លោក ឈូក បណ្ឌិត អតីតចៅហ្វាយ ក្រុងបាវិត
តុលាការសាលាឧទ្ធរណ៏របស់ប្រទេសកម្ពុជា នាសៀលថ្ងៃចន្ទនេះ បានប្រកាសសាលក្រមករណីលោក ឈូក បណ្ឌិត ហើយ ដោយសម្រេចបង្វែរសំណុំរឿងនេះឲ្យស្ថិតក្រោមសមត្ថកិច្ចស៊ើបអង្កេតរបស់តុលាការខេត្តស្វាយរៀងវិញ និង បិទផ្លូវតវ៉ា ។
ការសម្រេចនេះបានធ្វើឡើង បន្ទាប់ពីមានសវនាការយ៉ាងចម្រូងចម្រាស អស់រយៈពេលពីរថ្ងៃ កាលពីថ្ងៃទី ២៧ -២៨ ខែ កុម្ភៈ ។ គ្រានោះសាក្សីមួយចំនួនបាននិយាយថា គេពិតជាបានឃើញលោក ឈូក បណ្ឌិត អតីតចៅហ្វាយក្រុងបាវិត ពិតជាបានបាញ់កាំភ្លើងខ្លី ទៅលើក្រុមកូដករ នៃរោងចក្រកៅវ៉េ ហើយបានធ្វើឲ្យកម្មការនី ៣នាក់ របួសធ្ងន់ ចំណែកផ្សេងទៀត ដែលហាក់ដូចជាខ្លាចក្រែងអ្វីម្យ៉ាង បាននិយាយថា គេបានឮ សូរគ្រាប់កាំភ្លើង តែមិនដឹងចេញពីប្រភពណាទេ រីឯ កម្មករ រងគ្រោះ បានទាមទារ ឲ្យតុលាការផ្ដន្ទាទោសលោក ឈូក បណ្ឌិត ឲ្យជាប់ពន្ធនាគារធ្ងន់ធ្ងរ និង បង់សងប្រាក់ជំងឺចិត្តដល់ពួកគេ។
គួរបញ្ជាក់ថា លោក ស ខេង ឧបនាយករដ្ឋមន្ត្រីនិង ជារដ្ឋមន្រ្តីក្រសួងមហាផ្ទៃ ធ្លាប់បានថ្លែងថា លោក ឈូក បណ្ឌិត គឺជាមនុស្សតែម្នាក់គត់ ដែលបានបាញ់ទៅលើកម្មករនៃរោងចក្រកៅវ៉េ នៅក្រុងបាវិត អំឡុងកូដកម្ម កាលពីថ្ងៃទី ២០ ខែ កុម្ភៈ ឆ្នាំ២០១២ ។ តែយ៉ាងណាក៏ដោយ កាលពីខែ ធ្នូ ឆ្នាំ២០១២ តុលាការខេត្ត ស្វាយរៀង បានលើកលែងការចោទប្រកាន់ ដោយសំអាងថា ពុំមានភស្តុតាងត្រឹមត្រូវ ៕
No comments:
Post a Comment
yes