លោក ថាច់ សាង បានអនិច្ចកម្មព្រឹកថ្ងៃអាទិត្យនេះក្នុងជន្មាយុ៦២ឆ្នាំ

វត្តសាមគ្គីរង្សី ទីក្រុងភ្នំពេញ ថ្ងៃទី ២ ខែមីនា ឆ្នាំ ២០០៧៖ លោក ថាច់ សាង

 ប្រធានមិត្តសមាគមខ្មែរកម្ពុជាក្រោម (កណ្ដាល) ថ្លែងការណ៍ថ្កោលទោស

រដ្ឋាភិបាលវៀតណាមចាប់ផ្សឹកសមណសិស្សសាលាបាលីខេត្តឃ្លាំងក្នុង

ព្រឹត្តិការណ៍ ០៨ កុម្ភៈ ឆ្នាំ ២០០៧

លោក ថាច់ សាង ប្រធានមិត្តសមាគមខ្មែរកម្ពុជាក្រោមនៅកម្ពុជាបានទទួលអនិច្ចកម្មនៅ ព្រឹកថ្ងៃអាទិត្យទី១៧ ខែកុម្ភៈនេះ ដោយជរាពាធ ។ នេះបើយោងតាមសេចក្ដីជូនដំណឹងខ្លី មួយតាមរយៈសារអ៊ីម៉ែលពីលោក ថាច់ ង៉ុក ថាច់ ប្រធានសហព័ន្ធខ្មែរកម្ពុជាក្រោមដែល មាន មួលដ្ឋាននៅអាមេរិក ។

សូមបញ្ជាក់ថាលោក ថាច់ សាង ជាកម្មជនតស៊ូដើម្បីសិទ្ធិសេរីភាពខ្មែរក្រោមមួយរូបតាំង​ពី​នៅ​ដែនដីកម្ពុជាក្រោម ហើយមកដល់ស្រុកខ្មែរនៅតែធ្វើការតស៊ូឥតឈប់ឈរ​ដើម្បីសិទ្ធិម្ចាស់​ការរបស់ប្រជាជាតិខ្មែរក្រោមនៃដែនដីកម្ពុជាក្រោម ។

តាមការបញ្ជាក់តាមរយៈសារអ៊ីម៉ែលរបស់ លោក ថាច់ ង៉ុក ថាច់ ថាលោក ថាច់ សាង " ជា​មនុស្សស្មោះត្រង់គួរឲ្យគោរព និងជាកូនខ្មែរក្រោមពិតៗ" ដែលមួយជីវិតរបស់គាត់ឈរ​លើ​គោលការណ៍ "សិទ្ធិសម្រេចវាសនាខ្លួនដោយខ្លួនឯង" របស់សហព័ន្ធខ្មែរកម្ពុជាក្រោម​ឥតងាក​រេសោះឡើយ ។

លោក ថាច់ សាង បានលាលោកនេះទៅ តែគំនិតនៃការតស៊ូដើម្បីសិទ្ធិសម្រេចវាសនាខ្លួន​ដោយខ្លួនឯងរបស់ពលរដ្ឋខ្មែរក្រោម ដែលដក់ជាប់នៅក្នុងសតិអារម្មណ៍របស់គាត់នោះ គួរតែត្រវបានយកទង់ជាតិខ្មែរក្រោម"ខឿវលឿងក្រហម"មកគ្របលើមឈូសដើម្បីជូនដំណើរគាត់ទៅកាន់ឋានបរលោក ។

បើយោងតាមសេចក្ដីជូនដំណឹងតាមរយៈសារអ៊ីម៉ែលពីលោក តាំង សារៈ ប្រធានសហព័ន្ធ​ខ្មែរ​កម្ពុជាក្រោមនៅកម្ពុជាថាពិធីបូជាសពលោក ថាច់ សាង នឹងរៀបចំនៅពេលព្រឹកថ្ងៃពុធ ទី២០

ខែកុម្ភៈ ឆ្នាំ ២០១៣ ។ យោងតាមសេចក្ដីជូនដំណឹងដដែលនៅថ្ងៃចន្ទ ទី១៨ ខែកុម្ភៈ ស្អែកនេះ តំណាងសហព័ន្ធខ្មែរកម្ពុជាក្រោមនៅកម្ពុជានឹងយកកម្រងផ្កាទៅតម្កល់នៅមុខមឈូសសព

ដើម្បីចូលរួមរំលែកទុក្ខជាមួយក្រុមគ្រួសារសព ៕