លោក ព្រំសំណាង នាយប៉ុស្តិ៍នគរបាលរដ្ឋាបាល ឃុំកំពង់ស្វាយ
កណ្ដាល ៖លោក ព្រំសំណាង នាយប៉ុស្តិ៍នគរបាលរដ្ឋបាល ឃុំកំពង់ស្វាយបានរងការរិះគន់ពីប្រជាពលរដ្ឋថាពាក់ព័ន្ធនិង អំពើពុករលួយធ្វើប័ណ្ណលឿងនិងសៀវភៅគ្រួសារយកលុយហើយមិនដោះស្រាយ។ ប្រជាពលរដ្ឋភាគច្រើននៅក្នុងឃុំកំពង់ស្វាយ ស្រុកកៀនស្វាយ សុទ្ធតែបាននិយាយថាពួកគាត់បានធ្វើប័ណ្ណលឿននិងសៀវភៅគ្រួសារត្រូវ ចំណាយប្រាក់ពីប្រាំងម៉ឺនរៀលទៅប្រាំងបីម៉ឺនរៀល។ការដែល ប្រជាពលរដ្ឋមានការរិះគន់ខាងសាលាឃុំដោយមានការឧបត្ថម្ភសៀវភៅគ្រួសារ ជាច្រើនរយក្បាលពីគណពង្រឹងមូលដ្ឋានដើម្បីចែកចាយធ្វើជូនគ្រួសារ ថ្មីរបស់ប្រជាពលរដ្ឋដោយមិនយកលុយ។
ប្រជាពលរដ្ឋ ម្នាក់សុំមិនបញ្ចេញឈ្មោះរស់នៅភូមិកំពង់ស្វាយបានត្អូញត្អែរប្រាប់ វិទ្យាសាស្ត្រខ្មែរឲ្យដឹងថាគ្រួសារជាគ្រួសារក្រីក្រតោកយ៉ាកបំផុយ ចង់ធ្វើសៀវភៅគ្រួសារតែគាត់គ្មានលុយបង់ឲ្យគេព្រោះគេទាប្រាក់ ដល់ទៅប្រាំបីម៉ឺនរៀលឯណោះ។គាត់បានបន្តទៀតថាបើត្រឹមតែធ្វើ សៀវភៅគ្រួសារទារលុយប៉ុណ្ណោះតែថែមទាំងមិនព្រមធ្វើអត្តសញ្ញាណប័ណ្ណ ឲ្យកូនស្រីគាត់ពីរនាក់ដែលគ្រប់អាយុបោះឆ្នោតទៀតផងនេះដោយសារតែ គាត់ក្រីក្រ។
ដោយឡែក ប្រជាពលរដ្ឋម្នាក់ឈ្មោះ លឹម ស្រីញ៉េប រស់នៅក្នុងភូមិព្រែកតានប់ ឃុំកំពង់ស្វាយ ស្រុកកៀនស្វាយ បានប្រតិកម្មធ្វើការរិះ គន់ខ្លាំងៗទៅលើមេប៉ុស្តិ៍រូបនេះថាបានយកលុយពីគាត់ជាថ្នូរនិង ការដាក់ពាក្យបណ្ដឹងលើភាគីម្ខាងទៀតនៅជិតខាងគាត់ហើយមិន ព្រមកោះហៅភាគីខាងបង្កហេតុឲ្យចូលខ្លួនដោះស្រាយឲ្យគាត់ហើយថែមទាំង និយាយសំឡុតគំរាមកំហែងពាក្យសម្ដីមិនសមរម្យដល់គាត់ទៀតផង។
ពាក់ព័ន្ធ នឹងបញ្ហានេះវិទ្យាសាស្ត្រខ្មែរមិន ទាន់បានទទួលការបំភ្លឺពីលោក ព្រំសំណាង មេប៉ុស្តិ៍កំពង់ស្វាយបានទេដោយសារលោកមិនព្រមលើកទូរស័ព្ទទាំងពីរ ខ្សែនៅព្រឹកថ្ងៃទី១៨ខែតុលា។ចំណែកលោក ប៉ា សំអិត អធិការស្រុកកៀនស្វាយ លោកបានបញ្ជាក់តាមទូរស័ព្ទថាលោក ជាអ្នកស៊ីញេលើកិច្ចទាំងអស់នេះហើយលោកមិនបានទទួលប្រាក់កាសមួយ សេនណាទេ។លោក សុំអំពាវនាវដល់ប្រជាពលរដ្ឋប្រសិនបើមានករណីនេះពិតប្រាកដមែននោះសុំ ឲ្យប្រជាពលរដ្ឋទៅបំភ្លឺដល់អធិការដ្ឋានស្រុកកៀនស្វាយក៏បានរឺក៏ ធ្វើការរាយការណ៍តាមទូរស័ព្ទ ដៃរបស់លោកក៏បានដើម្បីលោកធ្វើការដាក់បន្ទុកនៅក្នុងរឿងនេះ៕
គួរ រំលឹកផងដែរថាមេប៉ុស្តិ៍រូបនេះធ្លាប់មានរឿងអាស្រូវពាក់ព័ន្ធ នឹងអំពើពុករលួយផងដែរនៅ ឃុំគគីរធំ ស្រុក កៀនស្វាយ ខេត្តកណ្ដាលត្រូវប្រជាពលរដ្ឋផ្ដិតមេដៃបណ្ដេញឲ្យចេញពីតំណែងពីមេ ប៉ុស្តិ៍ឃុំគគីរធំហើយត្រូវឯកឧត្ដម ឌុល គឿន ប្រធានគណពង្រឹងមូលដ្ឋានខេត្តកណ្ដាលនៃគណ ប្រជាជនកម្ពុជាបាន ដកបញ្ឈប់ពីការងារប៉ូលិសទៀតផង។មានការលើកឡើងថាគណបក្សប្រជាជន កម្ពុជា ឃុំកំពង់ស្វាយបានបាត់បង់មួយកៅអីនាអាណត្តិមេឃុំនោះក៏ដោយសារមេ ប៉ុស្តិ៍រូបនេះដែរ៕
No comments:
Post a Comment
yes