ក្រុមមេធាវីការពារក្ដី និង មន្ត្រីតុលាការបាននិយាយថា សាលាឧទ្ធរណ៍នឹងបើកសវនាការលើបណ្តឹងឧទ្ធរណ៍ របស់អតីតទីប្រឹក្សាបីរូប របស់លោក ជា ស៊ីម ប្រធានព្រឹទ្ធសភា និងជាប្រធានគណបក្សប្រជាជនកម្ពុជា នៅព្រឹក ថ្ងៃច័ន្ទ ទី ៧ ខែវិច្ឆិកា នេះ។
លោកពេជ្រ សូរិយា មេធាវីការពារក្តីរបស់ មេធាវីការពារក្ដីឲ្យអ្នកស្រី ផេង គន្ធាបូរី បានមានប្រសាសន៍ថា សវនាការឧទ្ធរណ៍សម្រាប់អតីតទីប្រឹក្សាបីនាក់របស់ប្រធានព្រឹទ្ធសភាលោក ជា ស៊ីម គឺអ្នកស្រី ផេង គន្ធាបូរី លោក ពន្លក ហូ និងលោក ខៀវ បូរ៉ា នឹងប្រព្រឹត្តទៅនៅថ្ងៃទី៧ ខែវិច្ឆិកានេះ។ សវនាការឧទ្ធរណ៍នេះ នឹងចាប់ផ្តើម នៅម៉ោង ៨:០០ ព្រឹក និង ធ្វើដោយ ក្រុមប្រឹក្សាចំនួន៣ រូប និង តំណាងមហាអយ្យការ មួយរូប។
លោកមេធាវី ពេជ្រ សូរិយា បានបន្តថា កូនក្តីរបស់លោក និង ជនជាប់ចោទទាំងអស់ខាងលើនឹងចូលរួម សវនាការលើបណ្តឹងឧទ្ធរណ៍របស់ពួកគាត់នៅថ្ងៃ ស្អែកនេះ។
សូមមញ្ជាក់ថា អ្នកស្រី ផេង គន្ធបូរី អាយុ៥៧ឆ្នាំ លោក ចាន់ កុសល អាយុ៦២ឆ្នាំ និងលោក ពន្លក ហូ អាយុ៥៨ឆ្នាំ ទាំងបីនាក់នេះត្រូវបានតុលាការក្រុងភ្នំពេញកាត់ទោសឲ្យជាប់ពន្ធនាគារម្នាក់ៗរយៈពេល៤ឆ្នាំ ហើយលោក ខៀវ បូរ៉ា អាយុ៥២ឆ្នាំជាប់ពន្ធនាគាររយៈពេល៣ឆ្នាំ។ លោក ចាន់ កុសល ត្រូវបានស្លាប់ដោយសារជំងឺមហារីកសួត នៅឯបន្ទប់ពន្ធនាគារព្រៃសកាលពីថ្ងៃទី១៣មិថុនា២០១២។ ពួកគាត់ត្រូវបានចាប់ខ្លួនដោយកម្លាំងកងរាជអាវុធហត្ថកាលខែកញ្ញា២០១១ពាក់ព័ន្ធនឹងការក្លែងបន្លំនិងឆបោកប្រាក់ក្រុមហ៊ុនបរទេសយ៉ាងតិច៥១ក្រុមហ៊ុន រួមមាន៖ ក្រុមហ៊ុនម៉ាឡេស៊ី ចិន វៀតណាម កូរ៉េខាងត្បូង និងក្រុមហ៊ុនមួយចំនួនទៀតដោយទទួលបានប្រាក់រាប់រយដុល្លារតាមរយៈគម្រោងសាងសង់សាលារៀន ផ្លូវថ្នល់ និងមន្ទីរពេទ្យ ព្រមទាំងសេវាមនុស្សធម៌ផ្សេងៗទៀតជាច្រើននៅកម្ពុជា៕
No comments:
Post a Comment
yes