ភ្នំពេញ ៖ នៅវេលាម៉ោង១៤និង១០នាទីរសៀលថ្ងៃទី៧
ខែមីនា ឆ្នាំ២០១៣
មានរថយន្តមួយគ្រឿងម៉ាកលុចស៊ីស៤៧០ពណ៌សពាក់ស្លាកលេខភ្នំពេញ2L-1668 បានបើកបុកបារ៉ាស់សមត្ថកិច្ចរួចបុករ៉ឺម៉កដឹកទឹកក្រូចក្នុងទិសដៅបញ្ច្រាសគ្នា
និងជ្រុលទៅបុកគល់ឈើទៅមុខលែងរួច។ ក្រោយមកទើបគេដឹងថា
រថយន្តខាងលើនេះដឹកឈើគ្រញូង និងព្យាយាមបើកគេចពីសមត្ថកិច្ចប៉ូលិស
និងរដ្ឋបាលព្រៃឈើខេត្តកណ្ដាល
ហើយមនុស្សប្រុស២នាក់ដែលជិះក្នុងរថយន្តត្រូវបានសមត្ថកិច្ចឃាត់បាន។
ហេតុការណ៍នេះបានកើតឡើងនៅចំណុចមុខក្រុមហ៊ុនអូអឹមស៊ី
តាមបណ្ដោយផ្លូវជាតិលេខ២ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ
រាជធានីភ្នំពេញ។
តាមប្រភពព័ត៌មានពីលោកអនុសេនីយ៍ទោ ជុំ សាវុធ
ប្រធាននគរបាលប៉ុស្ដិ៍ចាក់អង្រែលើបានឲ្យកម្ពុជាថ្មីដឹងថា
មុនពេលកើតហេតុរថយន្តលុចស៊ីសខាងលើនេះ ត្រូវបានសមត្ថកិច្ចរដ្ឋបាលព្រៃឈើ
និងប៉ូលិសខេត្តកណ្ដាលបានបើកប្រដេញតាំងពីទីរួមខេត្តកណ្ដាល
ដោយរថយន្តនេះមានដឹកឈើគ្រញូង។ រថយន្តនោះ បានបើកប្រដេញគ្នាពេញទីរួមខេត្ត
ហើយសមត្ថកិច្ចខ្លះបានបើករថយន្តមកស្ទាក់ចាំចាប់នៅមុខខារ៉ាអូខេ១៦៨
ចាក់អង្រែលើ។
ស្របពេលនោះ រថយន្តបានបើកឆ្ពោះមកផ្លូវជាតិលេខ២
សំដៅចូលភ្នំពេញក៏បានវ៉ាក់នឹងរថយន្តសមត្ថកិច្ចដែលដាក់ចាំចាប់នោះ
រថយន្តដឹកឈើគ្រញូងបានបួងចង្កូតបត់ទៅខេត្តកណ្ដាលវិញ
បានបុកនឹងរ៉ឺម៉កដឹកទឹកក្រួច រួចជ្រុលទៅបុកគល់ឈើជ្រួញមុខបែកកង់
ទៅមុខលែងរួច និងត្រូវបានសមត្ថកិច្ចឃាត់ខ្លួនអ្នកបើករថយន្ត
និងអ្នករួមដំណើរដែលជាមនុស្សប្រុស២នាក់ នាំយកទៅសាកសួរនៅខេត្តកណ្ដាល
ដោយនៅក្នុងរថយន្តផ្ទុកសុទ្ធតែឈើគ្រញូងផ្សេងទៀតផង
ប៉ុន្តែសមត្ថកិច្ចមិនទាន់បញ្ជាក់ឈ្មោះបុរសទាំង២នាក់នោះទេ។
ទាក់ទិននឹងហេតុការណ៍នោះដែរលោកអនុសេនីយ៍ទោ ទិត ចំរើន
នាយផ្នែកប៉ូលិសសណ្ដាប់ចរាចរខណ្ឌមានជ័យបាននិយាយថា
ករណីបង្ក្រាបក្រុមលួចដឹកឈើគ្រូងខុសច្បាប់នេះ
គឺសមត្ថកិច្ចខេត្តកណ្ដាលចេញមុខដោះស្រាយ បើទោះបីជាកើតឡើងក្នុងខណ្ឌមានជ័យក៏ដោយ៕
No comments:
Post a Comment
yes