នាង ហេង ដាលីស
កាលពីថ្ងៃទី១៩-២០ ខែកញ្ញា បណ្តាញសារព័ត៌មាន និងទូរទស្សន៍មួយចំនួនបានរាយការណ៍ថា អតីតតារាសម្តែង ហេង ដាលីស ដែលបានរៀបការ ប្ដីទៅរស់នៅអាមេរិកហើយនោះ ត្រូវបានសមត្ថកិច្ចឃាត់ខ្លួនជាមួយម្ចាស់ហាងកែសម្រស់មីកាសាពាក់ព័ន្ធនឹងរឿងជួញដូរផ្លូវភេទ ។ ហេង ដាលីស បានបន្តបទសម្ភាសន៍ពីសហរដ្ឋអាមេរិក ជាមួយទស្សនាដ្ដីក្នុងស្រុក ដោយបានធ្វើការបដិសេធចោលទាំងស្រុង។
ហេង ដាលីស បានអះអាងថា ខ្ញុំមិនដែលបានធ្វើអីចឹងសោះ និងម្យ៉ាងទៀតខ្ញុំអត់ដែលស្គាល់ម្ចាស់ហាងមីកាសាទេ។ ប្រហែលជា៥ឆ្នាំមុន ខ្ញុំធ្លាប់ទៅកាត់សក់កន្លែងគាត់បានតែម្តងគត់ ព្រោះគេល្បីថា តារាៗទៅច្រើន។ តាំងពីនោះមកអត់បានចូលទៀតទេ ហើយខ្ញុំមិនដែលស្គាល់គាត់ទេ ដល់ពេលឮអីចឹង ខ្ញុំហួសចិត្តមែនទែន ព្រោះដែលទៅធ្វើអីចឹងទាល់តែសោះ។
ខ្ញុំទើបមករស់នៅអាមេរិក បានជិត៣ឆ្នាំប៉ុណ្ណោះ មានទៅស្គាល់អីពីណាច្រើន គឺអត់ទេ ខ្ញុំរស់តែជាមួយក្រុមគ្រួសារ ប្ដីប្រពន្ធ និងកូនមួយតែបីហ្នឹងគត់។ ក្រៅពីហ្នឹងអត់ដែលបានស្គាល់ពីណាទេ តាំងពីរៀបការហើយ ទើបបានទៅលេងស្រុកខ្មែរ តែពីរដងទេគឺឆ្នាំ២០១០និងឆ្នាំ២០១១ ខ្ញុំគ្រាន់តែឮ គឺរឹតតែភ្ញាក់ផ្អើលទៅទៀតថា មិនដឹង និយាយថាម៉េចទេ ពិសេសឆ្ងល់នឹងអ្នក និយាយថា ហេតុអីបានជានិយាយអីចឹងដាក់ខ្ញុំទៅវិញ ព្រោះថាខ្ញុំអត់ដែលធ្វើអីចឹង។ ម្យ៉ាងទៀតជារឿងមិនអាចទៅរួច។ ខ្ញុំអត់ដែលស្គាល់គ្នាទាក់ទងជាមួយម្ចាស់ហាងមីកាសាទេ គឺអត់សោះ យ៉ាងម៉េចបានជាគេយល់ច្រឡំ។ ខ្ញុំនឹកស្មានមិនដល់ គឺរឹតតែហួសចិត្តចង់ប្រាប់ថា វាមិនមែនជារឿងពិតទេ ហើយសូមឲ្យសមត្ថកិច្ចស៊ើបអង្កេតឲ្យបានច្បាប់លាស់ ឈ្មោះ ហេង ដាលីស និងមួយណា ? កុំឲ្យគេចេះតែម៉ៃមកច្រឡំខ្ញុំទៀត។ សូមប្រជាជនកុំមានការយល់ច្រឡំថា ខ្ញុំធ្វើអីចឹងទៀត គឺខ្ញុំផ្ទាល់អត់ដែលបានប្រព្រឹត្តអីចឹងទេ ពិសេសខ្ញុំចង់ បញ្ជាក់ថា ខ្ញុំអត់ដែលស្គាល់គាត់ម្ចាស់ហាងមីកាសាហ្នឹងសោះ គឺតាំងពីចូលសិល្បៈ នឹងរៀបការហើយនេះ ខ្ញុំអត់ដែល បានធ្វើអីខុសហ្នឹងច្បាប់ទេ។
គួរបញ្ជាក់ថា កាលពីវេលម៉ោងប្រមាណ៥ល្ងាចថ្ងៃទី១៩ កញ្ញា ២០១២ សមត្ថកិច្ចប៉េអឹមបានឃាត់ខ្លួនអ្នកស្រី ចាន់ ស្រីណុច ហៅមុំ ម្ចាស់ហាងមីកាសា ខណៈកំពុងអង្គុយរង់ចាំភ្ញៀវដើម្បីនាំស្រីក្មេងមកលក់ខ្លួនឲ្យបុរសអ្នកមានលុយ បន្ទាប់មកសមត្ថកិច្ចក៏ឈានទៅឃាត់ខ្លួនអ្នកពាក់ព័ន្ធនឹងអំពើជួញដូរផ្លូវភេទមួយចំនួនទៀត នៅផ្ទះសំណាក់ និងភោជនីដ្ឋានបីផ្សេងគ្នា ហើយ ក្នុងនោះ ក៏មាននារីម្នាក់ ឈ្មោះ ហេង ដាលីស អាយុ២៣ឆ្នាំ មុខរបរអ៊ុតសក់មានលំនៅផ្ទះលេខ១១៧ សង្កាត់ផ្សារចាស់ ខណ្ឌដូនពេញរាជធានីភ្នំពេញ។ គឺនារីនេះ ហើយដែលនាំឲ្យមានបណ្តាញផ្សព្វផ្សាយព័ត៌មានខ្លះច្រឡំថា ហេង ដាលីស អតីតតារាចម្រៀងខ្មែរ ដែលបានរៀបការ ប្ដីទៅរស់នៅឯសហរដ្ឋអាមេរិកទៅហើយនោះ ដោយសារឈ្មោះដូចគ្នា៕
No comments:
Post a Comment
yes