ភ្នំពេញ ៖ ពិធីផ្ទេរតំណែងស្នងការប៉ូលិសរាជធានីត្រូវបានធ្វើឡើងនៅថ្ងៃស្អែកទី៣ ខែ តុលា ឆ្នាំ ២០១២ ដោយមិនមានការផ្លាស់ទៀតទេនេះ បើតាមការឲ្យដឹងពីមន្ត្រីប៉ូលិសបម្រើការនៅស្នងការរាជធានីបានបង្ហើបឲ្យដឹងនៅរសៀលថ្ងៃទី ២ ខែ តុលានេះថា ការប្រកាសផ្ទេរភារៈកិច្ច និងតែងតាំងមុខតំណែងថ្មីមាន លោកឧត្តមសេនីយ៍ត្រី ទូច ណារ៉ុថ ពីស្នងការនគរបាលរាជធានីភ្នំពេញ ទៅជាប្រធាននាយកដ្ឋានអង្គរក្សក្រសួងមហាផ្ទៃ ជំនួសដោយលោក ជួន សុវណ្ណ បច្ចុប្បន្នជាអគ្គស្នងការរងនៃប៉ូលិសជាតិទទួលបន្ទុកស្នងការរាជធានីភ្នំពេញ។ ចំពោះលោកឧត្តមសេនីយ៍ត្រី ប៉ុល ភិធេយ្យ ស្នងការរងនគរបាលរាជធានីភ្នំពេញ ទៅជាប្រធាននាយកដ្ឋានប្រឆាំងការជួញដូរមនុស្ស និងការពារអនីតិជន នៃក្រសួងមហាផ្ទៃ។ ចំណែកលោក ញឹម សំណាង ស្នងការរងទទួលបន្ទុករដ្ឋបាល បានឡើងទៅធ្វើជាប្រធាននាយកដ្ឋានរដ្ឋបាលក្រសួងមហាផ្ទៃផងដែរ។
ចំពោះលោកឧត្តមសេនីយ៍ផ្កាយ ៣ ជួន សុវណ្ណ ឡើងជំនួសលោក ទូច ណារ៉ុថ នេះត្រូវបានប្រភពព័ត៌មានឲ្យដឹងថា គ្រាន់តែឡើងទៅកាន់តំណែងជាស្នងការប៉ូលិសរាជធានីភ្នំពេញបណ្តោះអាសន្នប៉ុណ្ណោះ។ ប្រភពឲ្យដឹងបន្តថា កៅអីស្នងការរាជធានីភ្នំពេញ ប្រហែលបានទៅលោកឧត្តមសេនីយ៍ត្រីម្នាក់ ដែលសព្វថ្ងៃកំពុងបម្រើការនៅស្នងការរងរាជធានីភ្នំពេញនោះផងដែរ៕
No comments:
Post a Comment
yes