលជាមួយប្រជាពល រដ្ឋដែលជាអ្នកគាំទ្រគណបក្ស សង្គ្រោះជាតិ លោកបានមានប្រសាសន៏ថា « ការតស៊ូររបស់យើង ដែលជាអ្នកស្រលាញ់ទឹកដីជាតិមាតុភូមិ គឺកំពុងតែពុះកញ្ជ្រោលមិនខុសប្លែកពីឱកាសដែលយើង​ធ្លាប់មានកាលពីឆ្នាំ១៩៩៣នោះទេ គ្រាន់តែនៅឆ្នាំ២០១៣នេះ អ្នកស្នេហាជាតិមានបទពិសោធន៏ គ្រប់គ្រាន់ដើម្បីដោះស្រាយបញ្ហាជាតិឲ្យទទួលបានជោគជ័យ ដោយមិនបណ្តោយឲ្យមានការ​ធ្លោះ​ធ្លោយដូចជាឆ្នាំ១៩៩៣នោះឡើយ » ។

លោក ស៊ុន ឆ័យ បានមានប្រសាសន៏បន្តថា « បញ្ហារបស់ប្រទេសជាតិ គណបក្ស សង្គ្រោះ​ជាតិ មិនមែនចាំតែដល់ពេលបោះឆ្នោតឈ្នះហើយ បានអង្គុយគិតធ្វើយ៉ាងណាដើម្បីជាតិនោះទេ គឺ​ចាប់​តាំងពីពេលបង្កើត ចលនាប្រជាធិបតេយ្យសង្គ្រោះជាតិ កាលពីថ្ងៃទី១៧ ខែកក្កដា ឆ្នាំ ២០​១២ នៅទីក្រុងម៉ានីល ប្រទេសហ្វីលីពីន គឺយើងបានគិតគូរួចជាស្រេចនូវកម្មវិធីនយោបាយ ដើម្បី​ដោះស្រាយបញ្ហារបស់ជាតិ ដូចជាការពុំមានការងារធ្វើរបស់ប្រជាពលរដ្ឋ និងបញ្ហាមន្រ្តីរាជ ការ ដើម្បីធ្វើការដំឡើងប្រាក់ខែជូនពួកគាត់ដើម្បីឲ្យពួកគាត់ទាំងអស់គ្នាបានរស់នៅដោយសម រម្យ ការលុបបំបាត់អំពើពុករលួយ ការគោរពសិទ្ធិមនុស្ស ការកែទម្រង់ប្រពន្ធ័យុត្តិធម៌នៅក្នុង​សង្គម លប់បំបាត់ការសម្បទានដី និងព្រៃឈើដោយខុសច្បាប់ទៅឲ្យក្រុមហ៊ុនឯកជន និងឈ្មួញ ខិលខូចជាដើម រួមជាមួយនិងការងារសំខាន់ៗមួយចំនួនទៀតដែលគណៈកម្មការរបស់គណបក្ស សង្គ្រោះជាតិ កំពុងតែចងក្រងសម្រាប់ធ្វើជាគោលនយោបាយរបស់គណបក្ស​ សង្គ្រោះជាតិ និង យកមកអនុវត្តនៅពេលដែលគណបក្ស​ សង្គ្រោះជាតិ ទទួលបានជ័យជំនះនៅក្រោយពេលបោះ ឆ្នោតជាតិនៅឆ្នាំ២០១៣ខាងមុខនេះ » ។

ប្រធានក្រុមតំណាងរាស្រ្តរបស់គណបក្ស សម រង្ស៊ី លោក ស៊ុន ឆ័យ បានមានប្រសាសន៏ទៅ​កាន់ប្រជាពលរដ្ឋដែលជាអ្នកគាំទ្រគណបក្ស សង្គ្រោះជាតិ បន្តថា « អ្វីដែលយើងកំពុងតែចង ក្រង និងធ្វើការអនុវត្តជាបណ្តើរៗនេះ គឺមិនមែនយើងធ្វើលេងសម្រាប់គ្រាន់តែជាការល្អមើល​នោះ​ទេ គឺយើងធ្វើមែនទែន ហើយយើងទាំងអស់គ្នាក៏មិនខ្លាចញញើតអ្វីដែរ បើទោះបីជាពួកអស់ លោកចង់ចោទប្រកាន់ មួលបង្កាច់ គំរាមកំហែង តាមវិទ្យុ និងទូរទស្សន៏ របស់អស់លោកក៏ដោយ

