សិស្សានុសិស្សលោកគ្រូអ្នកគ្រូ ៥៥៧នាក់ មកគោរពវិញ្ញាណក្ខន្ធសម្តេចតា
នៅមុខសាលាខេត្តប៉ៃលិន
សិស្សានុសិស្សកំពុងថ្វាយបង្គំ
ប៉ៃលិន៖សិស្សានុសិស្ស លោកគ្រូអ្នកគ្រូចំនួន ៥៥៧ នាក់មកពីវិទ្យាល័យ ហ៊ុន សែន សាលាក្រៅ បាននាំគ្នា ធ្វើដំណើពីស្រុកសាលាក្រៅ មកកាន់សាលាខេត្តប៉ៃលិនដើម្បីគោរពព្រះវិញ្ញាណក្ខន្ធ ព្រះបាទ សម្ដេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យដែលជាសម្ដេច សម្ដេចតាទួត របស់ពួក គេ ទាំងអស់។
លោក កឹម លេន នាយកវិទ្យាល័យ ហ៊ុន សែន សាលាក្រៅបានឲ្យដឹងថាសិស្សានុសិស្សលោក គ្រូអ្នកគ្រូដែលមក គោរពវិញ្ញាណក្ខន្ធសម្ដេចតា នៅមុខសាលាខេត្តប៉ៃលិននារសៀលនេះមានចំនួន៥៥៧ នាក់ ក្នុងនោះសិស្សចំនួន ៥២០ នាក់ ស្រី២២០ នាក់ ចាប់ពីថ្នាក់ទី ៧ ដល់ថ្នាក់ទី១២ ។លោកគ្រូអ្នកចំនួន ៣៧ នាក់ ស្រី០៧ នាក់ ។
សិស្សម្នាក់ឈ្មោះ ជា ចាន់ថង ភេទប្រុស អាយុ ១៥ ឆ្នាំរៀនថ្នាក់ទី៩ នៃវិទ្យាល័យ ហ៊ុន សែន សាលក្រៅ បាននិយាយទាំងមុខក្រៀមក្រំថាគេបានធ្វើដំណើរមកពីស្រុកសាលាក្រៅដើម្បីមកគោរពវិញ្ញាណក្ខន្ធ សម្ដេចតា ដែលបានសោយទិវង្គតកាលពីថ្ងៃទី១៥ ខែតុលា ឆ្នាំ ២០១២ នេះ ។
សិស្សានុសិស្សទាំងអស់បានសម្ដែងនូវសេចក្ដីសោកស្ដាយយ៉ាងក្រៃលែងចំពោះការយាងសោយព្រះទិវង្គតរបស់ព្រះករុណា ព្រះបាទ សម្ដេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យជាតិខ្មែរ បូរណភាពទឹកដី និងឯកភាពជាតិខ្មែរ នៅថ្ងៃទី ១៥ រោច ខែភទ្របទ ឆ្នាំរោង ចត្វាស័ក្កិ ព.ស ២៥៥៦ ត្រូវនិងថ្ងៃទី១៥ ខែតុលា គ.ស ២០១២ វេលាម៉ោង ០១ និង ២០ នាទី រំលងអាធ្រាត្រ ក្នុងជន្មាយុ ៩០ ព្រះវស្សា ដោយព្រះ ជរាពាធ។
ក្រោយពីពួកគេបានដុតធូប ទៀនគោរពវិញ្ញាណក្ខន្ធ សម្ដេចតារួចបាននាំគ្នាចុះឈ្មោះក្នុងសៀវភៅក្រាំ មាស ដើម្បីទុកជាប្រវត្តិសាស្ត្រផងដែរ ៕
|
No comments:
Post a Comment
yes