ព្រះសីហនុ៖ ឈ្មួញរកស៊ីប្រេងសាំង និងប្រេងម៉ាស៊ូតគេចពន្ធ ដឹកចេញពីខេត្តកោះកុង និងខេត្តព្រះសីហនុ ចូលមកស្ដុកនៅទីតាំងជាច្រើនកន្លែង នៅតាមបណ្តា ការ៉ាស់សាំងក្នុងខេត្តកំពង់ស្ពឺមុន នឹងបន្តចែកចាយទៅគោលដៅជាច្រើន ផ្សេងទៀតដោយគ្មានខ្លាចរអានឹងកម្លាំងសមត្ថកិច្ចគ្រប់ស្ថាប័នក្នុងខេត្តមួយ នេះ ព្រោះតែគេសំអាងថាបានសែនព្រេនអស់លោកអ្នកធំទាំងនោះអស់ហើយ។
ប្រភពព័ត៌មានពីសមត្ថកិច្ចដែលមិនបានទទួលលាភសក្ការៈដូចមេកើយរបស់ខ្លួនបានឲ្យដឹងថា នៅតាមបណ្តាយផ្លូវជាតិលេខ ៤ ជារៀងរាល់ថ្ងៃ ជាពិសេសពេលយប់ គឺក្រុមឈ្មួញតែងតែធ្វើការដឹកប្រេងគេចពន្ធទាំងនោះ តាមរថយន្តកាម៉ារីគូថហើម និងសាំយ៉ុង ប្រភេទតូរីស ជាច្រើនគ្រឿង មកពីខេត្តកោះកុង និងព្រះសីហនុ មកស្តុកទុកនៅម្តុំផ្សារត្រែងត្រយឹង ផ្សារប៉ុងកាសី និងផ្សារឧត្តុង្ត និងច្រើនកន្លែងផ្សេងទៀត ដោយគ្មានការរំខានពីសមត្ថកិច្ចគ្រប់ស្ថាប័ន ព្រោះតែក្រុមឈ្មួញទាំងនោះបានសែនព្រេនមេៗខាងលើអស់ហើយ។ ប្រភពបានបន្តថា សម្រាប់កងកម្លាំងមានតួនាទីតូចតាចបានត្រឹមតែឈរមើលប៉ុណ្ណោះ បើសុំយោបល់មេបង្ក្រាបនោះ គឺមេមិនអនុញ្ញាតឡើយ។
មេការដឹកប្រេងយ៉ាងសកម្មឆ្លងកាត់ខេត្តកំពង់ស្ពឺដែលមិនបញ្ជេញឈ្មោះបានឲ្យដឹងតាមទូរសព្ទថា គេអោយផ្អាកសិន ពេលដែលអ្នកយកព៍ត៌មានយើងសួរថា បង់លុយឲ្យទៅខាងណាខ្លះ មេការរូបនោះឆ្លើយថា មិនដឹងខាងណាៗខ្លះទេ ព្រោះគេជាកូនចៅគេដែរ ។ មេការរូបនោះបានឲ្យដឹងបន្តថា ព័ត៌មានបានចុះខ្លាំងៗបើចុះត្រឹមខេត្តមិនអីទេ តែនេះចុះដល់តែលោក ប៉ែន ស៊ីម៉ន ទៀត។
ទាក់ទងនឹងការលើកឡើងរបស់មេការខាងលើថាផ្អាកនោះ ត្រូវអ្នកឃ្លាំមើលបទល្មើសរត់ពន្ធប្រេងសុំមិនបញ្ជេញឈ្មោះថា គេឃើញសកម្មភាពរថយន្តសាំយ៉ុង២គ្រឿង និងរថយន្តកាំម៉ារី ហើយបិទកញ្ចក់រ៉ៃបាន់ដឹកប្រេងគេចពន្ធឆ្លងកាត់ផ្សារត្រពាំងក្រឡឹង ចំណុចថ្នល់បំបែកទៅផ្លូវជាតិលេខ៣ យកទៅស្តុកនៅផ្សារបុងកាសីជារៀងរាល់ថ្ងៃ ដោយគ្មានការរំខានពីសមត្ថកិច្ចណាមួយឡើយ។
ជុំវិញបញ្ហានេះ លោក ម៉ែន ស៊ីប៊ន មេបញ្ជាការកងរាជអាវុធហត្ថខេត្តកំពង់ស្ពឺ មិនអាចសុំការបំភ្លឺពីលោកបានទេដោយលេខទូរស័ព្ទ លោកពេលសួរសំនួរទាក់ទងនឹងបទល្មើសប្រេងនោះ ត្រូវបានអ្នកលើកទូរស័ព្ទបដិសេធថា ជា(ខ្ញុំមិនមែនម៉ែនស៊ីប៊នទេ គ្រាន់តែជាតៃកុងឡានរបស់គាត់ ចាំនិយាយជាមួយគាត់ទៅ) សម្រាប់លេខលោកមេបញ្ជាការរូបនេះមួយខ្សែទៀត គឺហៅចូលជាច្រើនដង តែគ្មានមនុស្សលើកសោះ ៕
No comments:
Post a Comment
yes