ស្ត្រីជាម៉ែយ៉ែម ពេលប៉ូលិសចាប់ខ្លួន
សៀមរាប: ស្ត្រីជាអ្នករកស៊ីយកកម្រៃជើងសារ (គួកជេរ) ព្រហ្មចារី បីនាក់ត្រូវកម្លាំងនគរបាលប្រឆាំងការជួញដូរមនុស្ស និងការពារអនីតិជនខេត្តសៀមរាប ចាប់ខ្លួន ខណៈពួកគេបាននាំក្មេងស្រីពីភ្នំពេញ មកលក់ព្រហ្មចារី តម្លៃ១.៥០០ដុល្លារនៅខេត្តសៀមរាប។ ក្រៅពីនោះប៉ូលិសបានជួយរំដោះស្ត្រីរងគ្រោះទាន់ពេល និងជួយរំដោះស្ត្រីរកស៊ីផ្លូវភេទ បីនាក់ផ្សេងទៀត។
ការចាប់ខ្លួនម៉ែយ៉ែមខាងលើ បានធ្វើឡើងនៅម៉ោង១៩យប់ ថ្ងៃទី១៩ ខែធ្នូ ឆ្នាំ២០១២ នៅផ្ទះសំណាក់ យីហោរ៩៩សែនសុខ ដែលមានទីតាំងក្នុងភូមិជន្លង់ សង្កាត់សាលាកំរើក ក្រុងសៀមរាប។
ស្ត្រីដែលចាប់ខ្លួនទី១ ឈ្មោះសេង លាប អាយុ៤៧ឆ្នាំ នៅភូមិ១៥ សង្កាត់ទន្លេបាសាក់ ខណ្ឌចំការមន ក្រុងភ្នំពេញ។ ទី២ ឈ្មោះនី ម៉ាលីន អាយុ២៣ឆ្នាំ និងទី៣ ឈ្មោះសុខ សារឹម អាយុ២០ឆ្នាំ អ្នកទាំងពីររស់នៅភូមិត្រពាំងសេះ សង្កាត់គោកចក ក្រុងសៀមរាប។
ការចាប់ខ្លួនម៉ែយ៉ែមខាងលើ បានធ្វើឡើងនៅម៉ោង១៩យប់ ថ្ងៃទី១៩ ខែធ្នូ ឆ្នាំ២០១២ នៅផ្ទះសំណាក់ យីហោរ៩៩សែនសុខ ដែលមានទីតាំងក្នុងភូមិជន្លង់ សង្កាត់សាលាកំរើក ក្រុងសៀមរាប។
ស្ត្រីដែលចាប់ខ្លួនទី១ ឈ្មោះសេង លាប អាយុ៤៧ឆ្នាំ នៅភូមិ១៥ សង្កាត់ទន្លេបាសាក់ ខណ្ឌចំការមន ក្រុងភ្នំពេញ។ ទី២ ឈ្មោះនី ម៉ាលីន អាយុ២៣ឆ្នាំ និងទី៣ ឈ្មោះសុខ សារឹម អាយុ២០ឆ្នាំ អ្នកទាំងពីររស់នៅភូមិត្រពាំងសេះ សង្កាត់គោកចក ក្រុងសៀមរាប។
លោកវរសេនីយ៍ត្រី ជា ហេង នាយរងការិយាល័យប្រឆាំងការជួញដូរមនុស្ស និងការពារអនីតិជនខេត្តសៀមរាប បានឲ្យដឹងថា ស្ត្រីជាម៉ែយ៉ែមឈ្មោះសេង លាប ជាមុខសញ្ញាដែលសមត្ថកិច្ចតាមប្រម៉ាញ់យូរមកហើយ។ ចំពោះករណីនេះខាង លោកក៏បានតាមប្រម៉ាញ់ ពីថ្ងៃរួចមកហើយដែរ។ លោកបន្តថា បន្ទាប់ពីសាកសួរ ឈ្មោះសេង លាប បានឆ្លើយថា រូបគេពិតជាបាននាំក្មេងស្រី ពីភ្នំពេញ មកលក់ព្រហ្មចារីនៅខេត្តសៀមរាបមែន។ ដោយមុនដំបូងឈ្មោះនី ម៉ាលីន បានទាក់ទងឲ្យរូបគេរក ក្មេងនៅព្រហ្មចារីមកលក់ឲ្យភ្ញៀវនៅខេត្តសៀមរាបក្នុងតម្លៃ១.៥០០ដុល្លារ។ ភ្លាមនោះរូបគេ៏បានទៅទំនាក់ទំនងជាមួយក្មេងស្រីអាយុ១៩ឆ្នាំ នៅភ្នំពេញដូចគ្នា ហើយនាងក៏យល់ព្រម។
លោកជា ហេង ឲ្យដឹងទៀតថា នៅពេលសួរបន្តទៀត ស្ត្រីនោះឆ្លើយថា ពេលក្មេងស្រីខាងលើ មកដល់សៀមរាប ឈ្មោះនី ម៉ាលីន បាននាំនាងទៅពិនិត្យព្រហ្មចារី និងពិនិត្យឈាម។ លុះឃើញថា ពិតជានៅបរិសុទ្ធ ក៏បាននាំយកទៅលក់ឲ្យភ្ញៀវ នៅផ្ទះសំណាក់ ៩៩សែនសុខ ក្នុងតម្លៃ ១.៥០០ដុល្លារ ក៏ប៉ុន្តែក្មេងរងគ្រោះ មិនទាន់ធ្លាក់ចូលក្នុងចង្កូមមច្ចុរាជទេ ត្រូវប៉ូលិសចូលទៅបង្ក្រាប ហើយរំដោះបានទាន់ពេល។ ជាមួយគ្នានោះ ប៉ូលិសក៏បានរំដោះស្ត្រីរកស៊ីផ្លូវភេទ បីនាក់ទៀតនៅក្នុងបន្ទប់ផ្ទះសំណាក់ ខាងលើនេះដែរ។ ចំណែកឈ្មោះសុខ សារឹម ក្រោយសាកសួរគេជាអ្នករួមចំណែកក្នុងករណីនេះដែរ។
លោកជា ហេង បញ្ជាក់ថា ជនសង្ស័យទាំងបីនាក់ខាងលើ ត្រូវបញ្ជូនទៅតុលាការ ដោយចោទ ពីបទ ករណីលក់ដូរមនុស្សដោយមានគោលដៅ និងអំពើសញ្ចារកម្ម៕
No comments:
Post a Comment
yes