ថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្តកំពង់ឆ្នាំចុះជួបសំណេះសំណាលនិងសួរសុខទុក្ខប្រជាពលរដ្ឋ ចំនួន៨ឃុំស្ថិតនៅក្នុងស្រុកសាមគ្គីមានជ័យនិងស្រុកបរិបូរ

ក្រុមការងារចលនាប្រជាធិបតេយ្យសង្គ្រោះជាតិខេត្តកំពង់ឆ្នាំង បាននិងកំពុងតែធ្វើសកម្មភាព របស់ខ្លួនចុះជួបសំណេះសំណាលជាមួយប្រជាពលរដ្ឋនៅតាមមូលដ្ឋានជារៀងរាល់ថ្ងៃ ដើម្បី ធ្វើការផ្សព្វផ្សាយពីគោលនយោបាយរបស់គណបក្ស​ សង្គ្រោះជាតិ ដល់ពួកគាត់ឲ្យបានដឹងក៏ ដូចជាធ្វើការជំរាបជូនពីជំហ៊ររបស់គណបក្ស សង្គ្រោះជាតិ នៅពេលទទួលបានការគាំទ្រពី សំណាក់ប្រជាពលរដ្ឋដឹកនាំប្រទេសហើយនោះ និងធ្វើការដោះស្រាយបញ្ហារបស់ជាតិ និង ពលរដ្ឋដែលកំពុងតែប្រឈមឲ្យវិលទៅរកភាពល្អប្រសើរឡើងវិញ ។

ជាមួយគ្នានោះផងដែរកាលពីថ្ងៃទី២៨ ខែមករា ឆ្នាំ២០១៣ក្រុមការងារចលនាប្រជាធិបតេយ្យ សង្គ្រោះជាតិ ខេត្តកំពង់ឆ្នាំង បានធ្វើការបែងចែកជា៤ក្រុមដើម្បីចុះទៅជួបសំណេះសំណាល និងសួរសុខទុក្ខប្រជាពលរដ្ឋ ក្នុងនោះនៅស្រុកសាមគ្គីមានជ័យនៅឃុំសេដ្ឋី ឃុំស្វាយ ឃុំត្បែង​ខ្ពស់ ឃុំស្វាយជប់ ឃុំពាម និងឃុំឈានឡើង ចំណែកឯនៅស្រុកបរិបូរគឺបានធ្វើឡើងនៅឃុំ ខុនរ៉ង ។

ចំណែកនៅថ្ងៃទី២៩ ខែមករា ឆ្នាំ២០១៣ ក្រុមការងារចលនាប្រជាធិបតេយ្យ សង្គ្រោះជាតិ ក៏​បានធ្វើតំណើរចុះទៅជួបសំណេះសំណាលជាមួយប្រជាពលរដ្ឋផងដែរនៅឃុំផ្សារ ស្រុកបរិបូរ ដែលក្នុងកម្មវិធីទាំងអស់ខាងលើមានប្រជាពលរដ្ឋចូលរួមជាច្រើន ហើយពួកគាត់បាន​សម្តែង​ការគាំទ្រយ៉ាងខ្លាំងមកលើគណបក្ស សង្គ្រោះជាតិ ដែលគណបក្ស​ សង្គ្រោះជាតិ​មានគោល​នយោបាយល្អៗ ពិតប្រាកដ និងជាក់ច្បាស់ ដែលសុតតែផ្តល់ផលប្រយោជន៏ដល់ជាតិ និងប្រ​ជា​ពលរដ្ឋទូទៅ ។

ដូច្នេះតាមរយៈសន្ទុះរបស់ពលរដ្ឋដែលបានគាំទ្រមកលើគណបក្ស សង្គ្រោះជាតិ មានចំនួន​កាន់ច្រើនឡើងបែបនេះ នៅក្នុងការបោះឆ្នោតឆ្នាំ២០១៣អាណត្តិទី៥ គណបក្ស​ សង្គ្រោះ ជាតិ ពិតជាទទួលបានជ័យជំនះជាក់ជាមិនខានឡើយ ដើម្បីធ្វើការដឹកនាំនាវាកម្ពុជាឆ្ពស់ទៅ រក​កា​រ​រីកចំរើនជឿនលឿន លើគ្រប់វិស័យ ពលរដ្ឋរស់នៅក្នុងកំរិតជីវភាពមួយដ៏ថ្លៃថ្នូរ និងមាន ការ​ទទួលស្គាល់ជាអន្តរជាតិផងដែរ ៕