លោក រ៉ុង ឈុន ប្រធានសហភាពសហជីពកម្ពុជាបាននិយាយថា លោកត្រៀមខ្លួនជាស្រេចហើយក្នុងការចូលទៅបំភ្លឺតុលាការខេត្តកណ្តាលនៅថ្ងៃទី២៧ កញ្ញា ស្អែកនេះ ចំពោះបណ្តឹងរបស់ថៅកែរោងចក្រតៃយ៉ាងនោះ។
ប្រធានសហភាពសហជីពកម្ពុជាដែលបានដឹកនាំកម្មកររោងចក្រតៃយ៉ាងធ្វើកូដកម្មជាច្រើនសប្តាហ៍ដើម្បីទាមទារលក្ខខណ្ឌការងារចំនួន៥ចំណុចរូបនេះ បានអះអាងថា លោកគ្មានកំហុសទេ ហើយអ្វីដែលលោកបានធ្វើ គឺដើម្បីឆ្លើយតបទៅនឹងការស្នើរបស់កម្មករ-កម្មការិនីតែប៉ុណ្ណោះ។ ព្រោះថា សហជីពធ្វើអ្វីគ្រប់យ៉ាងដើម្បីផលប្រយោជន៍បងប្អូនកម្មករ។
ប៉ុន្តែយ៉ាងណាក៏ដោយនៅព្រឹថ្ងៃពុធនេះសហភាពសហជីពកម្ពុជាបានធ្វើការអំពាវនាវរកអន្តរាគមន៏ពីអង្គការនានាដែលស្រលាញសេរីភាពបញ្ចេញមតិធ្វើយ៉ាងណាឲ្យថៅកែរោងចក្រតៃណានទម្លាក់ចោលពាក្យបណ្ដឹងរបស់ខ្លួន ។ គឺជាអ្វីដែលត្រូវបានសហជីពនេះលើកឡើងថាពាក្យបណ្ដឹងនោះមានចរិតគាបសង្កត់លើសេរីភាពបញ្ចេញមតិ ។
គួររំលឹកថា លោក រ៉ុង ឈុន ប្រធានសហភាពសហជីពកម្ពុជា និងជាប្រធានសមាគមគ្រូបង្រៀនកម្ពុជាឯករាជ្យ ត្រូវបានតុលាការខេត្តកណ្តាលធ្វើការកោះហៅចំនួនពីរដងហើយ ចំពោះបណ្តឹងរបស់ថៅកែរោងចក្រតៃយ៉ាង ពីបទញុះញង់ឲ្យកម្មករធ្វើកូដកម្មដោយខុសច្បាប់ និងបទបរិហារកេរ្តិ៍ជាសាធារណៈ៕
No comments:
Post a Comment
yes