ភ្នំពេញ: ប្រទេសកម្ពុជា គឺជាទីផ្សារចុងក្រោយ ដែលក្រុមហ៊ុនធានារ៉ាប់រងជីវិត មេនូឡាយហ្វ៍ ហ្វាយនែនសល ( Manulife Financial ) បានចាប់ផ្តើមអាជីវកម្មរបស់ខ្លួន។ នេះជាប្រសាសន៍របស់លោក Robert Elliott អគ្គនាយកប្រតិបត្តិ និងនាយកចាត់ចែង នៃក្រុមហ៊ុន ដែលក្រុមហ៊ុន មេនូឡាយហ្វ៍ ហ្វាយនែនសល បានលើកឡើងនៅក្នុងសន្និសីទកាសែត កាលពីថ្ងៃទី៥ ខែតុលា ឆ្នាំ២០១២ នៅសណ្ឋាគារ ឡឺ រ៉ូយ៉ាល់ ។
លោក Robert Elliott បានមានប្រសាសន៍បញ្ជាក់ថា ក្រុមហ៊ុនមេនូឡាយហ្វ៍ ហ្វាយនែនសល បានបញ្ជាក់ថា ប្រតិបត្តិការនៅកម្ពុជា បានចាប់ផ្តើមឡើងក្នុងខែមិថុនា ឆ្នាំ២០១២ ដែលជិតដល់ឱកាសគម្រប់ខួប ១២៥ ឆ្នាំ នៃការបង្កើតក្រុមហ៊ុន។
លោក Robert Elliott បានមានប្រសាសន៍បញ្ជាក់បន្តថា ក្រុមហ៊ុនមេនូឡាយហ្វ៍ ហ្វាយនែនសល នឹងផ្តល់ជូនដល់ប្រជាជនកម្ពុជា និងក្រុមគ្រួសាររបស់ពួកគេ នូវផលិតផលល្អឥតខ្ចោះ និងសេវាកម្មដ៏ល្អបំផុត នៅក្នុងប្រទេសកម្ពុជា។
លោកលោក Robert Elliott បានមានប្រសាសន៍បន្តថា មានប្រជាពលរដ្ឋកម្ពុជាចំនួន
ពី ១លាននាក់ ទៅ ២លាននាក់ ដែលមានធនធានថ្នាក់កណ្តាល ជាអតិថិជន សម្រាប់ក្រុមហ៊ុន មេនូឡាយហ្វ៍ ហ្វាយនែនសល ហើយសព្វថ្ងៃនេះ ក្រុមហ៊ុន មានបុគ្គលិកបំរើការចំនួន ជាង ៥៥ នាក់ និងទីប្រឹក្សា (អ្នកលក់) ជាង ៣០០នាក់។
លោក Robert Elliott បានបន្ថែមថា នៅក្នុងតំបន់អាស៊ី គឺជាផ្សារដ៏ធំរបស់ក្រុមហ៊ុនមេនូឡាយហ្វ៍ ហ្វាយនែនសល ហើយជាក្រុមហ៊ុនឈានមុខគេ ដែលមានមូលដ្ឋាននៅប្រទេសកាណាដា និងមានប្រតិបត្តិការធំនៅអាស៊ី កាណាដា និងអាមេរិក។ គិតមកដល់ថ្ងៃទី៣០ ខែមិថុនា ឆ្នាំ២០១២ មូលនិធិ ដែលស្ថិតនៅក្រោមការគ្រប់គ្រងរបស់ក្រុមហ៊ុន មេនូឡាយហ្វ៍ ហ្វាយនែនសល និងក្រុមហ៊ុន ដែលជាបុត្រសម្ព័ន្ធ មានសរុបចំនួន ៥១៤ ពាន់លានដុល្លារកាណាដា ដែលស្មើប្រមាណ ៥០៤ ពាន់លានដុល្លាអាមេរិក។ ក្រុមហ៊ុនបានធ្វើប្រតិបត្តិការ នៅតំបន់អាស៊ី និងប្រទេសកាណាដា ក្រោមឈ្មោះថា ក្រុមហ៊ុន មេនូឡាយហ្វ៍ ហ្វាយនែនសល និងឈ្មោះថា ក្រុមហ៊ុន John Hancock នៅសហរដ្ឋអាមេរិក។
ក្លឹបអ្នកកាសែតកម្ពុជា និងក្រុមហ៊ុនធានារ៉ាប់រងអាយុជីវិត Manulife Financial បានសហការរៀបចំ សិក្ខាសាលា សម្រាប់អ្នកសារព័ត៌មាន ស្តីពី "សារៈប្រយោជន៍នៃសេវាធានារ៉ាប់រងអាយុជិវិត"។ សិក្ខាសាលានោះ នឹងណែនាំពីសារៈប្រយោជន៍នៃសេវាធានារ៉ាប់រងអាយុជិវិត ដែលជាផលិតផល និងឧស្សាហកម្មថ្មី ទើបតែចាប់ផ្តើម នៅក្នុងប្រទេសកម្ពុជា ក្នុងឆ្នាំ២០១២នេះ។ សិក្ខាសាលានោះ មានការចូលរួមពីនិពន្ធនាយក និពន្ធនាយករង និងអ្នកសារព័ត៌មាន មកពីគ្រប់ស្ថាប័នកាសែត ទស្សនាវដ្តី ទូរទស្សន៍ និងវិទ្យុ។
សូមរម្លឹកថា សេវាកម្មធានារ៉ាប់រងជីវិត ដែលបណ្តាក់ទុនសរុបប្រមាណ ៧ លានដុល្លារអាមេរិក ត្រូវបានប្រកាសបើកដំណើរការជាផ្លូវការ នៅក្នុងប្រទេសកម្ពុជា កាលពីថ្ងៃទី២១ ខែឧសភា ឆ្នាំ២០១២៕
No comments:
Post a Comment
yes