ក្រុមការងារចលនាប្រជាធិបតេយ្យសង្គ្រោះជាតិខេត្តបាត់ដំបងចុះជួបពលរដ្ឋនៅតាមមូលដ្ឋាន ព្រមទាំងពង្រឹងក្រុមការងារបន្ថែមដើម្បីឆ្ពស់ទៅទទួលបានជោគជ័យនៅឆ្នាំ២០១៣ចំណែកនៅខេត្តសៀមរាបក្រុមការងារស្រុកពួកចុះលើស្លាកគណបក្សនៅតាមភូមិនិងឃុំនានារបស់ស្រុក

ប្រជាពលរដ្ឋខ្មែរដែលជាអ្នកស្នេហាជាតិ ស្រលាញ់លទ្ធិប្រជាធិបតេយ្យ​ ពេលនេះពួកគាត់បាន សម្តែងការសារទរ និងមានសង្ឃឹមយ៉ាងខ្លាំងមកលើគណបក្ស​ សង្គ្រោះជាតិ ក្នុងការស្រោច​ស្រង់សង្គ្រោះជាតិ ព្រមទាំងពលរដ្ឋខ្មែរចេញពីការគ្រប់គ្រង់ និងដឹកនាំតាមរបៀបផ្តាច់ការ របស់គណបក្សប្រជាជន ដែលមានលោក ហ៊ុន សែន គ្រប់គ្រងនិងដឹកនាំអស់រយៈ​ពេលជា ច្រើនឆ្នាំមកហើយនោះ ។

ព្រមជាមួយគ្នានេះ ថ្នាក់ដឹកនាំចលនាប្រជាធិបតេយ្យសង្គ្រោះជាតិ និងថ្នាក់ដឹកនាំគណបក្ស សង្គ្រោះជាតិ ជារៀងរាល់ថ្ងៃបានធ្វើតំណើរចុះទៅជួបជាមួយប្រជាពលរដ្ឋតាមមូលដ្ឋាននានា ដើម្បីធ្វើការផ្សព្វផ្សាយគោលនយោបាយរបស់គណបក្ស សង្គ្រោះជាតិ ក៏ដូចជាស្លាកសញ្ញា របស់គណបក្ស ដល់ប្រជាពលរដ្ឋឲ្យពួកគាត់បានស្គាល់ និងដឹង ហើយនិងបើកវគ្គបណ្តុះ​បណ្តាលដល់ក្រុមការងារចាប់តាំងពីថ្នាក់ខេត្តរហូតដល់ថ្នាក់ឃុំស្តីពី យុទ្ធសាស្រ្តក្នុងការរក​សម្លេងឆ្នោតតាមបែបប្រជាធិបតេយ្យ និងការបញ្ជូនសារដល់ពលរដ្ឋជាដើម ។

យ៉ាងណាម៉ិញនៅថ្ងៃទី០៥ ខែមេសា ឆ្នាំ២០១៣ ក្រុមការងារចលនាប្រជាធិបតេយ្យសង្គ្រោះ ជាតិខេត្តបាត់តំបងដែលរួមមានលោក ពិន រតនា លោក សោ ចាន់ដេត លោក ឌឹម សារឿន កញ្ញា ស៊ិន រ៉ូហ្សេត ព្រមទាំងក្រុមយុវជន បានចុះជួបពលរដ្ឋ និងបណ្តុះបណ្តាលដល់ក្រុមការ ងារស្រុកមោងឬស្ស៊ី និងស្រុកឯកភ្នំ ដែលក្នុងនោះកម្មវិធីពេលព្រឹកបានប្រារព្វធ្វើនៅភូមិចុងសំ ណាច ឃុំជ្រៃ ស្រុកមោងឬស្ស៊ី ពេលរសៀលធ្វើនៅស្រុកឯភ្នំ ។

ជាមួយគ្នានោះកាលពីថ្ងៃទី០៤ ខែមេសា ឆ្នាំ២០១៣ ក្រុមការងារចលនាប្រជាធិបតេ​យ្យ​សង្គ្រោះជាតិខេត្តបាត់ដំបង ក៏បានចុះជួបសំណេះសំណាល និងផ្សព្វផ្សាយគោលនយោបាយ គណបក្ស សង្គ្រោះជាតិ ដល់ប្រជាពលរដ្ឋពេលព្រឹកនៅភូមិអង្គ សង្កាត់អូរចារ និងពេល​រសៀលចុះជួបពលរដ្ឋនៅភូមិអណ្តូងចេញ សង្កាត់អូរចារ ដូចគ្នាផងដែរ ។

យ៉ាងណាម៉ិញនៅឯខេត្តសៀមរាបឯណោះ កាលពីថ្ងៃទី០៤ ខែមេសា ឆ្នាំ២០១៣ ក្រុមការងារ ចលនាប្រជាធិបតេយ្យសង្គ្រោះជាតិស្រុកពួក ក៏បានចុះលើក និងជួសជុលស្លាកគណបក្ស សង្គ្រោះជាតិជាច្រើនស្លាកនៅតាមបណ្តាឃុំ និងភូមិនានា ក្នុងស្រុកពួកផងដែរ ៕