បានធ្វើឲ្យមនុស្សគ្រប់មជ្ឈដ្ឋានទាំងក្នុង និងក្រៅប្រទេសចងចាំមិនភ្លេច នូវសោភ័ណ្ឌភាពមាត់ឆ្នេរ ដែលមានខ្សាច់រំលេចដោយពណ៌ស ហើយក៏បានឈរគយគន់មើលទេសភាពគ្របដណ្តប់ដោយភ្នំ មានដើមឈើផ្តល់ម្លប់យ៉ាងត្រជាក់ចិត្ត។
ជាមួយនឹងភាពសប្បាយរីករាយនេះដែរ យើងក៏មិនអាចភ្លេចនូវអាហារជាគ្រឿងសមុទ្រ ពោរពេញទៅដោយឱជារស ដូចជា ក្តាមសេះ មឹកអាំង បង្គា និងត្រី សមុទ្រជាច្រើនប្រភេទ ដែលសុទ្ធតែផ្តល់ថាមពលដល់រាងកាយផងដែរ។
នេះ ជាកក្តាមួយ កាន់តែធ្វើឲ្យខេត្តកែប មានភាពរីកចំរើនទៅមុខជាលំដាប់ក្រោមកិច្ចខិតខំស្តារ និងអភិវឌ្ឈន៍របស់អាជ្ញាធរ ខេត្តកែប ចាស់ រហូតដល់អភិបាលខេត្តកែបនាពេលបច្ចុប្បន្ន ដោយគេសង្ឃឹមថា ក្នុងថ្ងៃអនាគត ខេត្តដ៏តូចច្រឡឹងមួយនេះ និងក្លាយជាខេត្តទេសចរណ៍ពណ៌បៃតង ព្រោះតែមានការជម្រុញវិស័យដាំដើមឈើជាបន្តបន្ទាប់នោះ។
ហើយនាពេលខាងមុខនេះ ខេត្តកែប និងមានពិធីបុណ្យដ៏ធំមួយ ដែលពីមុនមិនធ្លាប់មាន គឺជាបុណ្យសមុទ្រ ដោយការរៀបចំបុណ្យនេះ ស្របពេលខេត្តកែប ត្រូវបានដាក់បញ្ចូលជាឆ្នេរស្អាតដាច់គេនៅលើពិភពលោកផងដែរ។
ចំពោះបុណ្យសមុទ្រនេះ និងត្រូវរៀបចំឡើងយ៉ាងអធឹកអធម នៅមាត់ឆ្នេរសមុទ្រ ខេត្តកែប រយៈពេល៣ថ្ងៃ គឺចាប់ពីថ្ងៃទី២៩ រហូតដល់ថ្ងៃទី៣១ ខែធ្នូ ឆ្នាំ២០១២ ។ នេះចាត់ទុកជាការជូនដំណឹងដល់បងប្អូនប្រជាពលរដ្ឋគ្រប់មជ្ឈដ្ឋានទូទាំងប្រទេស ពិសេសភ្ញៀវជាតិ និងអន្តរជាតិទាំងជិតឆ្ងាយ សូមអញ្ជើញចូលរួមពិធីបុណ្យសមុទ្រ ដែលធ្វើឡើងតាមការកំណត់ខាងលើ នៅក្នុងតំបន់ទេសចរណ៍ ខេត្តកែប នាពេលខាងមុខនេះ៕
No comments:
Post a Comment
yes