សម រង្ស៊ី ៖ បើខ្ញុំជាមនុស្សអាក្រក់ ពិភពលោកមិនទទួលស្គាល់ខ្ញុំឡើយ តែផ្ទុយទៅវិញ អ្នកដែលចោទប្រកាន់ខ្ញុំនៅទីក្រុងភ្នំពេញទេ ជាមនុស្សអាក្រក់នោះ

លោក សម រង្ស៊ី ប្រធានគណបក្ស សង្គ្រោះជាតិ

គណបក្ស​ សង្គ្រោះជាតិ ដែលកើតចេញពីកម្លាំងមហាសាមគ្គីខ្មែរអ្នកស្នេហាជាតិ ក្រោមការដឹក​នាំរបស់លោក សម រង្ស៊ី ជាប្រធាន និងលោក កឹម សុខា ជាអនុប្រធាននៅពេលខាងមុខ បាន​និង​កំពុងទទួលការគាំទ្រពីសំណាក់ប្រជាពលរដ្ឋខ្មែរអ្នកស្នេហាជាតិគ្រប់ស្រទាប់វណ្ណៈ និង គ្រប់​វ័យ ព្រោះគណបក្ស សង្គ្រោះជាតិ មានគោលនយោបាយច្បាស់លាស់ក្នុងការជួយសង្គ្រោះប្រ​ជា​ពលរដ្ឋ និងប្រទេសជាតិ ពីកណ្តាប់ដៃរបស់ក្រុមអ្នកដឹកនាំប្រទេសបច្ចុប្បន្ន ក្នុងការនាំមក​នូវជីវ​ភាពថ្មី និងការរស់នៅថ្មីជូនប្រជាពលរដ្ឋខ្មែរគ្រប់រូប ពិសេសដើម្បីលើកតំកើនកេរ្តិ៏ឈ្មោះប្រទេស​កម្ពុជារបស់យើង ឲ្យមានឈ្មោះបោះសំឡេងនៅលើឆាកអន្តរជាតិឡើងវិញ ។

ជាមួយគ្នានោះរបត់នយោបាយនៅក្នុងប្រទេសកម្ពុជាក៏បាននិងកំពុងតែមានការប្រែប្រួលគួរឲ្យ ចាប់អារម្ភផងដែល ចំពោះការបន្ទន់ឥរិយាបថរបស់គណបក្សកាន់អំណាចជាមួយនិងគណបក្ស​ប្រឆាំង ។ ព្រោះប្រ​សិនបើអ្នកកាន់អំណាចមិនបន្ទន់ឥរិយាបថបែបនេះនោះទេ អន្តរជាតិកាន់​តែ​ដាក់គំនាបមកលើ គណបក្សកាន់អំណាចកាន់តែខ្លាំងឡើងៗជាក់ជាមិនខាន ស្របពេលនោះ​សូម្បីតែប្រជាពលរដ្ឋខ្មែរអ្នកស្នេហាជាតិ ក៏និងដាក់ទោសចំពោះទង្វើរបស់គណបក្ស​កាន់អំណាច​ដែលមានលោក ហ៊ុន សែន ជានាយករដ្ឋមន្រ្តីធ្វើមកលើគណបក្ស សង្គ្រោះជាតិ និងលោក សម រង្ស៊ី ដែលជាមេដឹកនាំដ៏មានប្រជាប្រិយភាពនៅគ្រប់តំបន់នោះ ។

ការបន្ទន់ឥរិយាបថរបស់គណបក្សកាន់អំណាចចំពោះគណបក្សប្រឆាំង គឺកាលពីថ្ងៃទី០២ ខែតុ លា ឆ្នាំ២០១២ ក្រសួងមហាផ្ទៃបានអនុញ្ញាតឲ្យគណបក្ស​ សង្គ្រោះជាតិ ចុះបញ្ជីគណបក្សជាផ្លូវ ការដើម្បីចូលរួមក្នុងការបោះឆ្នោត ហើយម្យ៉ាងទៀតក្រសួងមហាផ្ទៃក៏បានទទួលស្គាល់បេក្ខភាព លោក សម រង្ស៊ី ជាប្រធានគណបក្ស សង្គ្រោះជាតិ ផងដែរ ។ ដោយហេតុតែការខិតខំប្រឹង ប្រែង​របស់លោក សម រង្ស៊ី ជាប្រធាននិងសហការីក្តីសង្ឃឹមរបស់គណបក្ស សង្គ្រោះជាតិ ដែលមាន

រូ​បសញ្ញាព្រះអាទិត្យរះ បានផ្តល់នូវពន្លឺនៃក្តីសង្ឃឹមថ្មីជូនប្រជាពលរដ្ឋ និងប្រទេសជាតិរបស់ យើងហើយ នោះគឺ « ព្រះអាទិត្យថ្មី រះលើផែនដីចាស់ » ។

