ក្រុងញូវយ៉កៈ រដ្ឋមន្រ្តីការបរទេសអាមេរិក លោកស្រី ហ៊ីឡារី គ្លីនតុន បានប្រាប់ប្រធានាធិបតីមីយ៉ាន់ម៉ាលោក ថេន សេន កាលពីថ្ងៃព្រហស្បតិ៍ថា អាមេរិក នឹងចាត់វិធានការដើម្បីបន្ធូរបន្ធយបម្រាមអាមេរិកលើការនាំចូលពីប្រទេសនេះ ដែលជាជាសម្បទានដ៏ធំមួយដល់ប្រទេសអាស៊ីភាគអាគ្នេយ៍នេះ ខណៈខ្លួនបានងើបចេញពីភាពឯកោខាងនយោបាយ និងសេដ្ឋកិច្ចអស់ពេលជាច្រើនឆ្នាំ។
នៅក្នុងកិច្ចប្រជុំមួយក្រៅសន្និបាតអ.ស.ប.នៅបុរីញុវយ៉ក លោកស្រីហ៊ីឡារី បានជម្រាប លោកថេន សេនថា៖ «ជាការទទួលស្គាល់ពីការវិវត្តន៍ជាបន្តបន្ទាប់ឆ្ពោះទៅរកកំណែទម្រង់ និងជាការឆ្លើយតបនឹងសំណើពីរដ្ឋាភិបាលផង និងបក្សប្រឆាំងផង អាមេរិក នឹងចាត់វិធានការបន្ទាប់ ក្នុងការធ្វើឲ្យមានប្រក្រតីឡើងវិញនូវទំនាក់ទំនងពាណិជ្ជកម្មរបស់យើង»។
លោកស្រី បានបន្តថា៖«យើងនឹងចាប់ផ្តើមដំណើរការនៃការបន្ធូរបន្ថយការរឹតបន្តឹងលើការ នាំចូលទំនិញមីយ៉ាន់ម៉ាមកអាមេរិក។ យើង សង្ឃឺមថា រឿងនេះនឹងផ្តល់ឱកាសច្រើនថែមទៀតសម្រាប់ពលរដ្ឋរបស់លោក ដើម្បីលក់ទំនិញចូលក្នុងទីផ្សាររបស់យើង»។
No comments:
Post a Comment
yes