អាសេរ៉ូ រូប្រា (Aseroe Rubra) ជាផ្កាផ្សិតសម្រស់ស្រស់ តែក្លិនស្អុយ មានដុះនៅជួរភ្នំក្រវាញ
ភ្នំពេញ: អាសេរ៉ូ រូប្រា (Aseroe Rubra) ដែលគេស្គាល់ថា ជាប្រភេទរុក្ខជាតិផ្សិតម្យ៉ាង ដែលពេលវារីកមានសម្រស់ស្រស់ ប៉ុន្តែក្លិនរបស់វាស្អុយ គឺគេធ្លាប់រកឃើញដុះនៅក្នុងទឹកដីនៃ ឃ្លាំងជីវសាស្ត្រចម្រុះនៅកម្ពុជា។
វត្តមានរបស់ អាសេរ៉ូ រូប្រា នេះនៅកម្ពុជា ត្រូវបានគេរកឃើញនិងកត់ត្រានៅក្នុងបញ្ជីរុក្ខជាតិអម្បូរផ្សិត ដោយអង្គការសត្វ និង រុក្ខជាតិអន្តរជាតិ។
វត្តមានរបស់វា ត្រូវបានអ្នកស្រាវជ្រាវនៅក្នុងអង្គការអភិរក្សខាងលើបានផ្តិតយកពីកន្លែងដំណុះធម្មជាតិរបស់វា នាដែនអភិរក្សនៅជួរភ្នំក្រវាញ ដែលគេចាត់ទុកថា ជាឃ្លាំងនៃពពួកជីវៈចម្រុះ និងសត្វព្រៃប្លែកៗ ព្រមទាំងសត្វដែលកម្រជិតផុតពូជជាច្រើនប្រភេទ។
វត្តមានរបស់ អាសេរ៉ូ រូប្រា នេះនៅកម្ពុជា ត្រូវបានគេរកឃើញនិងកត់ត្រានៅក្នុងបញ្ជីរុក្ខជាតិអម្បូរផ្សិត ដោយអង្គការសត្វ និង រុក្ខជាតិអន្តរជាតិ។
វត្តមានរបស់វា ត្រូវបានអ្នកស្រាវជ្រាវនៅក្នុងអង្គការអភិរក្សខាងលើបានផ្តិតយកពីកន្លែងដំណុះធម្មជាតិរបស់វា នាដែនអភិរក្សនៅជួរភ្នំក្រវាញ ដែលគេចាត់ទុកថា ជាឃ្លាំងនៃពពួកជីវៈចម្រុះ និងសត្វព្រៃប្លែកៗ ព្រមទាំងសត្វដែលកម្រជិតផុតពូជជាច្រើនប្រភេទ។
អេស្តេរ៉ូ រូប្រា ដែលជាប្រភេទរុក្ខជាតិអម្បូរផ្សិត ដែលពេលវារីកមានសណ្ឋានដូចជា សត្វផ្កាយសមុទ្រ ហើយមានក្លិនស្អុយ ត្រូវបានគេកត់ត្រានៅក្នុងប្រទេសកម្ពុជាកាលពីរង្វង់ ឆ្នាំ២០១០កន្លងទៅ។
តាមឯកសា អេស្តេរ៉ូ រូប្រា ត្រូវបានគេកត់ត្រាដំបូងថាជាអម្បូរផ្សិតដែលមានដំណុះ នៅក្នុងប្រទេសអូស្រា្តលី។ វាត្រូវបានរកឃើញនិងកត់ត្រាដំបូងដោយលោក ហ្សាក ឡាប៊ីលីយ៉ាឌីយែ (Jacques Labillardire ) ជាអ្នករុក្ខសាស្ត្រជនជាតិបារាំងនាតំបន់ តាស្មានៀ (Tasmania) កាលពីឆ្នាំ១៨០០មកម្ល៉េះ។
ប្រភពដដែលបានឲ្យដឹងថា វាគឺជាប្រភេទរុក្ខជាតិផ្សិតដែលអាចនឹងដុះធំធាត់ មានកម្ពស់ប្រមាណជា១០សង់ទីម៉ែត្រដែរ។ នៅពេលដែលវាធំ វារីកមានសណ្ឋានដូចជា សត្វផ្កាយសមុទ្រ ដោយមានកាំពី ៦ទៅដល់ ១០ ហើយកាំនីមួយៗពណ៌ក្រហមស្រស់អាចរីកមានប្រវែងប្រមាណជា ៣,៥សង់ទីម៉ែត្រដែរ។
នៅកម្ពុជា ដូចជានៅមិនទាន់មានឯកសារដែលសរសេរអំពីការរីកលូតលាស់នៃប្រភេទរុក្ខជាតិនេះ ត្រូវបានគេផ្សព្វផ្សាយលំអិតនៅឡើយទេ គេគ្រាន់តែដឹងថា វាត្រូវបានគេរកឃើញដុះនៅតំបន់ដែលអង្គការនោះបានកំពុងតែអភិរក្សតែប៉ុណ្ណោះ៕
No comments:
Post a Comment
yes