លោក កឹម សុខា អនាគតអនុប្រធានគណបក្ស សង្គ្រោះជាតិ
ប្រទេសដែលប្រកាន់យករបបលទ្ធិប្រជាធិបតេយ្យ
មេដឹកនាំទាំងគណបក្សកាន់អំណាច និង គណបក្សប្រឆាំង គឺត្រូវតែមានសមធម៌ និងគោលធំហ៊ររបស់ខ្លួនដោយតំកល់ផលប្រយោជន៏
របស់ជាតិ និងរាស្រ្តជាធំ ជៀសវាងការប៉ែងជើងគូរប្រជែងដែលមានកម្លាំងខ្សោយជាង ដើម្បីបំប៉នអំណាចរបស់ខ្លួ
។
នៅក្នុងប្រទេសកម្ពុជាសព្វថ្ងៃដែលគ្រប់គ្រងដោយគណបក្សប្រជាជនមានលោក
ហ៊ុន សែន ជានាយករដ្ឋមន្ត្រី គឺតែងតែព្យាយាមប៉ែងជើងគណបក្សប្រឆាំងមិនឲ្យមានភាពលិចធ្លោជាងខ្លួនឡើយ
។ ជាមួយគ្នានោះលោក សម រង្ស៊ី ប្រធានគណបក្ស សង្គ្រោះជាតិ គឺត្រូវបានអ្នកកាន់អំណាចសព្វថ្ងៃ
រកគ្រប់វិធីដើម្បីបញ្ចប់ជីវិតនយោបាយរបស់លោក និងមិនឲ្យរូបលោក បានវិលចូលមកកម្ពុជាវិញឡើយ
ដោយហេតុថាលោកសម រង្ស៊ី គឺទទួលបានប្រជាប្រិយភាព យ៉ាងខ្លាំងពីសំណាក់ប្រជាពលរដ្ឋខ្មែរ
និងអន្តរជាតិ ។
ជាមួយគ្នានោះលោក កឹម សុខា អនាគតអនុប្រធានគណបក្ស
សង្គ្រោះជាតិ បានមានប្រសាសន៏ថា គណបក្សកាន់អំណាចមិនគួរប្រើវិធីរបៀបផ្តាច់ការ
ដើម្បីបំផ្លាញជីវិតនយោបាយរបស់លោក សម រង្ស៊ីឡើយ
ហើយគណបក្សកាន់អំណាចគួរតែបើកចិត្តឲ្យទូលាយធ្វើការប្រគួតប្រជែងជាមួយនិងគណបក្ស
សង្គ្រោះជាតិ ដោយស្មើភាពគ្នា ។
លោក កឹម សុខា បន្តថា គោលជំហ៊របស់គណបក្ស សង្គ្រោះជាតិ
គឺផ្ទុយគ្នាដាច់ស្រឡះពីគោលជំហ៊ររបស់គណបក្សកាន់អំណាច គណបក្ស សង្គ្រោះជាតិ
ចង់ឲ្យប្រទេសកម្ពុជាទៅជាប្រទេសមួយដែលមានឯករាជ្យភាព អធិបតេយ្យភាព
បូរណៈភាពទឹកដីពេញលិញ និងចង់ ឲ្យប្រជាពលរដ្ឋខ្មែរមានឱកាស និងមានសិទ្ធិដូចគ្នាខាងនយោបាយ
សិទ្ធិដូចគ្នាខាងសេដ្ឋកិច្ច សិទ្ធិដូចគ្នាខាងសង្គមកិច្ច ។ លោក កឹម សុខាបន្តថា
អ្វីទាំងអស់នេះគឺដោយសារតែគណបក្ស សង្គ្រោះជាតិ មើលឃើញថាប្រទេសរបស់យើងសព្វថ្ងៃនេះ បានដើរទៅរកដានចាស់
ដែលយើងធ្លាប់រងគ្រោះនាពេលកន្លងមកហើយ ហើយនៅតែរងគ្រោះបន្តទៀតនោះគឺបញ្ហាអធិបតេយ្យភាពបូរណៈភាពទឹកដី
។
អនាគតអនុប្រធានគណបក្ស សង្គ្រោះជាតិ ថ្លែងថា
ខ្មែរយើងធ្លាប់ជាមហាអំណាច មហានគរ ជាពូជពង្សមួយកើតនៅលើទឹកដីរបស់ខ្លួនឯងមុនសហរដ្ឋអាមេរិកទៅទៀត