លោក សម រង្ស៊ី ប្រធានគណបក្ស សង្គ្រោះជាតិ ដែលប្រជាពលរដ្ឋខ្មែរអ្នកស្នេហាជាតិ និងអ្នក ដែលស្រលាញ់លទ្ធិប្រជាធិបតេយ្យ បានដាក់ងារជូនថា « វិរជនស្នេហាជាតិ » កាលពីថ្ងៃទី០២ ខែតុលា ឆ្នាំ២០១២ នៅក្នុងពិធីជួបសំណេះសំណាលជាមួយប្រជាពលរដ្ឋដែលជាអ្នកគាំទ្រគណ បក្ស សង្គ្រោះជាតិ លោកបានធ្វើការប្រកាសជាថ្មីម្តងទៀត ចំពោះការវិលត្រឡប់របស់លោកមក កាន់ប្រទេសកម្ពុជាវិញ លោកថា លោកនិងមានវត្តមាននៅលើទឹកដីប្រទេសកម្ពុជានៅពេលដ៏​ខ្លី​ខាងមុខនេះ ដើម្បីមកដឹកនាំគណបក្ស សង្គ្រោះជាតិ ដោយផ្ទាល់ ក្នុងការដឹកនាំយុទ្ធនាការ​បោះ​ឆ្នោត ថ្នាក់ជាតិនៅឆ្នាំ២០១៣ខាងមុខ ។ លោក សម រង្ស៊ី បន្តថា ចរន្តរបស់ប្រជាពលរដ្ឋខ្មែរ​ដែល​ជា​អ្នកស្នេហាជាតិ បានមកចូលរួមជាមួយនិងគណបក្ស សង្គ្រោះជាតិ ច្រើនខ្លាំងណាស់ ហើយ​កម្លាំងនេះ គណបក្សប្រជាជនកាន់អំណាចសព្វថ្ងៃ ទប់មិនជាប់នោះឡើយ ច្បាស់ណាស់​នៅ​ឆ្នាំ​២០១៣គណបក្ស​ សង្គ្រោះជាតិ និងទទួលបានជោគជ័យលើការបោះឆ្នោត​ជាក់ជាមិនខាន​ ឡើយ ។

ប្រធានគណបក្ស សង្គ្រោះជាតិ លោក សម រង្ស៊ី មានប្រសាសន៏បន្តថា ចរន្តនៃការគាំទ្ររបស់ប្រ ជាពលរដ្ឋមកលើគណបក្ស សម រង្ស៊ី ឥឡូវកំពុងតែមានសន្ទុះនៅលើឆាកអន្តរជាតិទៀត ជាមួយ គ្នានោះការងាររបស់គណបក្ស សង្គ្រោះជាតិ នៅលើឆាកអន្តរជាតិបាននិងកំពុងតែទទួលជោគ ជ័យជាបណ្តើរៗហើយផងដែរ ហើយជោគជ័យទាំងនេះនិងនាំមកនូវការផ្លាស់ប្តូរនៅក្នុងប្រទេស កម្ពុជាដូចអ្វីដែលលោកបានជំរាបពីខាងដើម ហើយមិនយូរនោះទេ ស្ថានការនៅក្នុងប្រទេស​កម្ពុជានិងមានការប្រែប្រួលល្អប្រសើរ ពីព្រោះពិភពលោកទាំងមូលបានយល់ច្បាស់អំពីស្ថានការ ណ៏នៅក្នុងប្រទេសកម្ពុជា ដែលនាំមកគ្រោះថ្នាក់នោះ ហើយការគ្រោះថ្នាក់នេះមិនមែនសម្រាប់​តែខ្មែរនោះទេ គឺគ្រោះថ្នាក់នេះនិងជះឥទ្ធិពលទៅប្រទេសក្រៅជាច្រើនទៀត ប្រសិនបើបណ្តោយ ឲ្យអំណាចផ្តាច់ការសព្វថ្ងៃនៅតែបន្តនោះ ដូចជាការចាប់ខ្លួនលោក ម៉ម សូណង់ដូ ប្រធានសមា គមអ្នកប្រជាធិបតេយ្យ និងជាប្រធានវិទ្យុ សំបុកឃ្មុំ FM 105 ជាដើម ។ ដែលនេះបង្ហាញឲ្យកាន់​តែឃើញពីអំណាចផ្តាច់ការរបស់រដ្ឋាភិបាលសព្វថ្ងៃ ដែលបានធ្វើមកលើអ្នកស្នេហាជាតិ អ្នកប្រ ជាធិបតេយ្យ អ្នកដែលហ៊ានរិះគន់ខ្លួន និងជាអ្នកការពារសិទ្ធិមនុស្ស ហើយអ្នកទាំងនោះគឺមិន ដែលទទួលខុសត្រូវលើកំហុសរបស់ខ្លួនឡើយ គឺធ្វើអ្វីស្រេចតែអំពើចិត្តរបស់ខ្លួន ដែលកត្តាទាំង អស់នេះ អន្តរជាតិគេមិនអាចអនុញ្ញាត្តឲ្យមានរបបបែបនេះឡើយ ។

