រតនគីរី៖ សកម្មភាពក្រុមឈ្មួញ បានដឹកជញ្ជូនឈើចេញពីប្រភពអូរក្រុយ និង អូរកាប៊ូ ស្ថិតនៅភូមិទុសច្រិត ឃុំតាអង ស្រុកកូនមុំ ខេត្តរនតគីរី ដោយដឹកតាមប្រភេទមធ្យោបាយ រ៉ឺម៉ក ម៉ូតូ និងរថយន្តកែច្នៃ សំដៅមកទីរួមខេត្ត ដើម្បីលក់ចែកចាយតាមរោសិប្បកម្មនានា។
តាមការសង្កេតមើលនៅតាមដងផ្លូវជាតិលេខ 78 A សមត្ថកិច្ចពាក់ព័ន្ធ ពុំមានវិធានការទប់ស្កាត់ក្រុមឈ្មួញទាំងនេះឡើយ បណ្តោយឲ្យឈ្មួញដឹកជញ្ជូនឈើយ៉ាងគគ្រឹកគគ្រេង។ រីឯឈើដែលពួកគេដឹកជញ្ជូននោះ គឺជាប្រភេទឈើធ្នុង និងឈើបេង ដែលមានមុខ (10 x 30) (10 x 40) បណ្តោយ ១,២ ម៉ែត្រ។ ជាក់ស្តែងឈ្មួញដែលហ៊ានដឹកឈើទាំងយប់ទាំងថ្ងៃដោយគ្មានក្រែងចិត្តនោះ គឺសុទ្ធសឹងតែសមត្ថកិច្ចប៉ូលីស។
គួរបញ្ជាក់ផងដែរថា ម្ចាស់រោងសិប្បកម្មកែច្នៃគ្រឿងសង្ហារឹមក្នុងខេត្ត ឈ្មោះ សឹង (ជនជាតិវៀតណាម) ដែលមានទីតាំងស្ថិតនៅក្រោយផ្ទះសំណាក់កុលសម្ព័ន្ធ គឺជាសិប្បកម្មមានច្បាប់អនុញ្ញាតពីរដ្ឋាបាលព្រៃឈើខេត្តក៏ពិតមែន ប៉ុន្តែរោងសិប្បកម្មនេះ ពុំទាន់មានច្បាប់អនុញ្ញាតឲ្យទិញឈើខុសច្បាប់នៅឡើយនោះដែរ ពុំដឹងថា សមត្ថកិច្ចដែលពាក់ព័ន្ធទៅត្រួតពិនិត្យរោងសិប្បកម្មនេះឡើងវិញ ឬយ៉ាងណានោះទេ? ប៉ុន្តែទោះបីជាយ៉ាងណា ឈ្មួញមួយចំនួនយល់ថា ច្បាប់មិនធំជាងលុយនោះទេ ពោលគឺបើមានលុយ មិនបាច់មានច្បាប់ក៏បានដែរ៕
No comments:
Post a Comment
yes