ភ្នំពេញ ៖ នៅវេលាម៉ោង១២និង៤០នាទីរសៀលថ្ងៃទី១៤ ខែកញ្ញា ឆ្នាំ២០១២ សមត្ថកិច្ចចម្រុះរបស់ក្រសួងមហាផ្ទៃ ដឹកនាំដោយព្រះរាជអាជ្ញារង គឺ ប៊ុណ្ណារ៉ា និងលោកវរសេនីយ៍ត្រី អ៊ុំ វណ្ណា អនុប្រធានការិយាល័យនៃនាយកដ្ឋានប្រឆាំងបទល្មើសសេដ្ឋកិច្ច ក្រសួងមហាផ្ទៃ បានចុះទៅឆែកឆេរផ្ទះលាក់ឈើមួយកន្លែង ឋិតនៅផ្ទះលេខ២ ផ្លូវ៥៤៦ ក្រុម៣៤ ភូមិ៩ សង្កាត់បឹងកក់១ ខណ្ឌទួលគោក ដែលជាកម្មសិទ្ធិរបស់លោកវរសេនីយ៍ត្រី ប៊ុន រ៉ាវុធ ជាមន្ដ្រីនគរបាល ក្រសួងមហាផ្ទៃ ។
ក្នុងការចុះឆែកឆេរនៅគេហដ្ឋានខាងលើនេះ សមត្ថកិច្ចបានឱ្យដឹងថា បានរកឃើញឈើប្រណីតមួយចំនួនត្រូវបានគេ ដាក់ក្នុងអាងទឹក មួយចំនួននៅក្នុងផ្ទះ និងមួយចំនួនទៀតនៅមុខផ្ទះ ។ មកដល់ពេលនេះសមត្ថកិច្ចមិនទាន់បានសន្និដ្ឋាន ចំនួនឈើដែលត្រូវម្ចាស់ផ្ទះលាក់ទុកខុសច្បាប់មានចំនួនប៉ុន្មានម៉ែត្រគូបនៅឡើយទេ ព្រោះកំពុងធ្វើការវាស់វែងនៅ ឡើយ ។ អ្វីដែលគួរឱ្យកត់សម្គាល់នោះ គឺឈើដែលម្ចាស់ផ្ទះលាក់ទុកនោះ គឺជាឈើប្រណីតល្អៗ មានទំហំធំៗដូចជា លាក់ក្នុងអាងមានចំនួន២ដើម លាក់ក្នុងផ្ទះ១ដើម និងក្រៅផ្ទះ១ដើម ៕
No comments:
Post a Comment
yes