ក្រុងទ្រីប៉ូលីៈ នាយករដ្ឋមន្រ្តីលីប៊ីជាប់ឆ្នោតថ្មី បានតែងតាំងគណៈរដ្ឋមន្រ្តីរបស់លោកដើម្បីសុំការអនុម័តពីសភាជាតិ ដោយប្រកាសបញ្ជីសមាជិក ដែលមិនបានបញ្ចូលក្រុមចម្រុះសេរីនិយមនាំមុខរបស់ប្រទេសនេះទេ។
ក្នុងសម័យប្រជុំមួយដែលផ្សាយ តាមទូរទស្សន៍ លោកមូស្តាហ្វា អាប៊ូសាហ្គូរ បានបង្ហាញរដ្ឋមន្រ្តីរដ្ឋាភិបាលជាង២០រូប ប៉ុន្តែបាន ថ្លែងថា តំណែងរដ្ឋមន្រ្តីការបរទេស មិនទាន់បានគេបំពេញនៅឡើយហើយលោក នឹងធ្វើការងារនេះនៅពេលបច្ចុប្បន្ននេះ។
ការរៀបចំនេះ ត្រូវគេនិយាយថា នឹងដាក់បញ្ចូលសមាជិកនៃសាខានយោបាយក្រុមភាតរភាព។
ប្រធានសម្ព័ន្ធភាពសេរីនិយមនៅក្នុងសភា លោក អុីប្រាហ៊ីម អាល់-ការីយ៉ានី បាននិយាយថា លោក អាប៊ូសាហ្គូរ ដែលត្រូវសភាជ្រើសតាំងជានាយករដ្ឋមន្រ្តីកាលពីថ្ងៃទី១២ កញ្ញា មិនបានតែងតាំងបេក្ខជនពីសម្ព័ន្ធភាពកម្លាំងជាតិ (NFA) ទេ។
No comments:
Post a Comment
yes