ប្រជាពលរដ្ឋកម្ពុជា ទាំងក្មេង ទាំងចាស់ប្រមាណ ១សែននាក់ កំពុងត្រៀមដង្ហែព្រះបរមសពសម្តេចតា ព្រះករុណាសម្តេច ព្រះ នរោត្តម សីហនុ ចាប់ពីព្រលានយន្តហោះពោធិ៍ចិនតុង រហូតដល់ព្រះបរមរាជវាំង។
រហូតមកដល់ពេលនេះ តាមសេចក្តីរាយការណ៍ ពីលោក កង ចាន់បញ្ញា អ្នកយកព័ត៌មាន sabay បានឲ្យដឹងថា ប្រជាពលរដ្ឋ ដែលមានយុវជន យុវនារី សិស្ស និស្សិត លោកគ្រូ អ្នកគ្រូ មន្ត្រីរាជការគ្រប់ជាន់ថ្នាក់ អាជីវករ សិល្បៈករ សិល្បការិនី និង ប្រជាពលរដ្ឋមកពីតាមបណ្ដាខេត្ត ក្រុងផ្សេងៗ កំពុងរង់ចាំ ត្រៀបត្រា ចាប់ពី ព្រលានយន្តហោះពោធិ៍ចិនតុង កាត់ផ្លូវសហព័ន្ធ រុស្ស៊ី ផ្លូវក្រមួនស មហាវិថីនរោត្តម ឆ្ពោះទៅវិមានឯករាជ្យ និងព្រះបរមរាជវាំង។
ព្រះបរមសពរបស់សម្តេចតា នឹងត្រូវដង្ហែពីទីក្រុង ប៉េកាំង មកដល់ព្រលានយន្តហោះភ្នំពេញ នៅចន្លោះពីម៉ោង ២ ទៅ ម៉ោង ៣ រសៀលនេះ៕
No comments:
Post a Comment
yes