ប្រធានគណបក្ស សង្គ្រោះជាតិ លោក សម រង្ស៊ី មានប្រសាសន៏មកកាន់ប្រជាពលរដ្ឋដែលជា

អ្ន​កគាំទ្រគណបក្ស សង្គ្រោះជាតិ បន្តថា អវសាន្តរបស់គណបក្សប្រជាជនកាន់អំណាចសព្វថ្ងៃ

ជិតមកដល់ទីបញ្ចប់ហើយ ហើយមិនយូទេលោកនិងមកជួបជាមួយបងប្អូនប្រជាពលរដ្ឋខ្មែរអ្នក ស្នេហាជាតិគ្រប់​រូប នៅក្នុងប្រទេសកម្ពុជា ។

ប្រជាពលរដ្ឋដែលជាអ្នកគាំទ្រគណបក្ស សង្គ្រោះជាតិ និងស្រលាញ់លោក សម រង្ស៊ី ដែលជា វិរជនស្នេហាជាតិ នៅពេលពួកគេបានឮពីការប្រកាស វិលត្រឡប់របស់លោក សម រង្ស៊ី មកកាន់​ប្រទេសកម្ពុជាក្នុងពេលដ៏ខ្លីឆាប់ៗខាងមុខនេះ បានធ្វើឲ្យពួកគេកាន់តែមានជំនឿខ្លាំងឡើងៗ​មក​លើគណបក្ស សង្គ្រោះជាតិ ក្នុងការទទួលបានជ័យជំនះលើគណបក្សកាន់អំ​ណចនៅ​ពេល​បោះ​ឆ្នោតជ្រើរើសតំណាងរាស្រ្ត អាណត្តិទី៥ នៅថ្ងៃអាទិត្យទី២៨ ខែកក្កដា ឆ្នាំ២០១៣ ព្រោះថាប្រ​ជា​ពលរដ្ឋខ្មែរភាគច្រើនលើសលប់ គឺអស់ជំនឿលើគណបក្សកាន់អំណាចហើយ ដោយពួកគេ​ចង់​ឲ្យ​មានការផ្លាស់ប្តូរ ដើម្បីធ្វើឲ្យ ប្រទេសជាតិរបស់យើងមានការរីកចំរើនជឿនលឿនលើ​គ្រប់​វិស័យ ដូចជាបណ្តាប្រទេសជិតខាង របស់យើង និងការគោរពលទ្ធិប្រជាធិបតេយ្យ​ឲ្យបាន​ពេញ​លិញ ។

ជាមួយគ្នានោះលោក សម រង្ស៊ី ក៏បានធ្វើការជំរាបជូនទៅកាន់ប្រជាពលរដ្ឋដែលជាអ្នកគាំទ្របន្ត ថា គណបក្សកាន់អំណាចពួកគេតែងតែថា សម រង្ស៊ី មានតែសហរដ្ឋអាមេរិក និងបារាំងដែលគាំ ទ្រ តែលោកសូមជំរាបថា សម រង្ស៊ី មិនមែនមានតែអាមិរិក និងបារាំងទេដែលគាំទ្រ សម រង្ស៊ី នោះឥឡូវ សម រង្ស៊ី មានវត្តមាននៅទីណាគឺមានការទទួលស្វាគមន៏​ពីថ្នាក់ដឹកនាំប្រទេសនោះ

