ក្រុងញូវយ៉ក/ប៉េកាំងៈ បន្ទាប់ពីរដ្ឋមន្រ្តីការបរទេសចិន បានប្រកាសទាំងកំហឹងថា ប្រជុំកោះនោះ ជាទឹកដីពិសិដ្ឋមក នាយករដ្ឋមន្រ្តីជប៉ុនលោកយូស៊ីហ៊ីកូ ណូដា បានអះអាងកាលពីថ្ងៃព្រហស្បតិ៍ថា ជប៉ុន នឹងមិនសម្រុះសម្រួលលើបញ្ហាប្រជុំកោះ នៅចំបេះដូងនៃជម្លោះជាមួយចិនទេ ខណៈក្រុងតូក្យូ មានអធិបតេយ្យភាពលើប្រជុំកោះទាំងនោះរួចហើយ។
និយាយដល់ប្រជុំកោះថ្ម ដែលចិនហៅថាកោះឌាវយូ ក្នុងជម្លោះជូរចត់មួយរវាងប្រទេសសេដ្ឋកិច្ចធំបំផុតពីរនៅអាស៊ី លោកណូដា បានថ្លែងថា៖«សម្រាបប្រជុំកោះ សេនកាគូ វាគឺជាផ្នែកជាប់ជាមួយនឹងទឹកដីរបស់យើងបើនិយាយពីប្រវត្តិសាស្រ្ត ហើយក៏នៅក្រោមច្បាប់អន្តរជាតិផងដែរ។
បន្ទាប់ពីចូលរួមមហាសន្និបាតអ.ស.ប.លោក បានប្រាប់សន្និ សីទកាសែតថា៖ «មិនមានបញ្ហាទឹកដីបែបនេះទេ។ ដូច្នេះហើយ ក៏មិនអាចមានការសម្រុះសម្រួលណាមួយដែលជាតំណាងឲ្យការដកថយពីជំហរនេះទេ»។
No comments:
Post a Comment
yes