ក្រុមការងារចលនាប្រជាធិបតេយ្យសង្គ្រោះជាតិខេត្តបាត់ដំបងចុះជួបសំណេះសំណាលជាមួយប្រជាពលរដ្ឋ និងធ្វើពិធីលើកស្លាកគណបក្សសង្គ្រោះជាតិ

ស្លាកសញ្ញាគណបក្ស សង្គ្រោះជាតិ ត្រូវបានលើកតាមផែនការ

លោក សោរ ចាន់ដេត ចុះជួបសំណេះសំណាលជាមួយប្រជាពលរដ្ឋនៅភូមិព្រៃសង្ហា

ចលនាប្រជាធិបតេយ្យសង្គ្រោះជាតិ ក្រោមការដឹកនាំរបស់លោកប្រធាន សម រង្ស៊ី ជាប្រ​ធាន​និងលោកប្រធាន កឹម សុខា​ ជាអនុប្រធាន បាននិងកំពុងតែទទួលការគាំ​ទ្រពីសំណាក់​ប្រជាព​ល​រដ្ឋខ្មែរយ៉ាងខ្លាំង ដោយហេតុថាថ្នាក់ដឹកនាំចលនាប្រជាធិបតេយ្យសង្គ្រោះជាតិគឺសុតតែជា អ្នកស្នេហាជាតិ ស្រលាញ់ប្រជាពលរដ្ឋ និងលទ្ធិប្រជាធិបតេយ្យ គឺខុសគ្នាដាច់ស្រលះពីអ្នក​ដឹកនាំប្រទេសសព្វថ្ងៃដែលមិនបានយកចិត្តទុកដាក់ចំពោះប្រជាពលរដ្ឋ និងជាតិជាធំនោះ គឺ​គិតតែពីប្រយោជន៏របស់ខ្លួនជាធំទៅវិញ ។

សូមជំរាបជូនផងដែរថា ចលនាប្រជាធិបតេយ្យសង្គ្រោះជាតិ នៅបន្ទាប់ពីមានការគាំទ្រពីសំ ណាក់ប្រជាពលរដ្ឋកាន់តែខ្លាំងបែបនេះ ក្រុមការងារចលនាប្រជាធិបតេយ្យសង្គ្រោះជាតិ នៅ​គ្រប់តំប​ន់ទូទាំងប្រទេសបានចេញធ្វើសកម្មភាពរបស់ខ្លួនដើម្បីចុះជួបជាមួយប្រជាពលរដ្ឋក៏ កាន់តែមានសន្ទុះកាន់តែខ្លាំងឡើងបន្ថែមទៀត ដើម្បីទាញយកការគាំទ្រពីពលរដ្ឋបន្តទៀត ដោយហេតុថា ការបោះឆ្នោតជាតិអាណត្តិទី៥នេះក៏កាន់តែខិតជិតចូលមកដល់ផងដែរ ព្រោះ​ការបោះឆ្នោតនៅអាណត្តិនេះគណបក្ស​ សង្គ្រោះជាតិមានភារកិច្ចសំខាន់ណាស់ក្នុងការចូល រួមការបោះឆ្នោតដើម្បីសង្គ្រោះប្រទេស និងពលរដ្ឋកម្ពុជាឲ្យមានសិទ្ធិសេរីភាពឡើងវិញ​ក្រោម​ការដឹកនាំរបស់រដ្ឋាភិបាលលោក​ ហ៊ុន សែន ដែលបានធ្វើបាបរាស្រ្តនិងពលរដ្ឋឲ្យរង​ទុក្ខគ្មាន​ពេលល្ហែរនោះ ។