ហើយអ្វីដែលសំខាន់ គឺគណបក្ស សង្គ្រោះជាតិ ធ្វើដើម្បីប្រទេសជាតិ និងប្រជាពលរដ្ឋ ។ លោក ស៊ុន ឆ័យ បានមានប្រសាសន៏បន្តថា លោកក៏សុំឲ្យគណៈកម្មាធិការជាតិរៀបចំការបោះឆ្នោត​ឈរ​លើគោលជំហ៊រយុត្តិធម៌ និងអព្យាក្រឹត្ត តាមអង្គការសហប្រជាតិ និងសហគមន៏អ៊ឺរ៉ុប ដែលគេ​បានឲ្យយោ​បល់ កុំឲ្យតែថាគណបក្សប្រឆាំងចេះតែរករឿងនោះ ។ លោកថា ការបោះ ឆ្នោតម្តងៗ​ដែលរៀបចំឡើងដោយគណៈកម្មាធិការជាតិរៀបចំការបោះឆ្នោត ដែលមានលោក អ៊ឹម សួស្តី ​ជា​ប្រធាន និងលោក ទេព នីថា​ ជាអគ្គលេខាធិការ គឺតែងតែបង្ករការលំបាកគ្រប់បែបយ៉ាងដល់បង​ប្អូនប្រជាពលរដ្ឋដែលជាម្ចាស់ឆ្នោត ហើយជាមួយគ្នានោះមន្រ្តីរាជការដែលជាមន្រ្តីរបស់ជាតិ​ ត្រូវ​បានពួកគេ ​យកទៅបំរើឲ្យធ្វើការឃោសនាសម្រាប់រកសម្លេងឆ្នោតមកឲ្យគណបក្សកាន់​អំណាច​សព្វថ្ងៃ រួមជាមួយនិងការដើរទិញទឹកចិត្តរបស់ប្រជាពលរដ្ឋ ការបំភិតបំភ័យ និងគំរាមកំហែង​ប្រ​ជា​ពលរដ្ឋដែលមិនមាននិន្នាការគាំទ្រគណបក្សរបស់ខ្លួន ឲ្យបោះឆ្នោតឲ្យគណ​បក្សខ្លួនដែលទង្វើ​បែបនេះគឺខុសទៅនិងច្បាប់ទាំងស្រុង ហើយវាក៏ផ្ទុយទៅនិងឆន្ទះរបស់ប្រជាពលរដ្ឋផងដែរ » ។

លោក ស៊ុន ឆ័យ បានមានប្រសាសន៏ជំរាបជូនទៅប្រជាពលរដ្ឋដែលមកពីគ្រប់គណបក្សនយោ បាយផ្សេងៗដែលបានមកចូលរួមជាមួយនិងគណបក្ស សង្គ្រោះជាតិ ថា « ចាប់ពីពេលនេះតទៅ គណបក្សកាន់អំណាចគឺមិនអាចធ្វើអ្វីបានស្រេចតែអំពើចិត្តរបស់ខ្លួនជាបន្តទៀតនោះទេ ព្រោះ​ប្រជាពលរដ្ឋលោកបានដឹងអស់ហើយនូវកលល្បិចដ៏ខ្មៅកខ្វក់របស់គណបក្សប្រជាជននោះ ហើយ​នៅឆ្នាំ២០១៣ ពិតណាស់គណបក្ស សង្គ្រោះជាតិ និងទទួលបានជ័យជំនះជូនជាតិ មាតុ​ភូមិ និងប្រជាពលរដ្ឋខ្មែរយើងទាំងអស់គ្នា ។ លោក ស៊ុន ឆ័យ បានមានប្រសាសន៏បន្តថា យើង​មិនលក់នូវឧត្តមគតិរបស់យើង ហើយយើងក៏មិនធ្វើការបំរើបរទេស ហើយអ្វីដែលសំខាន់ គឺ​យើងមិនអាចបំភ្លេចបានឡើយនូវគុណនូបការៈបុព្វបុរស អ្នកស្នេហាជាតិ រួមជាមួយនិងមន្រ្តី រាជការ គ្រូបង្រៀន និងកងកម្លាំងប្រដាប់អាវុធដែលខិតខំបំពេញបេសកកម្មការងារការពារជាតិ និង​ការពារបូរណភាពទឹកដីរបស់យើង គឺយើងមិនដែលភ្លេចម្តងណាឡើយ ហើយមិនដូចអ្វីដែល ពួកគេបានចោទប្រកាន់មកលើយើងថាគិតតែខាងកើតហើយភ្លេចខាងលិចនោះទេ ដែលនេះ​គឺ​ជា​ការបំភ្លើសទៅនិងការពិតទាំងស្រុង ។ លោកថា  សូមកុំឲ្យតែកងកម្លាំងរបស់យើងទៅការពារ​ខាង​លិចហើយពេលមកដល់ផ្ទះវិញគេរុះរើ ផ្ទះសម្បែង ហើយយកដីធ្លីបាត់ទៅនោះបានហើយ » ។