យ៉ាងកក់ក្តៅនៅទូទាំងពិភពលោក ដែលកាលពីពេលថ្មីៗនេះ លោកបានអញ្ជើញទៅកាន់​ប្រ​ទេស ឥណ្ឌូនេ​ស៊ី និងប្រទេសហ្វីលីពីន ដែលជាប្រទេសមហាអំណាចមួយនៅក្នុងតំបន់​របស់​យើងគឺរដ្ឋមន្រ្តីក្រសួងការបរទេស និងប្រធានាធិបតីបានទទួលស្វាគមន៏លោកយ៉ារាក់ទាក់ ។ លោកបន្តថា អ្វីដែល អន្តរជាតិបានសម្តែងទង្វើររបស់គេមកកាន់លោកបែបនេះគឺ​បង្ហាញឲ្យ​ឃើញ​ថា លោកគ្មានទោស ដូចដែលពួកគណបក្សប្រជាជនបានចោទប្រកាន់នោះឡើយ រួម​ជា​មួយនិងតុលាការឡុបឡែនៅទីក្រុងភ្នំពេញផងដែរ ហើយប្រសិនបើលោកជាមនុស្ស​អាក្រក់មិន​មែនថ្នាក់ដឹកនាំនៅលើពិភពលោក ទទួលស្វាគមន៏លោកយ៉ាងរាក់ទាក់ និងកក់ក្តៅបែបនេះ​ឡើយ មកពីគេដឹងថាលោកមិន​មែនជាមនុស្សអាក្រក់ បើលោកជាមនុស្សអាក្រក់គេមិនឲ្យ​តម្លៃ​លោកបែបនេះទេ ហើយ​ផ្ទុយមកវិញអ្នកដែលជាមនុស្សអាក្រក់គឺអ្នកដែលចោទ​ប្រកាន់​លោក​នៅ​ទីក្រុងភ្នំពេញទេជាមនុស្សអាក្រក់នោះ ហើយអ្នកដែលចាប់លោក ម៉ម សូណង់ដូ និងតុលាការ​នៅ​​ស្រុក​ខ្មែរ​​នោះឯង ជាមនុស្សអា​ក្រក់នោះ រូបលោក និងលោក ម៉ម សូណង់ដូ គឺជាមនុស្ស​ដែល​គ្មាន​ទោស និងគ្មានកំហុសអ្វីឡើយ ដោយយើងគ្រាន់តែចង់ការពារទឹកដី ការពារ​ប្រ​ជា​រាស្រ្ត ការពារ ដីធ្លីជូនប្រជារាស្រ្ត និងជួយប្រជារាស្រ្តក្រីក្រតើមានកំហុសអី ។ ផ្ទុយទៅវិញគឺមានគុណសម្បត្តិធំណាស់ ហើយអ្នកដែលធ្វើបាបយើង គាបសង្កត់យើង អ្នកដែល​រក​រឿងយើង អ្នកទាំងអស់នោះហើយជាមនុស្សអាក្រក់ ចំណែកឯអ្នកស្នេហាជាតិ អ្នកស្នេហា​យុត្តិធម៌ អ្នកការពាររាស្រ្តគឺជាមនុស្សល្អ ។

ដូចនេះប្រាកដ់ណាស់ចរន្តនៃការផ្លាស់ប្តូរ ដើម្បីផ្តល់យុត្តិធម៌ជូនអ្នកស្នេហាជាតិ និងអ្នកដែលស្រ លាញ់យុត្តិធម៌ ស្រលាញ់ប្រទេសជាតិ និងប្រជារាស្រ្ត និងធ្វើការផ្លាស់ប្តូរដ៏ពិតប្រាកដមួយជាក់​ជាមិនខាននៅឆ្នាំ២០១៣ ដែលរបៀបដឹកនាំដូចអ្នកកាន់អំណាចនៅក្នុងប្រទេសកម្ពុជាសព្វថ្ងៃ នេះ នៅលើពិភពលោកបានដួលរលំអស់ហើយ ដោយសារតែចរន្តនៃការផ្លាស់ប្តូរនេះឯង ។ ដូច្នេះនៅឆ្នាំ២០១៣សូមបងប្អូនប្រជាពលរដ្ឋខ្មែរទាំងអស់បោះឆ្នោតជូនគណបក្ស សង្គ្រោះជាតិ ដែលមានរូបសញ្ញាព្រះអាទិត្យរះជាសំគាល់ ដើម្បីជីវិតនិងអនាគតរបស់យើង កូនចៅយើង និង ប្រទេសជាតិរបស់យើង ។ ហើយប្រសិនបើបងប្អូនណាមិនទាន់បានចូលរួមជាមួយនិងគណបក្ស សង្គ្រោះជាតិទេ សូមអញ្ជើញចូលរួមចាប់ពីថ្ងៃនេះតទៅ ព្រោះឱកាសនៃការស្រោចស្រង់ប្រទេស ជាតិគឺ៥ឆ្នាំមានតែម្តងប៉ុណ្ណោះ សម្រាប់ប្រទេសដែលប្រកាន់យករបបលទ្ធិប្រជាធិប​តេយ្យ សេរី ពហុបក្ស ជ្រើសរើសថ្នាក់ដឹកនាំតាមរយៈការបោះឆ្នោតនោះ ។ គណបក្ស សង្គ្រោះជាតិ គឺជាក្តី​សង្ឃឹមតែមួយគត់របស់ប្រជាពលរដ្ឋខ្មែរ ៕