ជាមួយគ្នានេះផងដែរ នៅថ្ងៃទី២៩ ខែមករា ឆ្នាំ២០១៣នេះ ក្រុមការងារចលនាប្រជាធិបតេយ្យ សង្គ្រោះជាតិខេត្តបាត់ដំបង ដែលដឹកនាំដោយលោក ធូ សុវណ្ណថា បានបើកកិច្ចប្រជុំជាមួយ និងក្រុមការងារ​ចលនាប្រជាធិបតេយ្យសង្គ្រោះជាតិ ស្រុកបាណន់ ជុំវិញការបូកសរុបការងារ សម្រាប់ខែមករា និងដាក់ទិសដៅបន្ថែមសម្រាប់ខែកុម្ភៈ ក្នុងការចុះជួបជាមួយប្រជាពលរដ្ឋ ជារបៀបមហាជន និងតាមផ្ទះ ដើម្បីផ្សព្វផ្សាយពីគោលនយោបាយរបស់គណបក្ស សង្គ្រោះ​ជាតិ ហើយបន្ទាប់​ពីនោះមកលោក ធូ សុវណ្ណថា បានដឹកនាំក្រុមការងារស្រុក ហើយនិងឃុំ ធ្វើពីធី​លើក​ស្លាកចំនួន៨ឃុំនៅស្រុកបាណន់ ដែលក្នុងនោះរួមមាន ឃុំឈើទាល ឃុំភ្នំសំពៅ ឃុំតាគ្រាម ឃុំស្ទឹង ឃុំចែងមានជ័យ ឃុំកន្ទឺមួយ ឃុំកន្ទឺពីរ និងឃុំដំរាំ ដែលមានចំនួន ២៥​ស្លាក​តាម​គោល​ការណ៏ដែលបានដាក់ចេញ ដើម្បីឲ្យប្រជាពលរដ្ឋបានស្គាល់ស្លាកសញ្ញា របស់​គណបក្ស សង្គ្រោះជាតិ ។

ស្របពេលនិងគ្នានោះផងដែរ លោក សោរ ចាន់ដេត ក្រុមការងារចលនាប្រជាធិប​តេយ្យ​សង្គ្រោះ​ជាតិខេត្តបាត់ដំបងនៅរសៀលថ្ងៃទី២៩ ខែមករា ឆ្នាំ២០១៣នេះ ក៏បានដឹក​នាំ​ក្រុម​ការ​ងារចលនាប្រជាធិបតេយ្យស្រុក ហើយនិងឃុំ បានធ្វើតំណើរចុះជួបសំណេះ​សំ​ណាល​ជាមួយ​ប្រជាពលលរដ្ឋពេលល្ងាចនៅភូមិស្វាយស និងភូមិព្រៃសង្ហា ស្ថិតនៅឃុំខ្នាចរមាស ស្រុក​បវិល ហើយនៅក្នុងពិធីនោះលោក សោរ ចាន់ដេត បានធ្វើការជំរាបជូនពីគោលនយោ​បាយ​របស់គណបក្ស សង្គ្រោះជាតិ ឲ្យពួកគាត់បានដឹងបន្ថែមទៀតលើអ្វីដែលពួកគាត់​បានទទួល​នា​ពេលកន្លងមក ព្រមទាំងធ្វើការជំរាបជូនពីសារសំខាន់របស់បងប្អូនក្នុងការ​អញ្ជើញទៅចូល​រួម​បោះឆ្នោតឲ្យបានទាំងអស់គ្នា បើមិនដូច្នេះទេប្រសិនតែបើមានការខកខាននោះ ពួកយួនអន្តោ​ប្រ​វេសន៏និងបោះឆ្នោតសម្រេចជោគវាសនាជាតិជំនួសពលរដ្ឋកម្ពុជាដែលជាម្ចាស់ទឹកដី ជាក់​ជាមិនខានឡើយ ហើយបងប្អូននិងនៅតែបន្តរស់នៅលំបាកវេទនាជាបន្តទៀតជាក់ជាមិន​ខាន តែប្រសិនបើរដ្ឋាភិបាលដឹកនាំដោយគណបក្ស សង្គ្រោះជាតិ នោះប្រទេសជាតិនិងមានការ​រីក​ចំរើន ពលរដ្ឋរស់នៅក្នុងភាពសុខសាន្តសេចក្តីថ្លៃថ្នូរយ៉ាងពិតប្រាកដ ព្រោះគណបក្ស សង្គ្រោះ​ជាតិ កើតឡើងដោយខ្មែរអ្នកស្នេហាជាតិជាអ្នកបង្កើត មិនមែនដូចជាបក្សកាន់អំ​ណាចសព្វថ្ងៃ ដែលកើតឡើងពីយួនហាណូយជាអ្នកបង្កើតនោះឡើយ ៕