នាង គីគី កូនស្រីមហាសេដ្ឋីហុងកុង
សារព័ត៌មានបរទេសផ្សាយថា នាងគីគី ឆាវ កូនស្រីរបស់លោកសេសីុល ឆាវ មហាសេដ្ឋីហុងកុង បានឱ្យដឹងថា បច្ចុប្បន្ននាងកំពុងជួបបញ្ហាស្មុគស្មាញក្នុងការទទួលសំណើយ៉ាងច្រើន រួមទាំងរូបថតអាសអាភាសរបស់បុរសដែលស្នើសុំចែចូវ តាមសំណើរបស់ឪពុកនាងដែលថានឹងផ្តល់ប្រាក់៦៥លានដុល្លារដល់បុរសដែលអាចបញ្ចុះបញ្ចូលនាងឱ្យស្រឡាញ់រូបគេបាននោះ ។
មានបុរសជាង១.៥០០នាក់ ដាក់ពាក្យសុំចែចូវតាមរយៈគេហទំព័រ ដោយនាងបញ្ជាក់ថា សំណើដ៏ច្រើនសន្ធឹកសន្ធាប់បែបនេះមិនអាចធ្វើឱ្យនាងពិចារណាបាន និងមិនដឹងថានឹងចាប់ផ្តើមបែបណាទេ ? សំណើទាំងឡាយ រួមទាំងរូបថតស្រាតពីបណ្តាបុរស និងស្ថានភាពហិរញ្ញវត្ថុរបស់ពួកគេ មកពីទូទាំងពិភពលោក រួមមាននីហ្សេរីយ៉ា ឥណ្ឌា តួកគី ប៊ុលហ្គារី និងរដ្ឋអូក្លាហូម៉ា សហរដ្ឋអាមេរិក ។
នាងគីគី បញ្ជាក់ថា ទោះបីជាត្រូវជួបនឹងរឿងរ៉ាវដ៏តប់ប្រមល់បែបនេះក៏ដោយ ក៏ធ្វើឱ្យនាងបានជ្រួតជ្រាបពីទឹកចិត្តរបស់ឪពុក ដែលយកចិត្តទុកដាក់មកលើខ្លួន ។ នាងមានអារម្មណ៍ថាខ្លួនមានសំណាងណាស់ដែលមានឪពុកគួរឱ្យស្រឡាញ់បែបនេះ ។
នាងគីគី និយាយថា «ខ្ញុំស្រឡាញ់គោរពឪពុក ។ គាត់និងខ្ញុំមានសម្ព័ន្ធភាពល្អ មិនមែនមានន័យថា គាត់មិនទទួលស្គាល់ខ្ញុំទេ គ្រាន់តែគាត់មិនអាចទទួលយកទស្សនៈពីមជ្ឈដ្ឋានទូទៅ ដែលមើលឃើញថា នាងខ្ញុំមិនបានរៀបការជាមួយបុរសដូចនារីទូទៅ» ៕
No comments:
Post a Comment
yes