ក្រុងចូហាន់ណេស្បើក: ក្រុមហ៊ុនផលិតប្លា ទីនកំពូលនៃពិភពលោក Anglo American Platinum (Amplats) បាននិយាយកាលពីថ្ងៃអង្គារថា ខ្លួននឹងបណ្ដេញកូដករទាំងឡាយណាដែលមិនចូលរួមសវនាការវិន័យនៅថ្ងៃបន្តបន្ទាប់ ខណៈកូដកម្មខុសច្បាប់មួយ បានបន្តនៅឯអណ្ដូងរ៉ែ៤នៃអណ្តូងរ៉ែរបស់ខ្លួន។
ដោយមើលមិនឃើញទីបញ្ចប់នៃកូដកម្មដ៏ព្រៃផ្សៃជាហូរហែរនៅអាហ្វ្រិកខាងត្បូងនេះ ក្រុមហ៊ុន Anglo Gold Ashanti បានព្រមានថា ការមិនធ្វើការខុសច្បាប់អាចធ្វើឲ្យមានការកាត់បន្ថយប្រតិបត្តិការខ្លួននៅទីនោះ ហើយខ្លួន ក៏អាចត្រូវបណ្ដេញកម្មករជាច្រើនដែរ។
ចំពេលមានសម្តី ម៉ឺងម៉ាត់ពីក្រុមថៅកែរ៉ែ កូដកម្មខុសច្បាប់មួយទៀត បានកើតឡើងកាលពីថ្ងៃចន្ទនៅឯអណ្ដូងរ៉ែប្លាទីនបូកូនី ដែលគ្រប់គ្រងដោយក្រុមហ៊ុន Amplats និងក្រុមហ៊ុន Atlatsa Resources ដែលមានមូលដ្ឋាននៅកាណាដា។
កូដកម្មនៅបូកូនី គឺគួរឲ្យបារម្ភណាស់ ព្រោះវាជាងខាងកើតនៃតំបន់ប្លាទីន ចម្ងាយរាប់រយគ.មពីរលកនៃជម្លោះការងារដែលប្រមូលផ្ដុំនៅជុំវិញក្រុងរូស្តិនប៊ើក និងម៉ារីកាណា ជាទីដែលមនុស្ស៤៦នាក់ត្រូវគេសម្លាប់នៅក្នុងកូដកម្មបង្ហូរឈាម៦សប្ដាហ៍នៅក្រុមហ៊ុនឡុនមិន។
No comments:
Post a Comment
yes