ដែលត្រង់ចំណុច នេះហើយលោកចង់ឲ្យបងប្អូនជនរួមជាតិខ្មែរទាំងអស់
និងគ្រប់គណបក្សនយោយោបាយ ឲ្យមានមោទនភាព ថាយើងជាម្ចាស់នេះដី គឺយើងមិនបានមកលួចដីរបស់អ្នកណាទេ
ហើយដីដែលយើងរស់នៅសព្វថ្ងៃ គឺជាដីរបស់ខ្មែរអ្នកបង្ករបង្កើតមកតាំងពីជាងពីរពាន់ឆ្នាំ
ទាំងនេះហើយយើងត្រូវមានកាតព្វកិច្ចថែរក្សា ការពារ ទឹកដីនេះទុកឲ្យកូន
ចៅរបស់យើងជំនាន់ក្រោយទៀត ។ នេះជាចំណុចទីមួយនៃការប្រមើឡមើល ចង់បានពិតប្រាកដរបស់គណបក្ស
សង្គ្រោះជាតិ ។
លោក កឹម សុខា បន្តថាក្នុងនោះផងដែរ
អ្វីដែលយើងចង់បានបន្តទៀត ទោះបីជាគណបក្ស ឈ្នះឆ្នោតក៏ដោយ គណបក្សចាញ់ឆ្នោតក៏ដោយ
អ្នកមានក៏ដោយ អ្នកក្រក៏ដោយ អ្នកតូចក៏ដោយ អ្នកធំក៏ដោយ អ្នកទីក្រុង អ្នកជនបទក៏ដោយ
គឺមានសិទ្ធិដូចគ្នាខាងនយោបាយ មានសិទ្ធិដូចគ្នាខាងសេដ្ឋកិច្ច
មានសិទ្ធិដូចគ្នាខាងសង្គមកិច្ច ។ ក្នុងនោះផងដែរលោក ចង់ឲ្យបងប្អូនជនរួមជាតិធ្វើការពិនិត្យមើល
ថាតើយើងមានសិទ្ធិដូចគ្នាទេខាងនយោបាយ គឺមិនទាន់ដូចគ្នាទេ ក្នុងនោះអ្នកដែលឈ្នះឆ្នោតចង់ធ្វើបាបអ្នកចាញ់ឆ្នោតពេលណាក៏បាន
ហើយអាចធ្វើទុកបុកម្នេញគេតាមអំពើចិត្ត ។
លោកថា ពីសម័យមួយៗ ដូចជាសម័យ លន់ ណុល
គាត់បានឈ្នះហើយឡើងកាន់អំណាចពួកកុម្មុយនីសផ្តាច់ការ គឺត្រូវខ្ចាត់ព្រាត់
សម័យកុម្មុយនីសឈ្នះឆ្នោតសម្លាប់ខាង លន់ ណុល ហើយដល់ថ្ងៃ៧មករាយួនចូលមក
អ្នកណាដែលកាន់ជើងខាងសេរី គឺត្រូវរត់ខ្ចាត់ព្រាត់ តែមកដល់ពេលឥឡូវនេះគណបក្សប្រជាជនឈ្នះ
គណបក្ស សម រង្ស៊ី ដែលជាគណបក្សប្រ ឆាំងគឺគេចាត់ទុកដូចជាខ្មាំង ។ ដែលក្នុងនោះលោក សម
រង្ស៊ី ត្រូវបានគេតាមកម្ចាត់គ្រប់ពេល គឺមិនឲ្យគាត់បានចូលស្រុក និងធ្វើនយោបាយបាន
ដែលនេះវាមិនស្មើភាពគ្នាឡើយ ហើយបង្កើតឲ្យមានការឈឺចាប់
តាមរយៈអ្នកដែលមានកម្លាំងខ្លាំងកម្ចាត់អ្នកមានកម្លាំងខ្សោយ
អ្នកដែលមានលុយច្រើនធ្វើបាបអ្នកក្រ អ្នកដែលមានអំណាចខ្លាំងធ្វើបាបអំណាចតិច ។
អនាគតអនុប្រធានគណបក្ស សង្គ្រោះជាតិ បន្តថា
ជាមួយគ្នានេះគណបក្ស សង្គ្រោះជាតិ គឺចង់បង្ហាញឲ្យបងប្អូនបានឃើញថា
