កំពង់ធំៈស្រី្តក្រមុំវ័យ១៩ឆ្នាំម្នាក់ បានប្ដឹងមកសមត្ថកិច្ចមូលដ្ឋានចោទប្រកាន់ទៅលើជនមិន ស្គាល់មុខម្នាក់និងគូកន៥នាក់ថាបានរំលោភនាងនៅចំណុចវត្តសំបូរ កាលពីវេលាម៉ោង៧យប់ថ្ងៃទី៣០កញ្ញា២០១២។
លោកវរៈសេនីយ៏ត្រី យ៉េង សារ៉េន អធិការ នគរ បាលស្រុកប្រាសាទសំបូរ បានឲ្យដឹងថា ពិតជាមានករណីចាប់ស្រី្តក្រមុំអាយុ១៩ឆ្នាំ រំលោភសេពសន្ថវៈមែនតែយើងមិនទាន់សន្និដ្ឋានករណីនេះថា យ៉ាងណានោះនៅឡើយ គឺកំពុងធ្វើការស៊ើបអង្កេត ។
លោក យ៉េង សារ៉េន បានបន្តថា នារីរងគ្រោះឈ្មោះ ធ ហ អាយុ១៩ឆ្នាំ ទីលំនៅភូមិកូនក្អែក ឃុំសំបូរ ស្រុកប្រាសាទសំបូរ បានដាក់ពាក្យប្ដឹងមកសមត្ថកិច្ចថា ខ្លួន ត្រូវបានជនមិនស្គាល់មុខម្នាក់ និងបក្ខពួក៥នាក់ទៀតចាប់រំលោភបានសំរេចនៅក្នុងវត្ត សំបូរ ឃុំសំបូរ ស្រុកប្រាសាទសំបូរ ខេត្តកំពង់ធំ កាលពីយប់ថ្ងៃទី៣០កញ្ញា ឆ្នាំ២០១២ ខណៈពេលនាងដេកចាំបោះបាយបិណ្ឌ ។
លោកបន្ថែមថា នារីរងគ្រោះ បានដាក់ពាក្យបណ្តឹង មកអធិការដ្ឋាននគរបាល ស្រុកសំបូរ ហើយបើតាមពាក្យ បណ្ដឹងរបស់នារីរងគ្រោះបញ្ជាក់ថា នាងបានចុះទៅនិយាយទូរស័ព្ទ នៅកន្លែងស្ងាត់តែម្នាក់ឯង ស្រាប់តែមានជនមិនស្គាល់មុខម្នាក់ចាប់នាងរំលោភ ហើយជន នេះបានទូរស័ព្ទហៅគូកន៥នាក់មករំលោភនាងទៀត ហើយពួកគេបានគេចខ្លួនបាត់អស់។
No comments:
Post a Comment
yes