នៅក្នុងពិធីចុះជួបសំណេះសំណាលជាមួយប្រជាពលរដ្ឋដែលជាអ្នកគាំទ្រគណបក្ស សង្គ្រោះ​ជាតិ លោក ស៊ុន ឆ័យ ក៏បានសម្តែងការកោតសរសើដល់ប្រជាពលរដ្ឋទាំងអស់ ដែលមានឧត្តម គតិខ្ពស់គិតពីជាតិ មាតុភូមិរបស់យើង ហើយបាននាំគ្នាមកចូលរួមជាមួយនិងគណបក្ស សង្គ្រោះ​ជាតិ លោកថា « ការដែលបងប្អូនមកចូលរួមជាមួយនិងគណបក្ស សង្គ្រោះជាតិ នៅពេល​នេះគឺ​មិន​មែនជាការចៃដន្យនោះទេ គឺបងប្អូន​បានបំពេញកាតព្វកិច្ចជាពលរដ្ឋក្នុងការចូលរួម​ការពារ​ប្រយោជន៏​ជាតិ និងការពារប្រយោជន៏​របស់បងប្អូនខ្លួនឯផ្ទាល់ ហើយការចូលរួមរបស់បងប្អូន​ទាំង​អស់គ្នាទាំងនៅរាជធានី ទាំងតាមបណ្តា ភូមិ-ឃុំ-ស្រុក-ខេត្ត-ខណ្ឌ គឺបង្ហាញចេញ​យ៉ាងជាក់​ស្តែង ថាសេចក្តីសង្ឃឹមរបស់ជាតិយើង និងមិនសាបសូន្យនោះទេ ដូចអ្វីដែលលោក សម រង្ស៊ី បាន​រំលឹកយ៉ាងអញ្ចឹង គឺយុត្តិធម៌នៅតែឈ្នះលើ អំពើអយុត្តិធម៌ជានិច្ច ហើយ ចលនាប្រជាធិប​តេយ្យ​សង្គ្រោះជាតិ ដែលគណបក្ស​ សម រង្ស៊ី និង គណបក្ស សិទ្ធិមនុស្ស បានបង្កើត​ឡើងមិន​មែនជាចលនាចុះចូលពីអ្នកណាទៅអ្នកណានោះទេ គឺជាចលនារួបរួមគ្នាទាំងអស់​របស់យើង​គ្រប់​គ្នា ដើម្បីប្រមូលកម្លាំងវាយរំលំគណបក្សដែលកាន់​អំណាសព្វថ្ងៃ ដែលធ្វើឲ្យរាស្រ្ត និង​ប្រ​ទេសជាតិរងទុក្ខឥតស្រាកស្រាន្តនោះ គឺតាមរយៈការបោះ​ឆ្នោតនៅឆ្នាំ២០១៣ខាងមុខនេះ ដើម្បី​យើងរៀបចំប្រទេសរបស់យើងឡើងវិញ ដោយផ្តល់នូវការរស់នៅថ្មីជូនប្រជាពលរដ្ឋ​ឲ្យ​មាន​ជីវ​ភាពសមរម្យ និងមានការងារធ្វើគ្រប់គ្នា ឲ្យមានការគោរពសិទ្ធិមនុស្ស ដើម្បីឲ្យសមទៅ​និងប្រ​ទេស​ដែលប្រកាន់យករបបលិទ្ធិប្រជាធិបតេយ្យ ហើយប្រព័ន្ធយុត្តិធម៌ គឺត្រូវតែឯករាជ្យពិត​ប្រា​កដ និងគ្មានអំពើពុករលួយនៅក្នុងសង្គមនោះឡើយ » ។

ជាការពិតការគ្រប់គ្រងប្រទេសដោយអ្នកប្រជាធិបតេយ្យ និងនាំមកនូវអ្វីដែលថ្មីជូនប្រជាពលរដ្ឋ និងប្រទេសជាតិ ហើយប្រជាពលរដ្ឋគ្រប់រូបគឺមានសិទ្ធិស្មើរគ្នាចំពោះមុខច្បាប់ ជាមួយគ្នានោះ​ប្រ​ជា​ពល​រដ្ឋ គឺមានសិទ្ធិក្នុងការទំលាក់ថ្នាក់ដឹកនាំរបស់ខ្លួន ដែលធ្វើការមិនបំរើរាស្រ្ត និងប្រទេស​ជាតិ​នោះ ។ ដូចនេះដើម្បីឲ្យប្រទេសជាតិរបស់យើង ទទួលបាននូវអ្វីៗទាំងអស់នេះ​សូមប្រជា​ពល​រដ្ឋខ្មែរទាំងអស់គ្នា ចូលរួមជាមួយនិងគណបក្ស​ សង្គ្រោះជាតិ ហើយបោះឆ្នោតជូនគណបក្ស សង្គ្រោះជាតិ នៅថ្ងៃអាទិត្យ ទី២៨ ខែកក្កដា ឆ្នាំ២០១៣ ឲ្យបានគ្រប់ៗគ្នា ។ គណបក្ស​ សង្គ្រោះ ជាតិ គឺជាក្តីសង្ឃឹម តែមួយគត់ និងចុងក្រោយបង្អស់របស់ប្រជាពលរដ្ឋខ្មែរ ៕