នៅមានជំរើសមួយទៀតដែលបងប្អូនត្រូវធ្វើការជ្រើសរើស គឺយើងស្នើសុំឲ្យអ្នកដែលឈ្នះ
និងអ្នកមានឈប់ធ្វើបាបអ្នកក្រ និងអ្នកទន់ខ្សោយ ដើម្បីឲ្យអាចរស់នៅជាមួយគ្នាបាន
និងមួយទៀត គឺត្រូវធ្វើតំណោះស្រាយតាមរយៈនយោបាយអហិង្សា គឺគណបក្ស សង្គ្រោះជាតិ
មានគោលការណ៏យ៉ាងច្បាស់លាស់មិនយកខ្មែរណាធ្វើជា សត្រូវឡើយ មិនគុំគួនសងសឹក
យើងធ្វើតាមរយៈការបោះឆ្នោតដោយសេរី ត្រឹមត្រូវ និងយុត្តិ ធម៌
ទប់ស្កាត់នូវនយោបាយមួយដែលធ្វើឲ្យមានការឈឺចាប់ ឲ្យមានសមធម៌ខាងនយោបាយ ។
លោក កឹម សុខា បន្ថែមទៀតថា ឥឡូវគណបក្សប្រជាជន
គេថាពួកគេកំពុងតែធ្វើប្រជាធិបតេយ្យហើយ សួរថាតើមានសមធម៌ផ្នែកនយោបាយទេ
បើទូរទស្សន៏ស្ថិតនៅលើការកាន់កាប់ និងគ្រប់គ្រងរបស់ខ្លួនទាំងអស់
ដែលក្នុងនោះបក្សប្រឆាំងគ្មានទួរទស្សប្រើសូម្បីតែមួយ រហូត ដល់វិទ្យុថែមទៀតផង
និងនៅមានរឿងជាច្រើនទៀតដែលគណបក្សប្រជាជនធ្វើមិនស្មើភាពមកលើគណបក្សប្រឆាំង
ដែលទាំងនេះគ្មានសមធម៌ខាងនោយោបាយឡើយ ។
លោកបន្តថា អ្វីដែលគណបក្ស សង្គ្រោះជាតិ ចង់បាន គឺនៅពេលដែលគណបក្ស
សង្គ្រោះជាតិ ឈ្នះឆ្នោត ដឹកនាំរដ្ឋាភិបាល បើគណបក្ស សង្គ្រោះជាតិ មានទូរទស្សន៏ប្រើ
គណបក្សប្រ ជាជនដែលចាញ់ឆ្នោតក៏ត្រូវតែមានទូរទស្សន៏ប្រើដូចគ្នា យើងមិនធ្វើដូចជាគណបក្សប្រជាជន
ដែលកំសាកខ្លាចគណបក្សប្រឆាំងនោះឡើយ ។ គណបក្ស សង្គ្រោះជាតិ ដឹកនាំរដ្ឋាភិបាល
គណបក្សប្រជាជនអាចធ្វើអ្វីបានស្រេចតែចិត្តរបស់ខ្លួន ដែលខ្លួនទៅជាគណបក្សប្រឆាំងវិញ
នោះឲ្យតែគោរពច្បាប់ទូទៅតាមគោលការណ៏ប្រជាធិបតេយ្យគឺយើងធ្វើបានទាំងអស់ មិនមានថា
នៅពេលគណបក្សប្រជាជនទៅជាគណបក្សប្រឆាំងយើងគាបគេវិញ គឺមិនមានឡើយ ។
ហើយក្នុងនោះផងដែរយើងឲ្យទៀតនៅក្នុងសភា
គណបក្សប្រជាជនក្លាយទៅជាគណបក្សប្រឆាំង
គឺមានថវិការជាតិសម្រាប់គណបក្សប្រឆាំងធ្វើការតាមដានមើលគណបក្សកាន់អំណាច
ដែលដឹកនាំដោយបក្សសង្គ្រោះជាត ខុសត្រង់ណាប្រាប់មក យើងនិងហៅគាត់មកជួប
ជាមួយនិងយើងប្រាប់ពីសំណុចខ្សោយរបស់យើង ហើយយើងនិងសរសើរអរគុណគាត់ ព្រមទាំងធ្វើការកែប្រែនូវអ្វីដែលយើងខុស
មិនមែនដូចឥឡូវទេ យើងនិយាយនូវអ្វីដែលគេខុស គឺគេយកយើងធ្វើជាសត្រូវភ្លាម ។
ដូច្នេះហើយយើងសង្កេតឃើញថា
ទស្សនរបស់គណបក្សកាន់អំណាចបច្ចុប្បន្ននេះ មិនមាន សមធម៌ខាងនយោបាយទេ ហើយក្នុងនោះផងដែរ
សមធម៌ខាងសេដ្ឋកិច្ចក៏នៅមានភាពលំ អៀងខ្លាំងនៅឡើយ ដែលលោកសូមលើកយកឧទាហរណ៏មកបញ្ជាក់
ការអភិវឌ្ឍន៏គឺយើងគាំ ទ្រ ហើយការអភិវឌ្ឍន៏នេះសម្រាប់មនុស្សទាំងអស់គ្នា
ដែលមិនមែនសម្រាប់តែអ្នកមាននោះទេ ។ រឿងដី ហេតុអ្វីបានជាឲ្យទៅពួកអ្នកមានអស់រលីង
ហើយព្រៃឈើស្រុកខ្មែរពីដើមចូល មិនចុះទេគឺសុតតែខ្លាពលរដ្ឋខ្លាចខ្លាណាស់
តែសព្វថ្ងៃចូលទៅគឺសុតតែឧកញ្ញ៉ា ពលរដ្ឋខ្លាច ឧកញ្ញាជាងខ្លាទៅទៀត
ព្រោះដីព្រៃទាំងអស់នេះឧកញ្ញ៉ាយកអស់ហើយ ប្រជាពលរដ្ឋមិនហ៊ានប៉ះពាល់ឡើយ
ដែលទាំងនេះហើយគឺវាគ្មានសមធម៌ ឬភាពស្មើគ្នាខាងសេដ្ឋកិច្ច ។
លោក កឹម សុខា បន្តថា បើយើងនិយាយពីរឿងដីនេះ
ដីស្រែចំការរបស់បងប្អូនប្រជាកសិករ
ដែលពួកគាត់បង្ករបង្កើនផលបានមានជាងប្រាំមួយលានហិតា ក្នុងនោះផងដែរពួកក្រុមហ៊ុន
ឧកញ្ញ៉ា តែជាង២០នាក់ប៉ុណ្ណោះគឺគ្រប់គ្រងកាន់កាប់ដីមានចំនួនរហូតដល់ទៅពីរលានប្រាំបី
សែនហិតា ជិតពាក់កណ្តាលលើផ្ទៃដីបង្ករបង្កើនផលទាំងអស់ ដែលនេះគឺមិនមានភាពយុត្តិ
ធម៌ឡើយ ។
លោកបន្តទៀតថា ទាំងអស់នេះហើយដែលយើងត្រូវតែគិត
ការអភិវឌ្ឍន៏យើងគាំទ្រ ការអភិ វឌ្ឍន៏បើថារដ្ឋាភិបាលឲ្យដីសម្បទានទៅក្រុមហ៊ុនណាមួយ
ការអភិវឌ្ឍន៏នោះដើម្បីអី ត្រង់ចំណុចនេះ លោកចង់ជំរាបជូនថា អភិវឌ្ឍន៏គឺដើម្បីទាញយកផលប្រយោជន៏បី
ដែលក្នុងនោះទី១ផលប្រយោជន៏ជាតិ ត្រូវធ្វើយ៉ាងណាឲ្យបានចំណូលចូលជាតិ ដូចជាការបង់ព័ន្ធជាដើម
ដើម្បីយើងយកមកកសាងផ្លូវ ស្ពាន សាលារៀន មន្ទីរពេទ្យ រីឯការអភិវឌ្ឍន៏ចំណុចទី២
គឺអភិវឌ្ឍន៏បានផលមកម្ចាស់ដីវិញ ជាឧទាហរណ៏ ប្រសិនបើអភិវឌ្ឍន៏នៅភូមិណា ត្រូវឲ្យបានប្រយោជន៏ដល់កូនចៅពលរដ្ឋនៅភូមិ
ឬឃុំនោះ ចំ ណែកទី៣គឺបានផលមកលើម្ចាស់ដើមទុនដែលជាអ្នកជំនួញ ទាល់តែមានផលទាំងបីនេះទើបបានជាគេហៅថាការអភិវឌ្ឍន៏ពិត
ដែលធ្វើ ឲ្យជាតិមានការរីលចំរើន ពលរដ្ឋរស់នៅក្នុងជីវភាពមួយដ៏ធូធា ៕
No comments:
Post a Comment
yes